[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › Rigvedabrahmana # Rigvedabrahmana (Ṛgvedabrāhmaṇa) ऋग्वेदब्राह्मण Unidentified (may be Kauṣītaki). - **Language:** Sanskrit - **Date:** 1000–400 BCE - **Extent:** 281 passages, 23,972 words - **Text:** partly digitised - **Source:** archiveorg · kaushitaki\_brahmanm; ed. B. Lindner; 1887 · Scan of a printed edition hosted by the Internet Archive (archive.org); the ancient text is in the public… ## Contents - [1](https://indike.org/pramana/in.veda.brahmana.rgvedabrahmana.1) — 5 parts - [2](https://indike.org/pramana/in.veda.brahmana.rgvedabrahmana.2) — 9 parts - [3](https://indike.org/pramana/in.veda.brahmana.rgvedabrahmana.3) — 9 parts - [4](https://indike.org/pramana/in.veda.brahmana.rgvedabrahmana.4) — 14 parts - [5](https://indike.org/pramana/in.veda.brahmana.rgvedabrahmana.5) — 10 parts - [6](https://indike.org/pramana/in.veda.brahmana.rgvedabrahmana.6) — 15 parts - [7](https://indike.org/pramana/in.veda.brahmana.rgvedabrahmana.7) — 10 parts - [8](https://indike.org/pramana/in.veda.brahmana.rgvedabrahmana.8) — 9 parts - [9](https://indike.org/pramana/in.veda.brahmana.rgvedabrahmana.9) — 6 parts - [10](https://indike.org/pramana/in.veda.brahmana.rgvedabrahmana.10) — 6 parts - [11](https://indike.org/pramana/in.veda.brahmana.rgvedabrahmana.11) — 8 parts - [12](https://indike.org/pramana/in.veda.brahmana.rgvedabrahmana.12) — 8 parts - [13](https://indike.org/pramana/in.veda.brahmana.rgvedabrahmana.13) — 9 parts - [14](https://indike.org/pramana/in.veda.brahmana.rgvedabrahmana.14) — 5 parts - [15](https://indike.org/pramana/in.veda.brahmana.rgvedabrahmana.15) — 5 parts - [16](https://indike.org/pramana/in.veda.brahmana.rgvedabrahmana.16) — 11 parts - [17](https://indike.org/pramana/in.veda.brahmana.rgvedabrahmana.17) — 9 parts - [18](https://indike.org/pramana/in.veda.brahmana.rgvedabrahmana.18) — 14 parts - [19](https://indike.org/pramana/in.veda.brahmana.rgvedabrahmana.19) — 10 parts - [20](https://indike.org/pramana/in.veda.brahmana.rgvedabrahmana.20) — 2 parts - [21](https://indike.org/pramana/in.veda.brahmana.rgvedabrahmana.21) — 8 parts - [22](https://indike.org/pramana/in.veda.brahmana.rgvedabrahmana.22) — 4 parts - [23](https://indike.org/pramana/in.veda.brahmana.rgvedabrahmana.23) — 5 parts - [24](https://indike.org/pramana/in.veda.brahmana.rgvedabrahmana.24) — 8 parts - [25](https://indike.org/pramana/in.veda.brahmana.rgvedabrahmana.25) — 9 parts - [26](https://indike.org/pramana/in.veda.brahmana.rgvedabrahmana.26) — 15 parts - [27](https://indike.org/pramana/in.veda.brahmana.rgvedabrahmana.27) — 17 parts - [28](https://indike.org/pramana/in.veda.brahmana.rgvedabrahmana.28) — 7 parts - [29](https://indike.org/pramana/in.veda.brahmana.rgvedabrahmana.29) — 10 parts - [30](https://indike.org/pramana/in.veda.brahmana.rgvedabrahmana.30) — 8 parts - [31](https://indike.org/pramana/in.veda.brahmana.rgvedabrahmana.31) — 11 parts ## Text ### [1.1](https://indike.org/pramana/in.veda.brahmana.rgvedabrahmana.1.1) asminvai loka ubhaye devamanuṣyā āsuste devāḥ svargaṃ lokaṃ yanto 'gnimūcustvaṃ no 'sya lokasyādhyakṣa edhīti tānagniruvācātha yaddbo 'haṃ ghorasaṃsparśatamo 'syanapacāyitāro manuṣyāḥ kathaṃ vastaddbhaviṣyati yanmanuṣyeṣviti te devā ūcustasya vai te vayaṃ ghorāstanūrvinidhāsyāmo 'tha yaiva te śivā śagmyā yajñiyā tanūstayeha manuṣyebhyo bhaviṣyasīti tasyāpsu pavamānāmadadhurvāyau pāvakāmāditye śucimatha yaivāsya śivā śagmyā yajñiyā tanūrāsīttayeha manuṣyebhyo 'tapadetā vā agnestanūstadyadetā devatā yajatyagniḥ sāṅgaḥ satanūḥ prīto bhavati tā vai tisro bhavanti trayo vā ime lokā imāneva tallokānāmāpnoti paurṇamāsaṃ prathamāyai tantraṃ bhavatyāmāvāsyaṃ dvitīyāyai tena hāsya darśapūrṇamāsāvanvārabdhau bhavata īlitavatyau havyavāḍūtyau prathamāyai saṃyājye tatsaṃyājẏārūpaṃ dvyagnī dvitīyāyai dvau hyagnī yajati saptadaśasāmidhenīkā tṛtīyā saptadaśasāmidhenīkā vā iṣṭipaśubandhāstadiṣṭipaśubandhānāpnoti sadvantāvājyabhāgau bhavato 'sānīti vā agnī'nādhatte syāmiti kāmayate sa yadiha vā api straiṣā vīra iva sannagnīnādhatte kṣipra eva saṃbhavati kṣipre bhogyatāmaśnute yaḥ sadvantau kurute virājau saṃyājye śrīrvirāḍannādyaṃ śriyo virājo 'nnādyasyopāptyai tā vai gāyatryo bhavanti gāyatro vā agnirġāyatacchandāḥ svenaiva tacchandasāgnīnādhatte tā vā upāṃśu bhavanti retaḥsiktirvā agnyādheyamupāṃśu vai retaḥ sicyate 'bhirūpā bhavanti yadyajñe 'bhirūpaṃ tatsamṛddhaṃ yajñasyaiva samṛddhai dvādaśa dadyāddvādaśa vai māsāḥ saṃvatsaraḥ saṃvatsarasyaivāptyā aśvaṃ trayodaśaṃ dadāti yastrayodaśo māsastasyāptyai ### [1.2](https://indike.org/pramana/in.veda.brahmana.rgvedabrahmana.1.2) devāmurā vā eṣu¹ lokeṣu saṃyattā āsaṃstebhyo 'gnirapākrāmatsa ṛtūṃnprāviśatte devā hatvāsurānvijityāgnimanvaicchaṃstaṃ yamaśca varuṇaścānvapaśyatāṃ tamupāmantrayanta tamajñapayaṃstasmai varamadaduḥ sa haitaṃ varaṃ vavre prayājānme anuyājāṃśca kevalānghṛtaṃ cāpāṃ puruṣaṃ cauṣadhīnāmiti tasmādāṅgirāgneyāḥ prayājānuyājā āgneyamājyamiti tato vai devā abhavanparāsurā bhavatyātmanā parāsya dveṣyo ya evaṃ veda ### [1.3](https://indike.org/pramana/in.veda.brahmana.rgvedabrahmana.1.3) tadāhuḥ kasminnṛtau punarādadhīteti varṣāsviti haika āhurvarṣāsu vai sarve kāmāḥ sarveṣāmeva kāmānāmāptyai madhyāvarṣe punarvasū nakṣatramudīkṣya punarādadhīta punarmā vasu vittamupanamatvityatho punaḥkāmasyopāptyai tadvai na tasminkāle pūrvapakṣe punarvasubhyāṃ saṃpadyate yaivaiṣāṣāḍhyā upariṣṭādamāvāsyā bhavati tasyāṃ punarādadhīta sā punarvasubhyāṃ saṃpadyata upāpto 'māvāsyāyāṃ kāmo bhavatyupāpto varṣāsūpāntaḥ punarvasvostasmāttasyāṃ punarādadhīta pañcakapālaḥ puroḍāśo bhavati pañcapadā paṅktiḥ pāṅkto vai yajño yajñasyaivāptyai ### [1.4](https://indike.org/pramana/in.veda.brahmana.rgvedabrahmana.1.4) vibhaktibhiḥ prayājānuyājānyajatyṛtavo vai prayājānuyājā ṛtubhya enaṃ tatsamāharatyagna āyāhi vītaye 'gniṃ dūtaṃ vṛṇīmahe 'gnināgniḥ samidhyate 'gnirbṛtrāṇi jaṅghanadagne stomaṃ manāmahe 'gnā yo martyo duva ityetāsāmṛcāṃ pratīkāni vibhaktayastā vai ṣaḍ bhavanti ṣaḍvā ṛtava ṛtubhya evainaṃ tatpunaḥ samāharatīti yathāyathamuktamau prayājānuyājau tathā hāsya prayājānuyājebhyo 'nitaṃ bhavati vārtraghnaḥ pūrva ājyabhāgaḥ pāpmana eva vadhāyātho hāsya paurṇamāsāttantrādanitaṃ bhavatyagniṃ stomena bodhayetyagnaye buddhimate pūrvaṃ kuryāditi haika āhuḥ svapitīva vā etasyāgniyoṃ 'gnimudvāsayate tadevainaṃ tatpunaḥ prabodhayatīti vārtraghnastveva sthito 'gna āyūm̐ṣi pavasa ityuttarasya puronuvākyā pavasa iti tatsaumyaṃ rūpaṃ kevalāgneyo hi yajñakratustadyatpavamānasya kīrtayati tathā hāsya saumyādājyabhāgādanitaṃ bhavati padapaṅktayo yājyānuvākyāḥ pañcapadā paṅktiḥ pāṅkto vai yajño yajñasyaivāptyai ### [1.5](https://indike.org/pramana/in.veda.brahmana.rgvedabrahmana.1.5) vyatiṣaktā bhavanti vyatiṣaktā iva vā ime prāṇā ātmānaṃ bhuñjantīti sā sarvaiva sasāmidhenīkopāṃśu bhavatyā pūrvābhyāmanuyājābhyāmājyato vibhaktayo 'nuprotā bhavantyatho sarve vai kāmā vibhaktiṣu tasmādupāṃśu bhavanti sarveṣāmeva kāmānāmāptyā uccaistvevottamanānuyājena yajatyuccaiḥ sūktavākaśaṃyorvākāvāha tadyathāvidmityāvirnaṣṭaṃ kuryādevaṃ tadāviṣkāmānkarotyāpamiti cayamu haika upāṃśu kurvanti vibhaktīruttaramājyabhāgaṃ havirityetāvadyāgantu bhavatīti sā vā upāṃśu niruktā bhavati dvayaṃ vā agne rūpaṃ niruktaṃ cāniruktaṃ ca tadevāṃsya tenāpnoti sarvāgneyaṃ haike kurvanti na tathā kuryāttasyai punarutyūto jaratsaṃvāyaḥ punaḥsaṃskṛtaḥ kadrayo 'naḍvāhiraṇyaṃ vā dakṣiṇā punaḥkarma hyetadādityā dvitīyā pratiṣṭhā vā aditiḥ pratiṣṭhityai eva pratiṣṭhityai eva ### [2.1](https://indike.org/pramana/in.veda.brahmana.rgvedabrahmana.2.1) iti prathamo 'dhyāyaḥ samāptaḥ gharmo vā eṣa pravṛjyate yadagnihotraṃ tadasau vai gharmo yo 'sau tapatyetameva tatprīṇāti sa vai sāyaṃ ca prātaśca juhotyagnaye sāyaṃ sūryāya prātaḥ sauryaṃ vā ahrarāgneyī rātrirmukhata eva tadahorātre prīṇāti payasā juhuyādeṣa ha vai sarvāsāmoṣadhīnāṃ raso yatpayaḥ sarvaireva tadrasairaprīṇatprīṇāti tadu vā ājyaṃrdaśanastvaiva juhuyātsarvaṃ vā idamagnerannaṃ. svenaiva tadannenāgnīnprīṇātīti gārhapatye 'dhiśrityāhavanīye juhuyāccaṣaṇo vai gārhapatya āhavana āhavanīyastasmādgārhapatye 'dhiśrityāhavanīye juhuyād dvyantānaṅgārānkarotīmāveva tallokau vitārayati tasmādbhīmau lokau saha santau nānevātha yadadhiśrityāvadyotayati¹ śrapayatyevainattadatha yadapaḥ pratyānayatyāpaḥ kṛtsnāni ha vai sarvāṇi havīṃṣi bhavanti haviṣa eva kṛtsnatāyā atha yatpunaravadyotayatya'pa eva tacchṛpayati trirupasādmudgagghomīyamudvāsayati traividhyāya trivṛddhi devakarmānucchindanniva² harettathā ha yajamāno 'pracyāvuko bhavatyathopaveṣeṇa daddiṇato 'ṅgārānupaspṛśati namo devebhya iti na hi namaskāramati devāḥ supratyūḍhānaṅgārāmpratyūhettathā hāsya nāntamacāriṇī cana naśyati caturunnayeccatuṣṭayaṃ vā idaṃ sarvamasyaiva sarvasyāptyai pañcakṛtva unnayetpāṅkto vai yajño yajñasyaivāptyai ### [2.2](https://indike.org/pramana/in.veda.brahmana.rgvedabrahmana.2.2) upasado 'gnihotre veditavyā unnīyottareṇa gārhapatyamupasādayati tadimaṃ lokamāpnotyāhavanīye hoṣyanddhitīyaṃ tadantarikṣalokamāpnoti hutvā tṛtīyaṃ tadamuṃ lokamāpnoti pālāśīṃ samidhamabhyādadhāti somo vai palāśaḥ sā prathamā somāhutiḥ prādeśamātrī bhavati prādeśamātraṃ hīma ātmano 'bhi³ prāṇā dvyaṅgulaṃ samidho 'tihṛtyānudṛbhannivvābhijuhoti dvyaṅgule vā idaṃ mukhasyānnaṃ dhīyate dhūmāyantyāṃ grāmakāmasya juhuyājjvalantyāṃ brahmavarcasakāmasyāṅgāreṣu paśukāmasyābhādhāyeti kheva sthitamatra hyevaite sarve kāmā upāpyanta ityubhe āhutī hutvā japati yā yajñasya samṛddhasyāśīḥ sā me samṛdhyatāmiti yā vai yajñasya samṛddhasyāśīḥ sā yajamānasya bhavatyuttarāvatīrāhutīrjuhuyāduttarottareṇa eva tatsvargām̐llokānāpnoti sruco bughnenāṅgārānupaspṛśati svarga eva talloke yajamānaṃ dadhāti dvirudīcīṃ srucamudyacchati rudrameva tatsvāyāṃ diśi prītvāvasṛjati tasmādbhūyamānasyottarato na tiṣṭhennedetasyāghalasya devasya pariprādhai 'sānīti tāsuttarataḥ sāyamapamārṣṭi