<!-- Pramāṇa, a library of Indian primary sources · https://indike.org/pramana/in.veda.brahmana.pancavimsa.6 -->

[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Pañcaviṃśa (Tāṇḍya Mahā) Brāhmaṇa](https://indike.org/pramana/in.veda.brahmana.pancavimsa) › 6

# Pañcaviṃśa (Tāṇḍya Mahā) Brāhmaṇa 6

Pañcaviṃśabrāhmaṇa 6

- **Language:** Sanskrit

### [6](https://indike.org/pramana/in.veda.brahmana.pancavimsa.6)

(PB 1.6.1) aindraṃ saho 'sarji tasya ta indav indrapītasyendriyāvato 'nuṣṭupchandaso harivataḥ sarvagaṇasya sarvagaṇa upahūta upahūtasya bhakṣayāmi  
(PB 1.6.2) indav indrapītasya ta indriyāvato 'nuṣṭupchandasaḥ sarvagaṇasya sarvagaṇa upahūta upahūtasya bhakṣayāmi  
(PB 1.6.3) stutasya stutam asy ūrjasvat payasvad ā mā stotrasya strotraṃ. gamyād indravanto vanemahi bhakṣīmahi prajām iṣam  
(PB 1.6.4) iṣṭayajuṣas te deva soma stutastomasya śastokthasya tirohnyasya yo 'śvasanir gosanir bhakṣas tasyopahūta upahūtasya bhakṣayāmi  
(PB 1.6.5) ṛtasya tvā deva stomapade viṣṇor dhāmāni vi muñcāmy etat tvaṃ deva stomān avakaram agann aśīmahi vayaṃ pratiṣṭhām  
(PB 1.6.6) somehānu mehi soma saha sadasa indriyeṇa  
(PB 1.6.7) subhūr asi śreṣṭho raśmir devānāṃ saṃsad devānāṃ yātur yayā tanvā brahma jinvasi tayā mā jinva tayā mā janaya prakāśaṃ mā kuru  
(PB 1.6.8) apāṃ puṣpam asy oṣadhīnāṃ rasa indrasya priyatamaṃ haviḥ svāhā  
(PB 1.6.9) hāriyojanasya te deva someṣṭayajuṣaḥ stutastomasya śastokthasya yo 'śvasanir gosanir bhakṣas tasyopahūta upahūtasya bhakṣayāmi  
(PB 1.6.10) devakṛtasyainaso 'vayajanam asi pitṛkṛtasyainaso 'vayajanam asi manuṣyakṛtasyainaso 'vayajanam asy asmatkṛtasyainaso 'vayajanam asi yad divā ca naktaṃ cainaś cakṛma tasyāvayajanam asi yat svapantaś ca jāgrataś cainaś cakṛma tasyāvayajanam asi yad vidvāṃsaś cāvidvāṃsaś cainaś cakṛma tasyāvayajanam asy enasa-enasāvayajanam asi  
(PB 1.6.11) apsu ghautasya te deva soma nṛbhiḥ sutasya  
(PB 1.6.12) madhumantaṃ bhakṣaṃ karomi  
(PB 1.6.13) sam adbhya oṣadhībhyaḥ  
(PB 1.6.14) kāmakāmaṃ ma ā vartaya  
(PB 1.6.15) ūrg asy ūrjam mayi dhehi  
(PB 1.6.16) prāṇa somapīthe me jāgṛhi  
(PB 1.6.17) dadhikrāvṇo akāriṣaṃ jiṣṇor aśvasya vājinaḥ / surabhi no mukhā karat pra na āyūṃṣi tāriṣat

- [Previous: 5](https://indike.org/pramana/in.veda.brahmana.pancavimsa.5)
- [Next: 7](https://indike.org/pramana/in.veda.brahmana.pancavimsa.7)

## Linked texts (3)

- [Āpastambaśrautasūtra](https://indike.org/pramana/in.vedanga.kalpa.srauta.apastamba.14.32.1.a) — Āpastamba, Sanskrit
- [Mānavaśrautasūtra](https://indike.org/pramana/in.vedanga.kalpa.srauta.manava.3.6.15) — Sanskrit
- [Drāhyāyaṇaśrautasūtra](https://indike.org/pramana/in.vedanga.kalpa.srauta.drahyayana.7.2.8) — Drāhyāyaṇa, Sanskrit

---
Source: [https://indike.org/pramana/in.veda.brahmana.pancavimsa.6](https://indike.org/pramana/in.veda.brahmana.pancavimsa.6) · Pramāṇa