Rigvedabrahmana 21.5

21.5

tadāhuḥ kasmādvaiśvadevānyevānvāyātyante naikadevatyāni na dvidevatyānīti naikadevatyena yātayāmaṃ bhavati na dvidevatyena vaiśvadevenaiva yātayāmaṃ bhavati tasmādvaiśvadevānyevānvāyātyanta eteṣāmevāhnāṃ sabalatāyā
eteṣāmabhilavānā mayātayāmatāyai jyotiḥ prathamamaharupayanti tasyaivaikāhasya rūpeṇāyaṃ hyekāha uttareṣāmahvāṃ jyotirgī dvitīyaṃ gacchanti hyenenāyustṛtīyaṃ yanti hyenenāgniṣṭomau prathamottame ahanī catvāryukthyāni
madhye brahma vā agniṣṭomaḥ paśava ukthyāni brahmaṇaiva tatpaśūnubhayataḥ
parigṛhyātmandadhate teṣāṃ vā eteṣāṃ caturṇāmukthyānāṃ sahasraṃ stotriyāḥ
sāhasrāḥ paśavaḥ pra sāhastraṃ poṣamāpnoti ya evaṃ veda pṛṣṭhyāntānvā itaścaturaścaturo 'bhillavānupayanti paśavo vā abhilavāḥ śrīḥ pṛṣṭhyāni
paśubhireva tacchriyamabhayataḥ parigṛhyātmandadhate pṛṣṭhyārambhaṇānvā ūrdhvaṃ
viśvajitaścaturaścaturo 'bhilavānupayanti śrīrvā abhilavāḥ paśavaḥ pṛṣṭhyāni śriyaiva tatpaśūnubhayataḥ parigṛhyātmandadhate