[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Rigvedabrahmana](https://indike.org/pramana/in.veda.brahmana.rgvedabrahmana) › 26 # Rigvedabrahmana 26 Ṛgvedabrāhmaṇa 26 - **Language:** Sanskrit ### [26.1](https://indike.org/pramana/in.veda.brahmana.rgvedabrahmana.26.1) iti caturviṃśo 'dhyāyaḥ samāptaḥ āpastapo 'tapyanta tāstapastaptvā garbhamadadhata tata eṣa ādityo 'jāyata ṣaṣṭhe māsi tasmātsattriṇaḥ ṣaṣṭhe māsi divākīrtyamupayanti sa ṣaṇmāsānudaṅṅeti ṣaḍāvṛttāṃstasmātsattriṇaḥ ṣaḍevordhvāṃnmāso yanti ṣaḍāvṛttānantareṇa ha vā etamaśanāyā ca punarmṛtyuścāpāśanāyāṃ ca punarmṛtyuṃ ca jayanti ye vaiṣuvatamaharupayanti tasyaitāni cchandorūpāṇi sūryavadvānumajjyotiṣmadvṛkvadvaducitavadvaryatavaditi samudrādūrmirmadhumām̐ udāradityājyaṃ samudrāddhyeṣo 'hya udatīndra ekaṃ sūrya ekaṃ jajāneti sūryavattadetasyāhno rūpaṃ tāḥ śaṃstā ekaviṃśatiranuṣṭubhaḥ saṃpadyanta ekaviṃśo vā eṣa ya eṣa tapati tadenaṃ svena rūpeṇa samardhayati traiṣṭubhaḥ praugo viṣuvānvā eṣo 'hnāṃ viṣuvāñchandasāṃ triṣṭuptenaṃ svena cchandasā samardhayati ### [26.2](https://indike.org/pramana/in.veda.brahmana.rgvedabrahmana.26.2) kuvidaṅga namasā ye vṛdhāsa iti vāyavyamavāsayannuṣasaṃ sūryeṇeti sūryavattadetasyāhno rūpamata evottaraṃ tṛcamaindravāyavaṃ yāvattarastanvo yāvadoja iti yāvattarañcakṣasā dīdhyānā ityetena rūpeṇoddhāṃ caturvaruṇa supratīkamiti maitrāvaruṇaṃ devayoreti sūryastanvāniti sūryavattadetasyāhno rūpamā gomatā nāsatyā rathenetyāśvinaṃ tasyordhvabhānuṃ savitā devo aśrediti bhānumatī tṛtīyā tadetasyāhno rūpamā no deva śavasā yāhi śuṣminnityaindraṃ tanūṣu śūrāḥ sūryasya sātāviti sūryavattadetasyāhno rūpaṃ pra brahmaitu sadanādṛttasyeti vaiśvadevaṃ vi raśmibhiḥ sasṛje sūryo gā iti sūryavattadetasyāhno rūpamuta syā naḥ sarasvatī juṣāṇeti sārasvataṃ dvārāvṛtasya subhage vyāvannityetena rūpaiṣa vā u sūryavāṃstraiṣṭubhastṛcaklṛpto vāsiṣṭhaḥ praugaḥ prajāpatirvai vasiṣṭhaḥ¹ prajāpatāveva tatsarvānkāmānudhruvanti ### [26.3](https://indike.org/pramana/in.veda.brahmana.rgvedabrahmana.26.3) tadājrnaṃ traiṣṭubhaṃ prātaḥsavanaṃ syānmohayati klṛptacchandaso yajñamukhamaikāhikameva syājjyotirvā ekāho jyotireṣa ya eṣa tapati jyotiṣaiva tajjyotiḥ samardhayanti tasya pra vo devāyānagnaye tvaṃ hi kṣaitavadyaśa ityete ubhe tadājyaṃ tāḥ saṃśastā ekaviṃśatiranuṣṭubho bhavanti² tāsāmuktaṃ brāhmaṇaṃ mādhucchandasaḥ praugastasyoktaṃ brāhmaṇamā tvā rathaṃ yathotaya iti marutvatīyasya pratipadidaṃ vaso sutamandha ityanucara eṣa eva nitya ekāhātānastasyoktaṃ brāhmaṇaṃ kayā śubhā savayasaḥ sanīḍā iti marutvatīyaṃ śubhā bhā ityetena rūpeṇa tvaṃ sumedhaṃ mahayā svarṇvidamiti jāgatamadhārayo divyā sūrya dṛśa iti sūryavattadetasyāhno rūpaṃ janiṣṭhā ugraḥ sahase turāyetyetasmiṃstraiṣṭubhe nividaṃ dadhātyapa dhvāntamūrṇahi pūrdhi caturityetena rūpeṇa tā vā ubhayyastriṣṭubjagatyaḥ śasyante triṣṭubjagatyorha vā eṣa āhita ādityaḥ pratiṣṭhitastapati tadenaṃ pratyakṣamāpnuvanti ### [26.4](https://indike.org/pramana/in.veda.brahmana.rgvedabrahmana.26.4) bṛhadetasyāhnaḥ pṛṣṭhaṃ syāditi haika āhurbārhato vā eṣa ya eṣa tapati bṛhadetattapatīti vadanto 'tho apṛṣṭhaṃ vā etadyanmahādivākīrtyamathaite eva pratyakṣe pṛṣṭhe yadbṛhadrathaṃtare tasmādbṛhadevaitasyāhnaḥ pṛṣṭhaṃ syāditi yadyu sūryavati pragāthe bṛhatkuryuḥ sūryavataśca pragāthānaitasyāhno rūpeṇendraḥ kila śrutyā asya vedetyukthamukhīyā sa hi jiṣṇuḥ pathikṛtsūryāyeti sūryavatī tadetasyāhno rūpaṃ mahādivākīrtyamevaitasyāhnaḥ pṛṣṭhaṃ syāditi sā sthitiretadvai pratyakṣaṃ sāma yanmahādivākīrtyaṃ tadenaṃ svena sāmnā samardhayanti¹ tadvaike triṣṭupsu kurvanti traiṣṭubho vā eṣa ya eṣa tapati tadenaṃ svena cchandasā samardhayanti¹ bṛhatīṣu syāditi haika āhurbārhato vā eṣa ya eṣa tapati tadenaṃ svena cchandasā samardhayanti¹ jagatīṣu syāditi tveva sthitaṃ jāgato vā eṣa ya eṣa tapati tadenaṃ svena cchandasā samardhayati ### [26.5](https://indike.org/pramana/in.veda.brahmana.rgvedabrahmana.26.5) vibhrāḍ bṛhatpibatu somyaṃ madhviti stotriyastṛco vibhrabhrāḍ bhrājo mahi sūryo dṛśa iti vivānbhrājiṣmānsūryavāṃstadetasyāhno rūpaṃ vi sūryo madhye amucadrathaṃ diva ityanurūpo vivāntsūryavāñjāgata u vai samānaṃ chando viśvāhā tvā sumanasaḥ sucakṣasa iti tveva sthitaḥ sauryaḥ sūryasya jyogjīvāḥ pratipaśyema sūryetyetena rūpeṇa baṇmahām̐ asi sūryeti sūryavāntsāmapragāthastadetasyāhno rūpamatha bṛhadrathaṃtarayoryonī śaṃsatīndraḥ kila śrutyā asya vedetyukthamukhīyā sa hi jiṣṇuḥ pathikṛtsūryāyeti sūryavatī tadetasyāhno rūpaṃ śaṃ no bhava cakṣasā śaṃ no ahneti tveva sthitā saurī sūryasya tatsūrya draviṇaṃ dhehi citramityetena rūpeṇa ya eka idavyaścarṣaṇīnāmiti traiṣṭubhaṃ divyāni dīpayo 'ntarikṣetyetena rūpeṇaivaṃ nu yadi mahādivākīrtyaṃ pṛṣṭhaṃ bhavati yadyu vai