Rigvedabrahmana 10.1

10.1

iti navamo 'dhyāyaḥ samāptaḥ
vajro vā eṣa yadūpastadyadupavasathe yūpamucchrayanti vajreṇaiva tadyajamānasya pāpmānamapaghnanti sa nāpanata iva syādaśanāyato vā etadrūpamabhinata ivodareṇāthāhavanīyaṃ punarabhyāvṛttastaddhai suhitasya rūpamanaśanāyukā hāsya bhāryā bhavati^3 ya evaṃrūpaṃ yūpaṃ kurute pālāśaṃ brahmavarcasakāmaḥ kurvīta bailvamannādyakāmaḥ khādiraṃ svargakāmastryaratniḥ syāllokānāṃ rūpeṇa caturaratniḥ paśūnāṃ rūpeṇa pañcāratniḥ paṅktyai rūpeṇa ṣaḍaratnirṛtūnāṃ rūpeṇa saptaratniścchandasāṃ rūpeṇāṣṭāratnirgāyatryai rūpeṇa
navāratnirbṛhatyai rūpeṇa daśāratnirvirājo rūpeṇaikādaśāratnistriṣṭubho
rūpeṇa dvādaśāratnirjagatyai rūpeṇaitā mātrāḥ saṃpado yūpasya tāsāmekāṃ
saṃpadamabhisaṃpādya yūpaṃ kurvīta tadu vā āṅgurna mimedyūpamaparimita eva
syānmitaṃ ha vai mitena jayatyamitamamitenāparimitasyāvaruddhyai yatraiva
manasā velāṃ manyeta^4 tadyūpasya ca vedeñceti ha smāha prajāpatirvai mano
yajña u vai prajāpatiḥ svayaṃ vai tayajño yajñasya juṣate yanmano manaso
vājapeyayūpa evāvadhṛtaḥ saptadaśāratniḥ so 'ṣṭāśrirniṣṭhito bhavati sarveṣāmeva kāmānāmāptyā athaitaṃ praṇenijati tayadevedaṃ paraśunā krūrīkṛta
iva taṣṭa iva bhavati tadevāsmaitadāpyāyayati tadviṣajyatyathainamabhyañjati
tayā evemāḥ puruṣa¹ āpastā evāsmiṃstaddadhāti svabhyaktaṃ svayameva yajamānaḥ kurvīta tathā ha yajamāno 'rukṣa iva bhavati