pratīcīmādityaṃ tadsaṃ nayati dakṣiṇata ūrdhvā prātarādityaṃ tadunnayati yatpūrvamupamārṣṭi tatkūrce nilimpatyoṣadhīstena prīṇāti yaddvitīyaṃ taddakṣiṇena kūrcamuttānaṃ pāṇiṃ nidadhāti pitṝṃstena prīṇātyatha yaddbhiḥ pradeśinyā prāśnāti garbhānnūpūrveṇa prīṇāti tasmādanaśnanto garbhāḥ prāṇanti vayāṃsyuttareṇa tasmādvayāṃsi baṅga kiṃca kiṃcidiva bhakṣayanti śvetamiva prasnāpayantya1tha yatsrucā bhakṣayati bhūtaṃ ca tena bhavyaṃ ca prīṇātyatha yatsrucaṃ nirleḍhi sarpadevajanāṃstena prīṇātyatha yatsrucaṃ mārjayate rakṣodevajanāṃstena prīṇātyatha yatprāgudīcīra2pa utsiñcati gandharvāpsarasastena prīṇātyatha yatprāgudīcīṃ 3 srucamuddiśati rudrameva tatsvāyāṃ diśi dadhātyevamagnihotreṇa sarvāṇi bhūtāni prīṇāti ### [2.3](https://indike.org/pramana/in.veda.brahmana.rgvedabrahmana.2.3) āhavanīya eva juhuyāditi haika āhuḥ sarveṣu tveva juhuyādgomāya hyeta ādhīyante catasro gārhapatye catasro 'nvāhāryapacane dve āhavanīye tā daśa saṃpadyante daśadaśinī virāṭ śrīrvirāḍannādyaṃ śriyo virājo 'nnādyasyopāptyai sa ya evaṃ virāṭsaṃpannamagnihotraṃ juhoti sarvānkāmānāpnoti ### [2.4](https://indike.org/pramana/in.veda.brahmana.rgvedabrahmana.2.4) atha yaddhutvāgnīnupatiṣṭhate prītvaiva taddeveṣvantato 'rthaṃ vadate yadvaiva vatsaṃ spṛśati tasmādvātsapraṃ tathā ha yajamānātpaśavo 'nutkrāmukā bhavantyatha yadapa ācamya vrataṃ visṛjate 'psveva tadvrataṃ dadhāti tā asya vrataṃ gopāyantyā punahoṃmāt ### [2.5](https://indike.org/pramana/in.veda.brahmana.rgvedabrahmana.2.5) atha yatpravatsyaṃśca proṣivāṃścāgnīnupatiṣṭhate 'bhivādo haiṣa devatāyai yadutkāśaṃ bhavatyatho 'gnibhya evaitadātmānaṃ paridadāti ye cainamanvañco bhavanti ### [2.6](https://indike.org/pramana/in.veda.brahmana.rgvedabrahmana.2.6) atha yadarakhyoragnīntsamārohayate devaratho vā araṇī devaratha evaināṃstatsamārohayate sa etena devarathena svasti svargaṃ lokaṃ samaśnute yadveva punaḥ punarnirmanthyate teno haivāsya punarādheyamupāptaṃ bhavati ### [2.7](https://indike.org/pramana/in.veda.brahmana.rgvedabrahmana.2.7) ye vai kecānandā anne pāne mithune rājyā eva te saṃtatā avyavacchinnāḥ kriyante teṣāṃ rātriḥ kārotaro ya u vai kecānandā annādeva te sarve jāyante te devā abruvankathaṃ nvimānvayamānandānasmādṛśasyaiva pratigṛhṇīyāmeti te 'pāmūrdhvaṃ rasamudauhaṃstā oṣadhayaśca vanaspatayaśca samabhavannoṣadhīnāṃ ca vanaspatīnāṃ cordhvaṃ rasamudauhaṃstatphalamabhavatphalasyordhvaṃ rasamudauhaṃstadannamabhavadannasyordhvaṃ rasamudauhaṃstadreto 'bhavadretasa ūrdhvaṃ rasamudauhansa puruṣo 'bhavatso 'yaṃ puruṣo ya̍tprāṇiti vāpāniti vā na tatprāṇena nāpānenāheti prāṇiṣaṃ vāpāniṣaṃ veti vācaiva tadāha tatprāṇāpānau vācamapīto vāṅmayau bhavato 'tha yaccakṣuṣā paśyati na taccakṣuṣāhetyadrākṣamiti vācaiva tadāha taccakṣurvācamapyeti vāṅmayaṃ bhavatyatha yacchrotreṇa śṛṇoti na tacchrotreṇāhetyaśrauṣamiti vācaiva tadāha tacchrotraṃ vācamapyeti vāṅmayaṃ bhavatyatha yanmanasā saṃkalpayate na tanmanasāheti samacīklṛpamiti vācaiva tadāha tanmano vācamapyeti vāṅmayaṃ bhavatyatha yadaṅgaiḥ suśīmaṃ vā duḥśīmaṃ vā spṛśati na tadaṅgairāheti suśīmaṃ vā duḥśīmaṃ vāsprākṣamiti vācaiva tadāha tatsarva ātmā vācamapyeti vāṅmayo bhavati tadetadṛcābhyuditaṃ nendrādṛte pavate dhāma kiṃcaneti vāgvā indro na hyṛte vācaḥ pavate dhāma kiṃcana sa vai sāyaṃ juhoti ### [2.8](https://indike.org/pramana/in.veda.brahmana.rgvedabrahmana.2.8) agnirjyotirjyotiragniriti taṃ jyotiḥ santaṃ jyotirityāha sa satyaṃ vadati tasyāyaṃ vāṅmaya ātmā satyamayo bhavati satyamayā u devā atha svāheti juhoti tasyaitāṃ devāḥ satyañjatasyāhutiṃ pratigṛhṇanti rātryā u śīrṣṇansatyaṃ vadati sa yadiha vā api tata ūrdhvaṃ mṛṣā vadati satyaṃ haivāsyoditaṃ bhavati rātryā u hi śīrṣantasatyaṃ vadatyatha prātarjuhoti sūryo jyotirjyotiḥ sūrya iti taṃ jyotiḥ santaṃ jyotirityāha sa satyaṃ vadati tasyāyaṃ vāṅmaya ātmā satyamayo bhavati satyamayā u devā atha svāheti juhoti tasyaitāṃ devāḥ satyakṛtasyāhutiṃ pratigṛhṇantyahra u śīrṣantasatyaṃ vadati sa yadiha vā api tata ūrdhvaṃ mṛṣā vadati satyaṃ haivāsyoditaṃ bhavatyahna u hi śīrṣantasatyaṃ vadati sa vā eṣo 'gnirudyatyāditya ātmānaṃ juhotyasāvastaṃ¹ yantsāye 'gnāvātmānaṃ juhoti rātrirevāhnijuhotyaho rātryāṃ prāṇa evāpāne juhotyapānaḥ prāṇe tāni vā etāni ṣaḍ juhvatyanyonya ātmānaṃ yo ha vā etāni ṣaḍ juhvati vedājuhvata evāsya hutaṃ bhavati juhvata evāsya dvirhutaṃ bhavati ya evaṃ veda sa yadiha vā api suriśāde²vaṃvidvānagnihotraṃ juhoti prati haivāsyaite āhutī devā gṛhṇanti yasyo ha vā api devāḥ sakṛdaśnanti tata eva so 'mṛtaḥ satyamayo ha vā amṛtamayaḥ saṃbhavati ya evaṃ veda tadyathā ha vai śraddhādevasya satyavādinastapasvino hutaṃ bhavatyevaṃ haivāsya hutaṃ bhavati ya evaṃ vidvānagnihotraṃ juhoti tasmādevaṃvidagnihotraṃ juhuyāditi ### [2.9](https://indike.org/pramana/in.veda.brahmana.rgvedabrahmana.2.9) udite hotavyā3manudita iti mīmāṃsante sa ya udite juhoti pravasata evaitanmahate devāyātithyaṃ karotyatha yo 'nudite juhoti saṃnihitāyaivaitanmahate devāyātithyaṃ karoti