bṛhatsvayonau kuryurbṛhta ātānaṃ śastvā rathaṃtarasya yoniṃ śaṃsatīndraḥ kila śrutyā asya vedetyukthamukhīyā sa hi jiṣṇuḥ pathikṛtsūryāyeti sūryavatī tadetasyāhno rūpam ### [26.6](https://indike.org/pramana/in.veda.brahmana.rgvedabrahmana.26.6) dyaurna ya indrābhi bhūmārtha iti traiṣṭubhamindraḥ kutsāya sūryasya sātāviti sūryavattadetasyāhno rūpaṃ na cetsvayonau āyanta iva sūryamiti sūryavāntstotriyastadetasyāhno rūpaṃ yaddyāva indra te śatamityanurūpaḥ sahasraṃ sūryā iti sūryavāṃstadetasyāhno rūpaṃ yaḥ satrāhā vicarṣadhiriti sāmapragāthastanūṣvapsu sūrya iti sūryavāṃstadetasyāhno rūpamatha bṛhadrathaṃtarayoryoniṃ¹ śaṃsatīndraḥ kila śrutyā asya vedetyukthamukhīyā tasyā uktaṃ brāhmaṇaṃ ya eka iddhavyaścarṣaṇīnāmiti traiṣṭubhaṃ tasyoktaṃ brāhmaṇamevaṃ nu yadi bṛhatsvayonau vā svayonau vā kuryustubhayasāmānaṃ cetkuryuḥ samānamokthamukhīyāyā uddharedvṛhadrathaṃtarayoryonī tam ṣṭuhi yo abhibhūtyojā iti traiṣṭubhaṃ gīrbhirvṛdhaṃ vṛṣabhaṃ carṣaṇīnāmityetena rūpeṇa samānamuttaramabhi tyaṃ meṣaṃ puruhūtagṛbhyiyamiti jāgatamāditsūryaṃ divārohayo dṛśa iti sūryavattadetasyāhno rūpaṃ tā vā ubhayyastriṣṭubjagatyaḥ śasyante triṣṭubjagatyorha vā eṣa āhita ādityaḥ pratiṣṭhitastapati tadenaṃ pratyacaṃ spṛśanti ### [26.7](https://indike.org/pramana/in.veda.brahmana.rgvedabrahmana.26.7) pra te mahe vidathe śaṃsiṣaṃ harī iti tasya nava śastvāhvaya nividaṃ dadhātyāviṣkṛdhi haraye sūryāyeti sūryavattadetasyāhno rūpaṃ sarvahareṇtasro 'bhyudaityā satyo yātu maghavām̐ ṛjīṣītyekaviṃśatirmahi jyotī rurucuryada vastorityetena rūpeṇa tāḥ pañcaviṃśatirviśyajite dhanajite svarjita iti ṣaḍ jagatya indrāya somaṃ yajatāya haryatamityetena rūpeṇa tā ekatriṃśattāsu jagatīṣu dūrārohaṇaṃ rohati jāgato vā eṣa ya eṣa tapati yajamānā dūrohaṇa etameva tadyajamānā rohanti pacchaḥ prathamaṃ rohati tadimaṃ lokamāpnuvantyardharcaśo dvitīyaṃ tadantarikṣalokamāpnuvanti tripacchastṛtīyaṃ tadamuṃ lokamāpnuvanti kevalīṃ sa āveśastripaccho 'rdharcaśaḥ pacchastadasmim̐lloke pratitiṣṭhati pratiṣṭhāyāmapracyutyāṃ saiṣā dūrohaṇīyā śaṃstā sapta saṃpadyante tā aṣṭatriṃśadeṣa pra pūrvīrava tasya camriṣa iti jāgataṃ ṣaḍṛcamindraṃ siṣaktyūṣasaṃ na sūrya iti sūryavattadetasyāhno rūpaṃ tāścatuścatvāriṃśatpataṃgamaktamasurasya māyayeti tisrastāṃ dyotamānāṃ svaryaṃ manīṣāmityetena rūpeṇa tāḥ saptacatvāriṃśadduraṃ no lokamanuneṣi vidvāniti triḥ śastvā paridhānīyayā svarjjyotirabhayaṃ svastītyetena rūpeṇa tāḥ pañcāśatpūrvā ekapañcāśattā ekaśatamṛco bhavanti śatāyurve puruṣaḥ śataparvā śatavīryaḥ śatendriya upa caikaśatatamī sa yajamānalokastadattaiva yajamānāntaṃskurvanti tadattaiva yajamānāntaṃskṛtyādau mahāvratīyenāhnā prajanayatīti paiṅgī saṃpat ### [26.8](https://indike.org/pramana/in.veda.brahmana.rgvedabrahmana.26.8) atha kauṣītakī samānamokyamukhīyāyā ṛtūrjanitrīyamuddhṛtya bṛhadrathaṃtare tasyaivaikādaśa svayonau navānyatra tadrūpā minantadṛpā eka īyata ityetena rūpeṇendra yāhi haribhiriti pañcadaśa sarūpairā su no gahītayetena rūpeṇa barorekādaśa śastvā sarvaharervā nividaṃ madhya ekaśatasyaikapañcāśataṃ śastvā dve barorabhyudaiti sarvaharervā satyo yātu maghavām̐ ṛjīṣītyekaviṃśatistāstrayoviṃśatirviśvajita iti ṣaṭ tā ekayānatriṃśaddūrohaṇīyāḥ sapta tāḥ ṣaṭtriṃśadabhūreko rayipate rayīṇāmiti traiṣṭubhaṃ pañcarcaṃ daśa praplave adha sūryasyeti sūryavattadetasyāhno rūpaṃ tā ekacatvāriṃśattyamū ṣu vājinaṃ devajūtamiti tisraḥ sūrya iva jyotiṣāpastatānetyetena rūpeṇa tāścatuścatvāriṃśatpataṃgastisrastāḥ saptacatvāriṃśadduraṃ no lokamanuneṣi vidvāniti triḥ śastvā paridhānīyayā tāḥ pañcāśatpūrvā ekapañcāśattā ekaśatamṛco bhavanti tāsāmuktaṃ brāhmaṇam ### [26.9](https://indike.org/pramana/in.veda.brahmana.rgvedabrahmana.26.9) tatsaviturvṛṇīmahe 'dyā no deva savitariti nityaiva vaiśvadevasya pratipaccānucaraśca tayoruktaṃ brāhmaṇaṃ yuñjate mana uta yuñjate dhiya iti sāvitramuta sūryasya raśmibhiḥ samucyasīti sūryavattadetasyāhno rūpaṃ te hi dyāvāpṛthivī viśvaśaṃbhuveti dyāvāpṛthivīyaṃ devo devī dharmaṇā sūryaḥ śuciriti sūryavattadetasyāhno rūpaṃ kimu śreṣṭhaḥ kiṃ yaviṣṭho na ājagannityārbhavaṃ yadāvākhyaccamasāñcaturaḥ kṛtānityavākhyadityetena rūpeṇa devānhuve bṛhacchravasaḥ svastaya iti vaiśvadevaṃ ye sūryasya jyotiṣo bhāgamānaśuriti sūryavajjyotiṣmattadetasyāhno rūpaṃ vaiśvānarāya dhiṣaṇāmṛtāvūdha iti vaiśvānarīyaṃ rurucānaṃ bhānunā jyotiṣā mahāmiti rucitavadbhānumajjyotiṣmattadetasyāhno rūpaṃ pra yajyavo maruto bhrājadṛṣṭaya iti mārutaṃ virokiṇaḥ sūryasyeva raśmaya iti sūryavattadetasyāhno rūpaṃ vediṣade priyadhāmāya sudyuta iti jātavedasīyaṃ jyotī rathaṃ śukravarṇaṃ tamohanamityetena rūpeṇetyāgnimārutasūktānītyetasyāhnaḥ sūktāni tadagniṣṭomaḥ saṃtiṣṭhate jyotirvā agniṣṭomo jyotireṣa ya eṣa tapati jyotiṣaiva