Pramāṇa · Search · About · API

Pancavimsha 99

Pañcaviṃśa 99

Language
Sanskrit

99.1

trayo vā ete trirātrā yadeṣa dvādaśāho gāyatramukhaḥ
prathamo gāyatramadhyo dvitīyo gāyatrottamastṛtīyaḥ

99.2

yasmādgāyatramukhaḥ prathamaḥ tasmādūrddho'gniddīdāya yasmādgāyatramadhyo dvitīyastasmāttiyyaṃṅ vāyuḥ pavate yasmādgāyatrottamastṛtīyastasmādavāṅādityastapati

99.3

tejasā vai gāyatrī prathamaṃ trirātraṃ dādhāra padairdvitīyamakṣaraistṛtīyam

99.4

trivṛdvai gāyatryāstejaḥ trivṛtprāyaṇiyamahastena prathamastrirātro dhṛtastripadā gāyatrī trirātro madhye tena dvitīyastrirātro dhṛtaścaturviṃśatyakṣarā gāyatrī caturviṃśa
śva uttamamahastena tṛtīyastrirātro dhṛtaḥ

99.5

tejasā vā ete prayanti tejo madhye dadhati tejo'bhyudyanti, jyotiṣā vā ete prayanti jyotirmadhye
dadhati jyotirabhyudyanti, cakṣuṣā vā ete prayanti cakṣurmadhye dadhati cakṣurabhyudyanti, prāṇena vā ete prayanti
prāṇaṃ madhye dadhati prāṇamabhyudyanti, ye gāyatryā prayanti
gāyatrīṃ madhye dadhati gāyatrīmabhyudyanti

99.6

tantraṃ vā etadvitāyata yadeṣa dvādaśāhastasyaite mayūkhā yadgāyatryasaṃśyāthāya

99.7

girikṣidauccāmanyaveti hovācā'bhipratārī kākṣaseniḥ kathaṃ dvādaśāha iti yathā'rānnemiḥ paryetyevamenaṃ
gāyatrī paryetyavisraṃsrāya yathā'rā nābhau dhṛtā evamasyāṃ dvādaśāho dhṛtaḥ

99.8

anuṣṭubhaṃ vā etāmannādyāya vyāvṛtyaiā''sate yadetaṃ
dvādaśāham

99.9

aṣṭābhirvā akṣarairanuṣṭup prathamaṃ dvādaśāhasyā'harūdyacchatyekādaśabhirdvitīyaṃ dvādaśabhistṛtīyam

99.10

akṣaraṃ tryakṣaramucchiṣyate tadevottaraṃ trirātramanuvidadhāti

99.11

chandāṃsyevā'syāstṛtīyaṃ trirātraṃ vahanti

99.12

tāṃ vā etāṃ pratīcīṃ tiraścīṃ parācīmāsate'nnādyāya
tasmātpratyañcaṃ tiryañcaṃ parāñcaṃ prajāḥ paśumupajīvanti

99.13

atha chandasāṃ vyūhanaprakāraṃ vidhitsurāha—
chandāṃsi vā anyonyasya lokamabhyadhyāyan gāyatrī
triṣṭubhastriṣṭubjagatyā jagatī gāyatryāstāni vyauhanyathā lokaṃ tato vai tāni yaṃ yaṃ kāmamakāmayanta tamasanvan

99.14

yatkāmo vyūḍhacchandasā dvādaśāhena yajate so'smai
kāmaḥ samṛdhyate

99.15

athainaṃ dvādaśāhaṃ devānāṃ sthānatvena stauti—
oko vai devānāṃ dvādaśāho yathā vai manuṣyā imaṃ
lokamāviṣṭā evaṃ devatā dvādaśāhamāviṣṭā devatā ha vā
etena yajate ya evaṃ vidvān dvādaśāhena yajate

99.16

gṛhā vai devānāṃ dvādaśāho nā'gṛhatāyā bhayam

99.17

yo vai dvādaśāhamagniṣṭomena kalpamānaṃ veda kalpate'smai prātaḥsavanenaiva prathamastrirātraḥ kalpate mādhyandinena
dvitīyastṛtīyasavanena tṛtīyo'gniṣṭomasāmnaiva daśamamahaḥ kalpate

99.18

kalpate'smai ya evaṃ veda

Linked texts (5)