Pramāṇa · Search · About · API

Pancavimsha 97: atha tṛtīyaḥ khaṇḍaḥ

Pañcaviṃśa 97

Language
Sanskrit

atha tṛtīyaḥ khaṇḍaḥ

97.2

prajāpatirakāmayata bahu syāṃ prajāyeyeti sa ātmannṛtvyamapaśyattata ṛtvijo'sṛjata yahṛtvyādasṛjata tadṛtvijāmṛtviktvaṃ tairetaṃ dvādaśāhamupāsīdatso'rādhnot
pitā no'rātsīditi māsā upāsīdaṃste dīkṣayaivā'rādhnuvannupasatsu trayodaśamadīkṣayan so'nuvyamabhavat tasmādupasatsu didīkṣāṇo'nuvyaṃ bhavatyeva ca hi
trayodaśaṃ māsaṃ cakṣate naiva ca

97.3

eko dīkṣetaiko hi prajāpatirarāddhoddvādaśa dīkṣeran
dvādaśa hi māsā arādhnuvam̐ścaturviṃśatirdīkṣeram̐ścaturviṃśatirhyarddhamāsā arādhnuvan

97.4

yadi pañcaviṃśo dīkṣeteme pañceme pañceme pañceme pañceme
catvāro'sāveka iti nirdiśeyuryasmā arāddhikāmāḥ
syustamevā'rāddhiranveti sarva itare rādhnuvanti

97.5

yo vai devānāṃ gṛhapatiṃ vedā'śnute gārhapatyaṃ pra gārhapatyamāpnoti

97.6

saṃvatsaro vai devānāṃ gṛhapatiḥ sa eva prajāpatistasya māsā eva saha dīkṣiṇaḥ

97.7

vindate saha dīkṣiṇo'śnute gārhapatyaṃ pra gārhapatyamāpnoti ya evaṃ veda

97.8

yo vai chandasāṃ svarājaṃ vedā'śnute svārājyaṃ pra svārājyamāpnoti bṛhatī vāva chandasāṃ svarāḍaśnute svārājyaṃ pra svārājyamāpnoti ya evaṃ veda

97.9

tāṃ vā etāmannādyāya vyāvṛtyaiāsate yadetaṃ dvādaśāhaṃ dvādaśa dīkṣā dvādaśopasado dvādaśa prasrutaḥ ṣaṭtriṃśadetā rātrayo bhavanti ṣaṭtriṃśadakṣarā bṛhatī

97.10

jāyate vāva dīkṣayā punīta upasadbhirdevalokameva
sutyayā'pyeti

97.11

etāvadbhāva saṃvatsara indriyaṃ vīryaṃ yadetā rātrayo
dvādaśa paurṇamāsyo dvādaśaikāṣṭakā dvādaśā'māvāsyā
yāvadeva saṃvatsara indriyaṃ vīryaṃ tadetenā''ptvā'varundhe
dvādaśāhena

97.12

triṃśadakṣarā vā eṣā virāṭ ṣaḍṛtava ṛtuṣveva virājā pratitiṣṭhatyṛtubhirvirājī

97.13

dvātriṃśadakṣarā vā eṣā'nuṣṭubvāganuṣṭup catuṣpādaḥ paśavo vācā paśūndādhāra tasmādvācā siddhā vācāhūtā āyanti tasmādu nāma jānate

Linked texts (3)