tajjyotiḥ samardhayanti¹ te 'mṛtatvamāpnuvanti ye vaiṣuvatamaharupayanti ### [26.10](https://indike.org/pramana/in.veda.brahmana.rgvedabrahmana.26.10) purādityasyāstamayādetadahaḥ saṃsthāpayiṣeyuḥ saprātaranuvākametadahardivākīrtyaṃ bhavati saprātaranuvākena sapatnīsaṃyājenaitenāhnā purādityasyāstamayātsamīpseyuragniṃ manye pitaramagnimāpimityetayā tadaharhotā prātaranuvākaṃ pratipadyata āpimityāporevatyai rūpeṇa divi śuklaṃ yajataṃ sūryasyeti sūryavatī tadetasyāhno rūpaṃ tadu ha smāha kauṣītakiḥ prajāpatirvai prātaranuvāko na tamasa eva tadyathāyathameva tamupākuryāt² tattasya samṛddhaṃ tathā yathāyathamupāṃśvantaryāmau hūyete tadu tayoḥ samṛddhamiti vāsiṣṭhamāprīsūktaṃ saṃ raśmibhistatanaḥ sūryasyeti sūryavattadetasyāhno rūpaṃ śukla etasyāhnaḥ piṅgākṣo hotā syāditi haika āūramuṃ vā etenāhrepsanti yo 'sau tapati tadyathā śreyāṃsamāharannupaiyādevaṃ tadyathopapādamiti tveva sthitaṃ śastreṇaivaitasyāhno rūpamupepset¹ sauryaḥ paśurupālambhyaḥ savanīyaśca sa upāṃśu bhavati sa yastaṃ nirbrūyādyastaṃ tatra brūyādduścarmā kilāsīti taddraviṣyatīti² tathā ha syātte vā ete catvāra eva paśava upāṃśu bhavanti sauryaḥ sāvitraḥ prājāpatyo vāgdaivatya ityathānye niruktā atha trīntsvarasāmna āvṛttānupayanti teṣāmuktaṃ brāhmaṇam ### [26.11](https://indike.org/pramana/in.veda.brahmana.rgvedabrahmana.26.11) trayodaśaṃ vā etaṃ³ māsamāpnuvanti yadidañcajitamupayantyetāvānvai saṃvatsaro yadeṣa trayodaśo māsastadatraiva sarvaḥ saṃvatsara āpto bhavati tamāhurekāhaḥ ṣaḍaha iti yadyanvahaṃ ṣaḍahe kriyata ekāhi tadviśvajiti kriyate tadvā idaṃ bahraviśvadrūpaṃ viśvajiti kriyate yaḥ sarvāṇi pṛṣṭhāni sarve stomā uccāvacāḥ samavadhīyante vairājamevāsya pratyakṣaṃ pṛṣṭhaṃ bhavati mādhyaṃdine pavamāne rathaṃtaraṃ bṛhattṛtīyapavamāne kriyate śākkaraṃ maitrāvaruṇasya vairūpaṃ brāhmaṇācchaṃsino raivatamacchāvākasya ta etaṃ trayodaśamadhicaraṃ māsamāpnuvantyetaddhi trayodaśaṃ pṛṣṭhānyupayanti tasyāgniṃ naro dīdhitibhirarakhyoriti vairājamājyaṃ tasyoktaṃ brāhmaṇaṃ mādhucchandasaḥ praugastasyoktaṃ brāhmaṇamā tvā rathaṃ yathotaya iti marutvatīyasya pratipadidaṃ vaso sutamandha ityanucara eṣa eva nitya ekāhātānastasyoktaṃ brāhmaṇaṃ kayā śubhā savayasaḥ sanīḍā iti marutvatīyaṃ kadvatkayāśubhīyaṃ ko vai prajāpatirviśvajiyyāvevāmū vairājasya stotriyānurūpau tau stotriyānurūpau tayostathaiva nyūhnayati yathādaśyaturthe 