tasmādanudite hotavyaṃ tadvāpi vṛṣaśuṣmo vātāvataḥ³ pūrveṣāmeko jīrṇiḥ śayāno rātryāmevobhe āhutī hūyamāne dṛṣṭvovāca rātryāmevobhe āhutī juhvatīti rātryāṃ hīti sa hovāca vaktāsmo nveva yamamuṃ lokaṃ paretya pitṛbhyo 'tho enaṃ na⁴ śraddhātāro yaddevaitadubhayedyuragnihotramahūyatānyedyurvā tadetarhi hūyate rātryāmevetyetadeva kumārī gandharvagṛhītovāca rātryāmevobhe āhutī juhvatīti rājyāṃ hīti 1 sā hovāca saṃdhau juhuyātsamudro ha vā eṣa sarvaharo yadahorātre tasya haite gādhe tīrthe yatsaṃdhye 2 tadyathā gādhābhyāṃ tīrthābhyāṃ samudramatīyāttādṛktadyatsaṃdhau juhotyatho devasenā ha vā eṣādhvagā haniṣyantī 3 yadahorātre tasyā haite pakṣasī yatsaṃdhye 2 tadyathā pakṣābhyāṃ kṣipramadhvānamanviyāttādṛktadyatsaṃdhau juhotyatho mṛtyorha vā etau brājabāhū yadahorātre tadyathā brājabaṅgbhyāṃ parijighṛkṣīṣyannantareṇātimucyeta tādṛktadyatsaṃdhau juhoti tadu ha smāha kauṣītakiḥ sāyamastamite purā tamasastasminkāle juhuyātsa devayānaḥ ketustamevārabhya svasti svargaṃ lokaṃ samaśnute prātaḥ purodayādapahate tamasi tasminkāle juhuyātsa devayānaḥ ketustamevārabhya svasti svargaṃ lokaṃ samaśnute 'tho yo 'to 'nyathāgnihotraṃ juhoti śyāmaśabalau hāsyāgnihotraṃ vikhidato 4 'harvai śabalo rātriḥ śyāmaḥ sa yo mahārātre juhoti śyāmo hāsyāgnihotraṃ vikhidaty 5tha yo mahāhre juhoti śabalo hāsyāgnihotraṃ vikhidati 5 tadvai khalu yadaiva kadācana juhuyāddhutasamṛddhimevopāsīteti jñuta·samṛddhimevopāsīteti ### [3.1](https://indike.org/pramana/in.veda.brahmana.rgvedabrahmana.3.1) iti dvitīyo 'dhyāyaḥ samāptaḥ yaddarśapūrṇamāsayorupavasati na ha vā avratasya devā haviraśnanti tasmādupavasanyuta me devā haviraśnīśuriti pūrvāṃ paurṇamāsīmupavasediti paiṅgyamuttarāmiti kauṣītakaṃ yāṃ paryastamayamutsrpediti sā sthitiruttarāṃ paurṇamāsīmupavasedanirjñāya purastādamāvāsyāyāṃ candramasaṃ yadupavasati tena pūrvāṃ prīṇāti yadyajate tenottarāmuttarāmupavaseduttarāsu ha vai samudro vijate somamanu daivatametadvai devasatyaṃ yaccandramāstasmāduttarāmupavaset ### [3.2](https://indike.org/pramana/in.veda.brahmana.rgvedabrahmana.3.2) atha yatpurastātsāmidhenīnāṃ japati svastyayanameva tatkurute hiṃkṛtya sāmidhenīranvāha vajro vai hiṃkāro vajreṇaiva tadyajamānasya pāpmānaṃ hanti trihiṃkaroti trivṛdvai vajro vajrameva tadabhisaṃpādayetyetena vai devāstrivṛtā vajreṇaibhyo lokebhyo 'surānanudanta tatho evaitadyajamāna etenaiva trivṛtā vajreṇaibhyo lokebhyo dviṣato bhrātṛvyānudata ekādaśa sāmidhenīranvāhaikādaśākṣarā vai triṣṭuptraiṣṭubha indrastadubhāvindrāgnī āpnoti triḥ prathamayā triruttamayā pañcadaśa saṃpadyante pañcadaśa vai pūrvapakṣāparapakṣayorahāni tatsāmidhenībhiḥ pūrvapakṣāparapakṣāvāpnotyatho vajro vai sāmidhenyaḥ pañcadaśo vai vajro vajreṇaiva tadyajamānasya pāpmānaṃ hanti yadveva triḥ prathamāṃ triruttamāṃ yajñasyaiva tadbarsau¹ nahyati kṣeme 'visraṃsāya tāsāṃ vai trīṇi ṣaṣṭiśatānyakṣarāṇāṃ bhavanti trīṇi vai ṣaṣṭiśatāni saṃvatsarasyāhvāṃ tatsāmidhenībhiḥ saṃvatsarasyāhānyāpnoti tā vai gāyatryo bhavanti gāyatro vā agnirmāyatracchandāḥ svenaiva tacchandasāgniṃ stautyabhirūpā bhavanti yadyajñe 'bhirūpaṃ tatsamṛddhaṃ yajñasyaiva samṛddhyā uttamāyai tṛtīye vacane praṇavena nigadamupasaṃdadhātyagne mahām̐ asi brāhmaṇa bhāratetyagnirvai bharataḥ sa vai devebhyo havyaṃ bharatyatha yadyajamānasyārṣeyamāha na ha vā anārṣeyasya devā haviraśnanti tasmādasyārṣeyamāhāthaitaṃ pañcadaśapadaṃ nigadamupasaṃdadhātyeṣa ha vai sāmidhenīnāṃ nivitsaptātpañcadaśapado bhavati pañcadaśa hi sāmidhenyaḥ sa vā acchandaskṛto bhavati dvayaṃ vā idaṃ sarvaṃ chandaskṛtaṃ cācchandaskṛtaṃ ca tena sarveṇāgniṃ stavānīti tasya sapta padāni samasyāvasyetsapta vai chandāṃsi sarveṣāmeva cchandasāmāptyā atha catvāryatha catvāri catuṣṭayaṃ vā idaṃ sarvamasyaiva sarvasyāptyai ### [3.3](https://indike.org/pramana/in.veda.brahmana.rgvedabrahmana.3.3) atha yadvāvayāhaṃ devatā āvāhayati nānā hyāmyo havīṃṣi gṛhītāni bhavantyatha yadagnimagnināvāhayatyeṣā ha vā agneryajñiyā tanūryāsya havyavāṭ sā vā asau yadado 'muṣyādityasyopariṣṭādbhava'bhāti jyotiriva tasmātpuruṣaṃ puruṣaṃ pratyādityastadyadāhāgnimagna āvaheti tāmāvahetyeva tadāhātha yaddevām̐ ājyapām̐ āvāhayati prayājānuyājāṃstadāvāhayatyatha yadagniṃ hotrāyāvāhayati sviṣṭakṛtaṃ tadāvāhayatyatha yatsvaṃ mahimānamāvāhayati vāyuṃ tadāvāhayati vāyurvā agneḥ svo mahimā tena hi saṃpāya mahimānaṃ gacchati yadvaiva vācānvāha vācā yajati teno haivāsya svo mahimeṣṭo bhavatyā ca vaha jātavedaḥ suyajā ca yajetyāvaha ca jātavedo devāntsuyajā ca devatā yajetyevainaṃ tadāhātha yatpurastātsāmidhenīnāṃ japati vajro vai sāmidhenyastamevaitacchamayati purastāccopariṣṭāccātha yatsrugādāpanena sucāvādāpayati devarathameva tadyunakti devebhyo haviḥ pradāsyanta etena devarathena svasti svargaṃ lokaṃ samaśnute ### [3.4](https://indike.org/pramana/in.veda.brahmana.rgvedabrahmana.3.4) prayājānyajatyṛtavo vai prayājā ṛtūneva tatprīṇāti te vai pañca bhavanti tairryatkiṃca pañcavidhamadhidaivatamadhyātmaṃ tatsarvamāpnoti samidho yajati