Rigvedabrahmana 20.1
Ṛgvedabrāhmaṇa 20.1
- Language
- Sanskrit
20.1
ityekonaviṃśo 'dhyāyaḥ samāptaḥ
devacakraṃ vā etatpariśrvaṃ yatsaṃvatsarastadamṛtatvaṃ tasminnetatsaptatayamannādyaṃ grāmyāśca paśava āraṇyāścauṣadhayaśca vanaspatayaścāpsucaraṃ ca parisravaṃ ca taddevāḥ samāruhya sarvām̐llokānanupariśrvante devalokaṃ pitṛlokaṃ
jīvalokamimamapodakamagnilokamṛtadhāmānaṃ vāyulokamaparājitamindralokamadhidivaṃ varuṇalokaṃ pradivaṃ mṛtyulokaṃ rocanaṃ brahmaṇo lokaṃ nākaṃ
saptamaṃ³ lokānāṃ tadyadabhiśrvamupayanti saṃvatsarameva tadyajamānāḥ samārohanti tasminnetatsaptatayamannādyamāpnuvanti grāmyāṃśca paśūnāraṇyāṃścauṣadhīśca vanaspatīṃścāpsucaraṃ ca pariśrvaṃ ca dvijyotiṣurupayanti tena dvayamannādyamāpnuvanti grāmyāṃśca paśūnāraṇyāṃśca dvirgomupayanti tena dvayamannādyamāpnuvantyoṣadhīśca vanaspatīṃśca dvirāyurupayanti tena dvayamannādyamāpnuvantyapsucaraṃ ca pariśrvaṃ ca
Linked texts (1)
- Kauṣītakibrāhmaṇa — Kauṣītaki, Sanskrit