'hanrahi vairājaṃ tatsthānamanyūhnanāyaiṣā dhāthyaiṣo 'ṣṭendraḥ pragātho 'tha bṛhadrathaṃtarayoryoniṃ śaṃsati tadidāsa bhuvaneṣu jyeṣṭhamiti niṣkevalyaṃ yajño vai bhuvaneṣu jyeṣṭho yajña u vai prajāpatirviśvajidatha yadi ṣaṣṭhasyāhnastṛtīyasavanaṃ tattṛtīyasavanaṃ prājāpatyaṃ vai ṣaṣṭhamahaḥ prajāpatirviśvajidaikāhikī pratipadekāho vai viśvajitpratiṣṭhā vā ekāhaḥ pratiṣṭhityai evābhivā‌nanucarastasyoktaṃ brāhmaṇam ### [26.12](https://indike.org/pramana/in.veda.brahmana.rgvedabrahmana.26.12) tadāhuratha kasmādviśvajiti sarvapṛṣṭha ekāhe tṛtīyasavane śilpāni śasyante kasmādagniṣṭome mādhyaṃdina iti ye vā ime 'vāñcaḥ prāṇāstāni śilpāni puruṣo vai yajñastasya ya ūrdhvā prāṇāstatprātaḥsavanamātmā madhyaṃdino ye 'vāñcastattṛtīyasavanaṃ tāni śilpāni tasmāttṛtīyasavane śilpāni kriyanta etaddhyeṣāmāyatanamatha kasmādagniṣṭome sāttrike sāṃvatsarike viśvajiti mādhyaṃdine śilpāni śasyanta ātmā vai pṛṣṭhāni prāṇāḥ śilpāni na vā antareṇātmānaṃ prāṇāḥ khyāyante na prāṇānantareṇātmā no etannānā tasmādagniṣṭoma evāpi viśvajiti mādhyaṃdine śilpāni śasyante netprāṇaibhya ātmānamapādadhānītyatho prajāpatirvai viśvajitsarvaṃ vai prajāpatirviśvajittasmātsarvāṇi pṛṣṭhāni kriyante sarvāṇi śilpāni sarvaṃ vai prajāpatirviśvajittatsarveṇa sarvamāpnoti ya evaṃ veda ### [26.13](https://indike.org/pramana/in.veda.brahmana.rgvedabrahmana.26.13) tatrāgnimārute raudrīṃ śastvā hotaivaiyāmarutaṃ paḍṅktiśaṃsaṃ śaṃsati pāṅkto vai yajño yajñasyaivāptyai nedacchāvākasya śilpaṃmantariyāmitya¹tho rudro vai jyeṣṭhaśca śreṣṭhaśca devānāmaṛticchandāśchandasāṃ viśvajidekāhānāṃ tadenaṃ svena cchandasā samardhayati tisṛṣvasya nyaṅkhayennyūṅkhayituṃ cedriyeta² sarvāsveva nyūṅkhayedannaṃ vai nyūṅkho 'nnaṃ prāṇaḥ prāṇāḥ śilpāni prāṇeṣveva tatprāṇaṃ dadhātyatho viśvajitā vai prajāpatiḥ sarvāḥ prajā asṛjayatsarvamudajayattasmādviśvajidetadvā eṣa jāyate viśvajitā yo yajate tasmānnūhvayati nyūṅkhamānaka iva vai prathamaṃ cicariṣaṃścarati tadenamamṛtācchandaso 'mṛtatvāya prajanayati te 'mṛtatvamāpnuvanti ye viśvajitamupayanti ### [26.14](https://indike.org/pramana/in.veda.brahmana.rgvedabrahmana.26.14) sa sarvastomaḥ sarvapṛṣṭho 'gniṣṭomaḥ saṃtiṣṭhate yaḥ sāttvikaḥ sāṃvatsariko viśvajitpratiṣṭhā vā agniṣṭomaḥ pratiṣṭhityai evaikāha u cedviśvajidrātrisattrasya vā viṣuvānatirātra eva syātsa kṛtsno viśvajidyo 'tirātro 'rdhaṃ vai viśvajito 'hnā kriyate 'rdhaṃ rātryā sarvaparājidu haiva sa yo 'nyatra sarvavedasādvā sattrādvā kriyate sarvajyānirhaiva sā yo 'nyatra viśvajitaḥ sarvaṃ dadāti viśvajiccetsarvameva sarvam cedviśvajideva yo ha vai na sarvaṃ dadāti sarvaṃ dadānīti bruvangartapatyameva taddhīyate pra vā mīyata iti ha smāha sahasraṃ vainamavarundhdha iti ha smāha kauṣītakiḥ sarvaṃ vai tadyatsahasraṃ sarvaṃ viśvajitsarveṇa sarvamāpnavānīti ### [26.15](https://indike.org/pramana/in.veda.brahmana.rgvedabrahmana.26.15) vatsacchavīṃ paridadhīta riricāna iva vā etasyātmā bhavati yaḥ sarvaṃ dadāti vatsaṃ vai paśavo vāñchanti punarmā paśavo vāñchānityu¹dumbare vasedūrgvā annādyamudumbara ūrjo 'nnādyasyopāptyai naiṣāde vasedetadvā avarārdhyamannādyaṃ yannaiṣādo 'varārdhyasyānnādyasyopāptyai vaiśye vasedvaiśyo vai puṣyatīva yadvaiśye 'nnādyaṃ tasyopāptyai kṣatriye vasedetadvai parārdhyamannādyaṃ yatkṣatriyaḥ parārdhyasyānnādyasyopāptyai brāhmaṇe samānagotre vasedyatsamāne gotre 'nnādyaṃ tasyopāptyai saṃvatsaraṃ caredadhaḥsaṃveśphālakṛṣṭāṃśca pratigṛhṇannānnaṃ² yācannidaṃ dattamanvavasānastattenānuvaste dvādaśarātraṃ caritvāthānyasyai bubhūṣātyai syāditi ha smāha kauṣītakirdvādaśa vai māsāḥ saṃvatsaraḥ sā saṃvatsarasya pratimeti prājāpatyānyaniruktāni hotrāṇāmājyamāni bhavanti tasya tā naḥ śaktaṃ pārthivasya yuñjanti bradhnamaruṣaṃ tā hi śaśvanta īḍate tamīḍiśva yo arciṣeti vā stotriyāḥ ṣaṣṭhasyāhnaḥ stotriyānanurupānkurvīranprājāpatyaṃ vai ṣaṣṭhamahaḥ prajāpatirviśvajidatare pañca taduktaṃ¹ paryāptaiḥ paridadhati pratiṣṭhā vai paryāsāḥ pratiṣṭhityai eva pratiṣṭhityai eva ## Linked texts (5) - [Kauṣītakibrāhmaṇa](https://indike.org/pramana/in.veda.brahmana.kausitaki.25.1.8) — Kauṣītaki, Sanskrit - [Śākala](https://indike.org/pramana/in.veda.samhita.rg*sakala.10.177.2) — Sanskrit - [Metrically restored text (van Nooten & Holland)](https://indike.org/pramana/in.veda.samhita.rg*vnh.3.2.3) — Sanskrit - [Ṛgvedaśāṅkhāyanīyabrāhmaṇa](https://indike.org/pramana/in.veda.brahmana.rgvedasankhayaniyabrahmana.31.1) — Sanskrit - [Mahāvrata of the Śāṅkhāyanaśrautasūtra](https://indike.org/pramana/in.vedanga.kalpa.srauta.mahavrataofthesankhayanasrautasutra.p60) — Sanskrit --- Source: [https://indike.org/pramana/in.veda.brahmana.rgvedabrahmana.26](https://indike.org/pramana/in.veda.brahmana.rgvedabrahmana.26) · Pramāṇa