vasantameva vasante vā idaṃ sarvaṃ samidhyate tanūnapātaṃ yajati grīṣmameva grīṣmo hi tanvaṃ tapatīḍo yajati varṣā eva varṣābhirhīḍitamannādyamuttiṣṭhati barhiryajati śaradameva śaradi hi barhiṣṭhā oṣadhayo bhavanti svāhākṛtimannaṃ yajati hemantameva hemante vā idaṃ sarvaṃ svāhākṛtaṃ tadāṅkaya̍tpañca prayājāḥ ṣaḍṛtavaḥ kkaitaṃ ṣaṣṭhamamṛtuṃ yajatīti yadeva caturthe prayāje samānayati tadenamitareṣvanuvibhajatyatha yaduttame prayāje devatāḥ samāvapati prayājabhāja evaināṃstatkaroti tadyathāgniḥ sarveṣu haviḥṣu bhāgī bhavatyevaṃ tadagnerbhāge devatā bhāginīḥ karoti nātrāgniṃ hotrādityāha paśavo vai prayājā rudraḥ sviṣṭakṛnnedrudreṇa yajamānasya paśūnsajānīti¹ svāhā devā ājyapā juṣāṇā agna ājyasya vyantviti haika āhurna tathā kuryādardhaṃ ha vai yajñasyājyamardhaṃ haviḥ sa yaddhānyataradbrūyādardhaṃ ha vai yajñasya samiṣṭaṃ syādardhamasamiṣṭaṃ tasmātsvāhā devā ājyapā juṣāṇā agna ājyasya haviṣo vyantvityeva brūyāt ### [3.5](https://indike.org/pramana/in.veda.brahmana.rgvedabrahmana.3.5) atha yatpaurṇamāsyāṃ vārtraghnāvājyabhāgau bhavataḥ paurṇamāsena vā indro vṛtramahannatha yadamāvāsyāyāṃ vṛdhanvantau kṣayaṃ vā atra candro gacchati tamevaitadāpyāyayati taṃ vardhayati tau vai juṣāṇayājyau bhavataḥ samāna²haviṣau hi prayājairbhavato 'tho brahma vai juṣāṇo brahmauva taddevebhyo haviḥ prayacchati tau vai trivṛtau bhavato yeyajāmaho nigado vaṣaṭkāraścaturvā ājyabhāgau trivṛdvai cakṣuḥ śuklaṃ kṛṣṇaṃ lohitamiti tau na paśau na some karoti paśunā vai cakṣuṣmānadhvaro neccaturakṣaṃ bībhatsamadhvaraṃ karavāṇītyatha yadāvatyo hūtavatyaḥ puronuvākyā bhavanti pravatyaḥ prattavatyo yājyā klṛptaiva taddevebhyo haviḥ prayacchati tā vai gāyatrītriṣṭubho bhavanti brahma vai gāyatrī kṣatraṃ triṣṭubbrahmakṣatrābhyāmeva taddevebhyo haviḥ prayacchatyatho etāvānvai chandaso vikāraḥ sarveṇaiva tacchandaso vikāreṇa devebhyo haviḥ prayacchatyṛgante vaṣaṭkaroti tathā hāsya sarvā yājyā rūpavatyo bhavanti ṣaḍiti vaṣaṭkaroti ṣaḍvā ṛtava ṛtūneva tatprīṇāti bārhatarathantaraṃ vaṣaṭkuryātpurastāddīrghamupariṣṭāddhrasvaṃ yaddhrasvaṃ tadrathantaraṃ yaddīrghaṃ tadbṛhadatho iyaṃ vai rathantaramasau bṛhadanayoreva tatpratitiṣṭhatyatho etāvānvai vāco vikāraḥ sarveṇaiva tadvāco vikāreṇa devebhyo haviḥ prayacchati bhūrbhuva iti purastādyeyajāmahasya japatyojaḥ sahaḥ saha ojaḥ svarityupariṣṭādvaṣaṭkārasya vajro vai vaṣaṭkārastamevaitacchamayati purastāccopariṣṭāccātho ete eva vaṣaṭkārasya priyatame tanū yadaujaśca sahaśca tābhyāmevainaṃ tacchamayati ### [3.6](https://indike.org/pramana/in.veda.brahmana.rgvedabrahmana.3.6) atha yadagniṃ prathamaṃ devatānāṃ yajatyagnirvai devānāṃ mukhaṃ mukhata eva taddevānprīṇātyatha yatpaurṇamāsyāmagnīṣomau yajatyagnīṣomau vā antarvṛtra āstāṃ tāvindro nāśaknodabhi vajraṃ prahartuṃ tābhyāmetaṃ bhāgamakalpayatpaurṇamāsaṃ tau vā upāṃśu niruktau bhavato 'jāmitāyai yadupāṃśu yajati tena somaṃ prīṇāti yanniruktaṃ tenāgnimatha yadamāvāsyāyāmindrāgnī yajati pratiṣṭhe vā indrāgnī pratiṣṭhātyā evātha yatsaṃnayannamāvāsyāyāmindraṃ yajatyetajjyotirvā amāvāsyā na hyatra candro dṛśyate 'tha yadasaṃnayanpuroḍāśāvantareṇopāṃśvājyasya yajatyajāmitāyā atha yatsaṃnayantsāṃnāyyāntereṇopāṃśvājyasya yajati tasyoktaṃ brāhmaṇamatha yadagniṃ sviṣṭakṛtamantato yajatyeṣa ha vai devebhyo haviḥ prayacchati yo vā annaṃ vibhajatyantataḥ sa bhajate 'tho rudro vai sviṣṭakṛdanta¹bhāgyāvā eṣa tasmādenamantato yajati tasya sa²cchandasau yājyānuvākye nigado vyaiti tenājāmi bhavati vaṣaṭkṛtyāpa upaspṛśati śāntirvai bheṣajamāpaḥ śāntirevaiṣā bheṣajamantato yajñe kriyate ### [3.7](https://indike.org/pramana/in.veda.brahmana.rgvedabrahmana.3.7) atha yatpradeśinyāmiḍāyāḥ pūrvamañjanamadharauṣṭhe nilimpatyuttaramuttarauṣṭhe 'yaṃ vai loko 'dharauṣṭho 'sau loka uttarauṣṭho 'tha yadoṣṭhāvantareṇa tadidamantarikṣaṃ tadyatprāśnātīmāneva tallokānanusaṃtanvanprīṇātyatha yadiḍāmupahvayate sarveṣveva tadbhūteṣūpahavamicchate 'tho annaṃ vā iḍānnameva tadātmandhatte 'tho paśavo vā iḍā paśūnāmevāptyai tasyāṃ caturavāniti catuṣṭayaṃ vā idaṃ sarvamasyaiva sarvasyāptyā atha yadiḍāmupahvayāvaghrāti paśavo vā iḍā paśūneva tadātmandhatte 'tha yadadhvaryurbarhiṣadaṃ puroḍāśaṃ karoti pitṝneva tatprīṇātyatha yajjapenottareḍāṃ prāśnāti brahma vai japo brahmaṇaivaināṃ tacchamayatyatha yatpavitravati mārjayante śāntirvai bheṣajamāpaḥ śāntirevaiṣā bheṣajamantato yajñe kriyate 'tha yadanvāhāryamāharantyetaddakṣiṇau vai darśapūrṇamāsau tasmādanvāhāryamāharantyatha yatsamidhamanumantrayata idhmasya vā eṣaikātiśiṣṭā bhavati tasmādenāmanustauti ### [3.8](https://indike.org/pramana/in.veda.brahmana.rgvedabrahmana.3.8) atha yattrīnanuyājānyajati trayo vā ime lokā imāneva tallokānāmāpnotyatha yatsarvamuttamamāha pratiṣṭhā vai sviṣṭakṛtpratiṣṭhityā evātha yatsūktavākamāha pratiṣṭhā vai sūktavākaḥ pratiṣṭhityā evātha yaddyāvāpṛthivyoḥ kīrtayati pratiṣṭhe vai dyāvāpṛthivī pratiṣṭhityā evāgniridaṃ havirajuṣateti haika āṅgarna tathā kuryādabhyāvartate hāsya devatā punaryajña iti manvānā