<!-- Pramāṇa, a library of Indian primary sources · https://indike.org/pramana/in.veda.brahmana.pancavimsa.129 -->

[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Pañcaviṃśa (Tāṇḍya Mahā) Brāhmaṇa](https://indike.org/pramana/in.veda.brahmana.pancavimsa) › 129

# Pañcaviṃśa (Tāṇḍya Mahā) Brāhmaṇa 129

Pañcaviṃśabrāhmaṇa 129

- **Language:** Sanskrit

### [129](https://indike.org/pramana/in.veda.brahmana.pancavimsa.129)

(PB 12.11.1) ''paripriyā divaḥ kavir'' iti parivatyo bhavanty anto vai caturtham ahas tasyaitāḥ paryāptyai  
(PB 12.11.2) tvaṃ hy aṅga daivyeti tvam iti bṛhato rūpaṃ bārhataṃ hy etad ahaḥ  
(PB 12.11.3) somaḥ punāna ūrmiṇā vyaṃvāraṃ vidhāvati/ agre vācaḥ pavamānaḥ kanikradad iti  
(PB 12.11.4) agraṃ hy etarhi vāco 'gacchann agram evaitayā yajamānaṃ gamayanti  
(PB 12.11.5) ''puro jitīvo andhasā-'' iti virājau vairājaṃ hy etad ahaḥ  
(PB 12.11.6) ''somaḥ pavate janitā matīnām'' iti prātassavane ṣoḍaśinaṃ gṛhītaṃ taṃ tṛtīyasavane prajanayanti  
(PB 12.11.7) triṣṭubhaḥ satyo jagatyo rūpeṇa tasmāj jagatīnāṃ loke kriyante  
(PB 12.11.8) gāyatraṃ bhavati yad eva gāyatrasya brāhmaṇam  
(PB 12.11.9) aurṇāyavaṃ bhavati  
(PB 12.11.10) aṅgiraso vai sattram āsata teṣām āptaḥ spṛtaḥ svargo loka āsīt panthānaṃ tu devayānaṃ na prājānaṃs teṣāṃ kalyāṇa āṅgiraso dhyāyam udavrajat sa ūrṇāyuṃ gandharvam apsarasāṃ madhye preṅkhayamāṇam upait sa iyām iti yāṃ yām abhyadiśat sainam akāmayata tam abhyavadat kālyāṇā3 ity āso vai vaḥ spṛtaḥ svargo lokaḥ panthānaṃ tu devayānaṃ na prajānīthedaṃ sāma svargyaṃ lokam eṣy atha mā tu vocoham adarśam iti  
(PB 12.11.11) sa ait kalyāṇaḥ so 'bravīd āpto vai naḥ spṛtaḥ svargo lokaḥ panthānaṃ tu devayānaṃ prajānīma idaṃ sāma svargyaṃ tena stutvā svargaṃ lokam eṣyāma iti kas te 'vocad ity aham evādarśam iti tena stutvā svargaṃ lokam āyann ahīyata kalyāṇo 'nṛtaṃ hi so 'vadat sa eṣaḥ śvitraḥ  
(PB 12.11.12) svargyaṃ vā etat sāma svargalokaḥ puṇyaloko bhavaty aurṇāyavena tuṣṭuvānaḥ  
(PB 12.11.13) bṛhatkaṃ bhavati  
(PB 12.11.14) sāmārṣeyeṇa praśastaṃ tvaṃ hīty annādyasyāvarudhyai hīti vā annaṃ pradīyate ṣoḍaśinam u caivaitenodyacchati  
(PB 12.11.15) ātīṣādīyaṃ bhavati  
(PB 12.11.16) āyur vā ātīṣādīyam āyuṣo 'ṣarudhyai  
(PB 12.11.17) ātamitor nidhanam upayanty āyur eva sarvam āpnuvanti  
(PB 12.11.18) nānadaṃ bhavati  
(PB 12.11.19) jyāyo 'bhyārambham atihāya pañcam ahaḥ ṣaṣṭhasyāhna ārambhas tena ṣaṣṭham ahar ārabhante santatyai  
(PB 12.11.20) ṣoḍaśākṣareṇa prastauti ṣoḍaśinam u caivaitenodyacchati  
(PB 12.11.21) āndhīgavaṃ bhavati  
(PB 12.11.22) kayor annādyam avarūndha āndhīgavena tuṣṭuvānaḥ  
(PB 12.11.23) vātsapraṃ bhavati  
(PB 12.11.24) etasmin vai vairājaṃ pratiṣṭhitaṃ pratitiṣṭhati vātsapreṇa tuṣṭuvānaḥ  
(PB 12.11.25) vatsaprīr bhālandanaḥ śraddhāṃ nāvindata sa tapo 'tapyata sa etad vātsapram apaśyat sa śraddhām avindata śraddhā vindāmahā iti vai sattram āsate vindate śraddhām  
(PB 12.11.26) īnidhanaṃ tathā hy etasyāhno rūpaṃ nidhanāntāḥ pavamānā bhavanty ahno dhṛtyai stomaḥ

- [Previous: 128](https://indike.org/pramana/in.veda.brahmana.pancavimsa.128)
- [Next: 130](https://indike.org/pramana/in.veda.brahmana.pancavimsa.130)

## Commentaries (1)

- [Tāṇḍyamahābrāhmaṇabhāṣya (Sāyaṇa)](https://indike.org/pramana/in.veda.brahmana.pancavimsa!sayana) — Sāyaṇa, Sanskrit

## Linked texts (1)

- [Nidānasūtra (another edition)](https://indike.org/pramana/in.vedanga.chanda.vaidika.nidana*alt.1.9.11.p18) — Sanskrit

## Discussed in (5)

- [Vedic Index of Names and Subjects](https://indike.org/pramana/ins.reference.macdonell-keith-1912.v1.c3.s11.191) — Macdonell & Keith 1912, English
- [A Vedic Concordance](https://indike.org/pramana/ins.reference.bloomfield-1906.c6.448) — Bloomfield 1906, English
- [The Religion and Philosophy of the Veda and Upanishads](https://indike.org/pramana/ins.religion.keith-1925.v2.c39.s3.84) — Keith 1925, English
- [Ancient Indian Education (Brahmanical and Buddhist)](https://indike.org/pramana/ins.science.mookerji-1947.c11.s4.262) — Mookerji 1947, English
- [Die Religion des Veda](https://indike.org/pramana/ins.religion.oldenberg-1894.c7.s6.117) — Oldenberg 1894, German

---
Source: [https://indike.org/pramana/in.veda.brahmana.pancavimsa.129](https://indike.org/pramana/in.veda.brahmana.pancavimsa.129) · Pramāṇa