punarme haviḥ pradāsyatīti sā yajamānasyāśiṣo nivartayati tasmāddhavirajuṣata havirajuṣatetyeva brūyādatho yā evaitatpurastāddevatā yajati tābhirevaitadantaḥ pratitiṣṭhatyatha yatsūktavāke yajamānasya nāma gṛhṇātyeṣa ha vai daiva ātmā yajamānasya yamṛtvijaḥ saṃskurvanti tasmādasya nāma gṛhṇātyatra hi jāyata uccairgṛhṇīyādyadyapyācāryaḥ syāttathā ha yajamāno 'pracyāvuko bhavatyatha pañcāśiṣo vadatīḍāyāṃ tisrastā aṣṭāvetābhirvai devāḥ sarvā aṣṭīrāpnuvata tatho evaitadyajamāna etābhireva sarvā aṣṭīraśnute 'tha barhiṣi prāñcamañjaliṃ nidhāya japati nama upeti na hi namaskāramati devā atha yacchaṃyorvākamāha pratiṣṭhā vai śaṃyorvākaḥ pratiṣṭhityā evātho śaṃyurha vai bārhaspatyaḥ sarvānyajñāñchamayāṃ cakāra tasmācchaṃyorvākamāhātha yadapa upaspṛśati śāntirvai bheṣajamāpaḥ śāntirevaiṣā bheṣajamantato yajñe kriyate ### [3.9](https://indike.org/pramana/in.veda.brahmana.rgvedabrahmana.3.9) atha yadgārhapatye patnīsaṃyājaiścaranti gārhapatyabhājo vai patnya āhavanīyabhāgyajamānastasmādgārhapatye patnīsaṃyājaiścaranti te vai catvāro bhavantyācaturaṃ vai dvandvaṃ mithunaṃ prajananaṃ prajātyai te vā upāṃśu bhavanti retaḥsiktirvai patnīsaṃyājā upāṃśu vai retaḥ sicyate 'bhirūpā bhavanti yadyajñe 'bhirūpaṃ tatsamṛddhaṃ yajñasyaiva samṛddhyā atha somaṃ tvaṣṭāraṃ devānāṃ patnīragniṃ gṛhapatimiti yajayyetā ha vai devatā mithunānāmīśate tā atra prīṇāti¹ tā atra prītā mithunāni dadhati somaṃ prathamaṃ yajati retastatsiñcati tvaṣṭāraṃ dvitīyaṃ tvaṣṭā vai retaḥ siktaṃ vikaroti tataḥ patnyaḥ patnīsaṃyājā hyete 'tha yadagniṃ gṛhapatimantato yajatyetattviṣṭakṛto vai patnyastasmādenamantato yajatya²tha yadṛcaṃ japati svastyayanameva tatkurute 'tha yadiḍāmupahvayate yanmārja̍yate yacchaṃyorvākamāha tasyoktaṃ brāhmaṇamatha yadvedaṃ patnīṃ vācayati vṛṣā vai vedo yoṣā patnī mithunameva tatpatnīṣu dadhāti tasmātpatnī vedatṛṇānyantaroru kurute 'tha yadvedaṃ stṛṇāti tena hāsya darśapūrṇamāsau saṃtatau bhavato 'tho etenaivāsyāgnihotraṃ stīrṇabarhirbhavatyatha yadvedātiśeṣamupatiṣṭhata āśiṣameva tadvadate 'tha yadāhavanīyamupatiṣṭhate prītvaiva taddeveṣvantato 'rthaṃ vadate 'tha yadapa upaspṛśati śāntirvai bheṣajamāpaḥ śāntirevaiṣā bheṣajamantato yajñe kriyate yajñe kriyate ### [4.1](https://indike.org/pramana/in.veda.brahmana.rgvedabrahmana.4.1) iti tṛtīyo 'dhyāyaḥ samāptaḥ anunirvāpyayā vai devā asurānapāghnata tatho evaitadyajamāno 'nunirvāpyayaiva dviṣato bhrātṛvyānapahate sa vā indrāya vimṛdha ekādaśakapālaṃ puroḍāśaṃ nirvapatīndro vai mṛdhāṃ vihantā sa evāsya mṛdho vihantyatho āmāvāsyamevaitatpratyāharati yatpaurṇamāsyāmindraṃ yajatyatra saṃsthitadarśapūrṇamāso yajamāno yadyaparapakṣe bhaṅgaṃ nīyānnāsya yajñavikarṣaḥ syādatha yadamāvāsyāyāmaditiṃ yajati yajñasyaiva sabhāratāyai sā saṃyājyāto vimṛddhatī bhavati ### [4.2](https://indike.org/pramana/in.veda.brahmana.rgvedabrahmana.4.2) athāto 'bhyuditāyā eti ha vā eṣa yajñapathādyasyopavasathe purastāccandro dṛśyate so 'gnaye dātre 'ṣṭākapālaṃ puroḍāśaṃ nirvapatyagnirvai dātā sa evāsmai yajñaṃ dadātīndrāya pradātre sāyaṃ dohitaṃ dadhīndro vai pradātā sa evāsmai yajñaṃ prayacchati viṣṇave śipiviṣṭāya prātardohite payasi caruṃ yajño vai viṣṇuḥ sa evāsmai yajñaṃ dadāti tadyadetā devatā yajati nedyajñapathādayānīti tisṛdhanvaṃ dakṣiṇā tatsvastyayanasya rūpaṃ ### [4.3](https://indike.org/pramana/in.veda.brahmana.rgvedabrahmana.4.3) athāto 'bhyudṛṣṭāyā 1 eti ha vā eṣa yajñapathādyasyopavasathe paścāccandro dṛśyate so 'gnaye pathikṛte 'ṣṭākapālaṃ puroḍāśaṃ nirvapatyagnirve pathikṛtsa evainaṃ punaryajñapathamapipāthayatī2ndrāya vṛtraghna ekādaśakapālamindro vai vṛtrahā sa evainaṃ punaryajñapathamapipāthayati2 vaiśvānarīyaṃ dvādaśakapālamasau vai vaiśvānaro yo 'sau tapratyeṣa evainaṃ punaryajñapathamapipāthayati 2 tayadetā devatā yajati nedyajñapathādayānīti daṇḍopānahaṃ dakṣiṇā tadabhayasya rūpaṃ ### [4.4](https://indike.org/pramana/in.veda.brahmana.rgvedabrahmana.4.4) athāto dākṣāyaṇayajñasya dākṣāyaṇayajñenaivyanphālgunyāṃ paurṇamāsyāṃ prayuṅkte mukhaṃ vā etatsaṃvatsarasya yatphālgunī paurṇamāsī tasmāttasyāmadīkṣitāyanāni prayujyante 'tho dakṣo ha vai pārvatiretena yajñeneṣṭvā sarvānkāmānāpa tayaddākṣāyaṇayajñena yajate sarveṣāmeva kāmānāmāptyai nāśūne kāmamāpeti3 somaṃ rājānaṃ candramasaṃ bhakṣayāmīti manasā dhyāyannaśnīyāttadasau vai somo rājā vicakṣaṇaścandramāstametamaparapakṣaṃ devā abhiṣunvanti tayadaparapakṣaṃ dākṣāyaṇayajñasya vratāni carati devānāmapisomapītho 'sānītyatha yadupavasathe 'gnīṣomīyamekādaśakapālaṃ puroḍāśaṃ nirvapati ya evāsau somasyopavasathaṃ 'gnīṣomīyastameva tenāpnotyatha yatprātarāmāvāsyena yajata aindraṃ vai sutyamahastatsutyamaharāpnotyatha yadamāvāsyāyāmupavasatha aindrāgnaṃ dvādaśakapālaṃ puroḍāśaṃ nirvapatyaindrāgnaṃ vai sāmatastṛtīyasavanaṃ tattṛtīyasavanamāpnotyatha yanmaitrāvaruṇī payasyā maitrāvaruṇī vā anūbandhyā tadanūbandhyāmāpnoti sa eṣa somo haviryajñānupraviṣṭastasmāddīkṣito dīkṣitavrato bhavati ### [4.5](https://indike.org/pramana/in.veda.brahmana.rgvedabrahmana.4.5) athāta iḍādadhasyeḍādadhenaivyannetasyāmeva paurṇamāsyāṃ prayuṅkte tasyā uktaṃ brāhmaṇaṃ sa eṣa paśukāmasyānnādyakāmasya yajñastena paśukāmo 'nnādyakāmo yajeta tatra tathaiva vratāni carati dākṣāyaṇayajñasya hi samāsaḥ ### [4.6](https://indike.org/pramana/in.veda.brahmana.rgvedabrahmana.4.6) athātaḥ sārvaseniyajñasya sārvaseniyajñeneṣyannetasyāmeva paurṇamāsyāṃ prayuṅkte tasyā uktaṃ brāhmaṇaṃ sa eṣa prajātikāmasya yajñastena prajātikāmo yajeta sayaddhvaryurhavīṃṣi prajanayati tatprajātyai rūpaṃ ### [4.7](https://indike.org/pramana/in.veda.brahmana.rgvedabrahmana.4.7) athātaḥ śaunakayajñasya śaunakayajñeneṣyannetasyāmeva paurṇamāsyāṃ prayuṅkte tasyā uktaṃ brāhmaṇaṃ sa eṣa tustūrṣamāṇasya yajñastena tustūrṣamāṇo yajeta sa ya iccheddviṣantaṃ bhrātṛvyaṃ stṛṇvīyyeti so 'nena yajeta stṛṇute ha ### [4.8](https://indike.org/pramana/in.veda.brahmana.rgvedabrahmana.4.8) athāto vasiṣṭhayajñasya vasiṣṭhayajñeneṣyanphālgunyāmamāvāsyāyāṃ prayuṅkte brahma vai paurṇamāsī kṣatramamāvāsyā kṣatramivaiṣa yajñaḥ kṣatreṇa śatrūntsahā iti vasiṣṭho 'kāmayata hataputraḥ prajāyeya prajayā paśubhirabhi saudāsānbhaveyamiti sa etaṃ yajñakratumapaśyadvasiṣṭhayajñaṃ tamāharattenāyajata teneṣṭvā prājāyata prajayā paśubhirabhi saudāsānabhavattatho evaitadyajamāno yadvasiṣṭhayajñena yajate prajāyate prajayā paśubhirabhi dviṣato bhrātṛvyānrbhavati ### [4.9](https://indike.org/pramana/in.veda.brahmana.rgvedabrahmana.4.9) athātaḥ sākaṃprasthāyyasya sākaṃprasthāyyeneṣyannetasyāmevāmāvāsyāyāṃ prayuṅkte tasyā uktaṃ brāhmaṇaṃ sa eṣa śraiṣṭhyakāmasya pauruṣakāmasya yajñastena śraiṣṭhyakāmaḥ pauruṣakāmo yajeta tadyatsākaṃ saṃpratiṣṭhante sākaṃ saṃprayajante sākaṃ bhakṣayante tasmātsākaṃprasthāyyaḥ ### [4.10](https://indike.org/pramana/in.veda.brahmana.rgvedabrahmana.4.10) athāto munyayanasya munyayanenaiṣyannetasyāmeva paurṇamāsyāṃ prayuṅkte tasyā uktaṃ brāhmaṇaṃ sa eṣa sarvakāmasya yajñastena sarvakāmo yajeta ### [4.11](https://indike.org/pramana/in.veda.brahmana.rgvedabrahmana.4.11) athātasturāyaṇasya turāyaṇenaiṣyannetasyāmeva paurṇamāsyāṃ prayuṅkte tasyā uktaṃ brāhmaṇaṃ sa eṣa svargakāmasya yajñastena svargakāmo yajetātha yatkṛṣṇājinaṃ pratimuñcate brahma vai kṛṣṇājinaṃ brahmaṇaiva tadyajñaṃ samardhayati tāni vai trīṇi havīṃṣi bhavanti trayo vā ime lokā imāneva tallokānāpnoti ### [4.12](https://indike.org/pramana/in.veda.brahmana.rgvedabrahmana.4.12) athāta āgrayaṇasyāgrayaṇenānnādyakāmo yajeta varṣāsvāgate śyāmākasasye śyāmākānuddhartavā āha sā yā tasminkāle 'māvāsyopasaṃpadyeta tayeṣṭrāyaitayeṣṭyā yajeta yadi paurṇamāsyetayeṣṭvā paurṇamāsena yajeta yadyu nakṣatramupepset¹ pūrvapakṣe nakṣatramudīkṣya yasminnakṣatre² kāmayeta tasminyajeta tasyai saptadaśa sāmidhenyaḥ saddantāvājyabhāgau virājau saṃyājye tasyoktaṃ brāhmaṇaṃ saumyaścaruḥ somo vai rājauṣadhīnāṃ tadenaṃ svayā viśā prīṇātyatha yanmadhuparkaṃ dadātyeṣa hyāraṇyānāṃ rasaḥ ### [4.13](https://indike.org/pramana/in.veda.brahmana.rgvedabrahmana.4.13) atha vasanta āgate pakkeṣu veṇuyaveṣu veṇuyavānuddhartavā āha tasyā etadeva parvettattantrameṣā devataiṣā dakṣiṇetadbrāhmaṇaṃ tāṃ haika āgneyoṃ vā vāruṇīṃ vā prājāpatyāṃ vā kurvantyetattantrāmevaitadbrāhmaṇam ### [4.14](https://indike.org/pramana/in.veda.brahmana.rgvedabrahmana.4.14) atha vrīhisasye vā yavasasye vāgata āgrayaṇīyānuddhartavā āha tasyā etadeva parvettattantramatha yadaindrāgno dvādaśakapāla indrāgnī vai devānāṃ mukhaṃ mukhata eva taddevānprīṇātyatha yadvaiśvadevaścarurete vai sarve devā yadviśve devāḥ sarveṣāmeva devānāṃ prītyā atha yadyāvāpṛthivīya ekakapālo dyāvāpṛthivī vai sasyasya sādhayitryau pratiṣṭhā pṛthivyo'nāsāma³nuveda tayadetā devatā yajatyetābhirdevatābhiḥ śāntamannamatsyāmītyatha yatprathamajaṃ gāṃ dadāti prathamakarma hyetadyadyetasyai glāyātpaurṇamāsaṃ vāmāvāsyaṃ vā haviḥ kurvīta navānāmubhayasyāptyā api vā paurṇamāse vāmāvāsye vā havīṃṣyanuvartayeddevatānāmaparihāṇāyāpi vā yavāgvaiva sāyaṃ prātaragnihotraṃ juhuyānnavānāmubhayasyāptyā api vā sthālīpākameva gārhapatye śrapayitvā navānāmetābhya āgrayaṇadevatābhya āhavanīye juhuyātsviṣṭakṛccaturthībhyo 'muṣyai svāhāmuṣyai svāheti devatānāmaparihāṇāyāpi vā'gnihotrīmeva navānādāyitvā tasyai dugdhena sāyaṃprātaragnihotraṃ juhuyādubhayasyāptyā eta etāvantaḥ pātāsteṣāṃ yena kāmayeta tena yajeta trihavistu sthitā trayo vā ime lokā imāneva tallokānāpnotīmāneva tallokānāpnoti ### [5.1](https://indike.org/pramana/in.veda.brahmana.rgvedabrahmana.5.1) iti caturtho 'dhyāyaḥ samāptaḥ athātaścāturmāsyānāṃ cāturmāsyāni prayuñjānaḥ phālgunyāṃ paurṇamāsyāṃ prayuṅkte mukhaṃ vā etatsavatsarasya yatphālgunī paurṇamāsī mukhamuttare phalgū pucchaṃ pūrve tadyathā vṛttasyāntau sametau syātāmevamevaitau saṃvatsarasyāntau sametau tadyatphālgunyāṃ paurṇamāsyāṃ vaiśvadevena yajate mukhata eva tatsaṃvatsaraṃ prīṇātyatho bheṣajyayajñā vā ete yaccāturmāsyāni tasmādṛtusaṃdhiṣu prayujyanta ṛtusaṃdhiṣu hi vyādhirjāyate tāni vā aṣṭau havīṃṣi bhavantyaṣṭau vai catasṛṇāṃ paurṇamāsīnāṃ havīṃṣi bhavanti catasṛṇāṃ vai paurṇamāsīnāṃ vaiśvadevaṃ samāso 'tha yadagnirmathyate prajātirvai vaiśvadevaṃ tasmādetaṃ daivaṃ garbhaṃ prajanayatyatha yatsaptadaśa sāmidhenyaḥ saddantāvājyabhāgau virājau saṃyājye tasyoktaṃ brāhmaṇamatha yannava prayājā navānuyājā aṣṭau havīṃṣi vājinaṃ navamaṃ tannavatriyāṃ virājamāpnoti ### [5.2](https://indike.org/pramana/in.veda.brahmana.rgvedabrahmana.5.2) atha yadagnīṣomau prathamau devatānāṃ yajati dārśapaurṇamāsike vā ete devate tasmādenau prathamau yajatyatha yatsaviśāraṃ yajati savitā prasavānāmīśe savitṛprasūtatāyā atha yatsarasvatīṃ yajati vāgvai sarasvatī vācameva tatprīṇātyatha yatpūṣaṇaṃ yajatyasau vai pūṣā yo 'sau tapatyetameva tatprīṇātyatha yanmarutaḥ svatavaso yajati ghorā vai marutaḥ svatavaso bheṣajyameva tatkurute 'tha yadvaiśvadevī payasyaite vai sarve devā yadindre devāḥ sarveṣāmeva devānāṃ prītyā atha yadyāvāpṛthivīya ekakapālaḥ pratiṣṭhe vai dyāvāpṛthivī pratiṣṭhātyā evātha yatprathamajaṃ gāṃ dadāti prathamakarma hyetadatha yatpurastāddopariṣṭādvā śaṃyorvākasyānāvāhitānvājino yajati devāścā 1 vai vājinastāneva tatprīṇātyatra devāḥ sādhyāḥ prītā bhavantyatho ṛtavo vai vājina ṛtūneva tatprīṇātyatha yatparastātpaurṇamāsena yajate tathā hāsya pūrvapakṣe vaiśvadeveneṣṭaṃ bhavati ### [5.3](https://indike.org/pramana/in.veda.brahmana.rgvedabrahmana.5.3) vaiśvadevena vai prajāpatiḥ prajā asṛjata tāḥ sṛṣṭā aprasūtā varuṇasya yavāñjakṣustā varuṇo varuṇapāśaiḥ pratyamuñcattāḥ prajāḥ prajāpatiṃ pitarametyopādhāvannupa taṃ yajñakratuṃ jānīhi yeneṣṭvā varuṇapāśebhyaḥ sarvasmācca pāpmanaḥ saṃpramucyemahīti tata etaṃ prajāpatiryajñakratumapaśyadvaruṇapraghāsāṃstamāharattenāyajata teneṣṭvā varuṇamaprīṇātsa prīto varuṇo varuṇapāśebhyaḥ sarvasmācca pāpmanaḥ prajāḥ prāmuñcatpra ha vā asya prajā varuṇapāśebhyaḥ sarvasmācca pāpmanaḥ saṃpramucyante 2 ya evaṃ vidvānvaruṇapraghāsairyajate 'tha yadagniṃ praṇayanti yamevāmuṃ vaiśvadeve manthanti tameva tatpraṇayantyatha yadagnirmathyate tasyoktaṃ brāhmaṇamatha yatsaptadaśa sāmidhenyaḥ saddhantāvājyabhāgau virājau saṃyājye tasyoktaṃ brāhmaṇamatha yannava prayājā navānuyājā navaitāni havīṃṣi tannavatriyāṃ virājamāpnoti samānāni pañca saṃcarāṇi havīṃṣi pauṣṇāntāni teṣāmuktaṃ brāhmaṇam ### [5.4](https://indike.org/pramana/in.veda.brahmana.rgvedabrahmana.5.4) atha yadaindrāgno dvādaśakapālaḥ pratiṣṭhe vā indrāgnī pratiṣṭhityā evātho madhyastho vā indrastasmādenaṃ madhyato yajatyatha yadvāruṇī payasyendra u vai varuṇaḥ sa u vai payobhājanastasmādvāruṇī payasyātha yanmārutī payasyāpsu vai marutaḥ śritāstasmādenānpayasā yajatyāpo hi payo 'tho indrasya vai maruta aindraṃ payastasmānmārutī payasyātha yatkāya ekakapālaḥ prajāpatirvai kastameva tatprīṇātyatho sukhasyaivaitannāmadheyaṃ kamiti sukhameva tadātmandhatte 'tha yanmithunau gāvau dadāti tatprajātyai rūpamatha yadvājino yajati teṣāmuktaṃ brāhmaṇamatha yadapsu varuṇaṃ yajati sva evainaṃ tadāyatane prīṇātyatha yatpurastātpaurṇamāsena yajate tathā hāsya pūrvapakce¹ varuṇapraghāsairiṣṭaṃ bhavati ### [5.5](https://indike.org/pramana/in.veda.brahmana.rgvedabrahmana.5.5) aindro vā eṣa yajñakraturyatsākamedhāstadyathā mahārājaḥ purastātsenānīkāni pratyuhyābhayaṃ panthānamanviyādevamevaitatpurastāddevatā yajati tadyathādaḥ somasya mahāvratamevamevaitadiṣṭimahāvratamatha yadagnimanīkavantaṃ prathamaṃ devatānāṃ yajatyagnirvai devānāṃ mukhaṃ mukhata eva taddevānprīṇātyatha yanmadhyaṃdine marutaḥ sāṃtapanānyajati madhyandine vai saṃtapati tasmānmadhyaṃdine marutaḥ sāṃtapanānyajatyatho indrasya vai maruta aindro madhyaṃdinastasmānmadhyaṃdine marutaḥ sāṃtapanānyajatyatha yatsāyaṃ gṛhamedhīyena caranti puṣṭikarma vā etadyadgṛhamedhīyaḥ sāyaṃ poṣastasmātpoṣavantāvājyabhāgau yajati yajamānameva tatpoṣayatyatha yatprātaḥ pūrṇadarveṇa caranti pūrvaidyuḥ karmaṇaiva tatprātaḥ karmopasaṃtanotyatha yanmarutaḥ krīḍino yajatīndrasya vai marutaḥ krīḍinastasmādenāninyeṇopasaṃhitānyajatyatha yadagniṃ praṇayanti yanvamyate tasyoktaṃ brāhmaṇamatha yatsaptadaśa sāmidhenyaḥ sadantāvājyabhāgau virājau saṃyājye tasyoktaṃ brāhmaṇamatha yannava prayājā navānuyājā aṣṭau havīṃṣi sviṣṭakṛnnavamaṃ tannavatriyāṃ virājamāpnoti samānāni ṣaṭ saṃcarāṇi havīṃṣyaindrāgnāntāni teṣāmuktaṃ brāhmaṇamatha yanmahendramantato yajatyantaṃ vai śreṣṭhī bhajate tasmādenamantato yajatyatha yadvaiśvakarmaṇa ekakapālo 'sau vai viśvakarmā yo 'sau tapatyetameva tatprīṇātyatha yadṛṣabhaṃ dadātyaindro hi yajñakratuḥ ### [5.6](https://indike.org/pramana/in.veda.brahmana.rgvedabrahmana.5.6) atha yadaparāhne pitṛyajñena carantyapapakṣabhājo vai pitarastasmādaparāhne pitṛyajñena caranti tadāścaryadyadaparapakṣabhājaḥ pitaro 'tha kasmādenānpūrvapakce yajantīti daivā vā ete pitarastasmādenānpūrvapakṣe yajantyatha yadekāṃ sāmidhenīmanvāha sakṛddiva vai pitarastasmādekāṃ sāmidhenīmanvāha sā vā anuṣṭubbhavati vāganuṣṭupparāñca u vai pitarastānevaitadvācānuṣṭubhāgamayatyatha yadyajamānasyārṣeyaṃ nāha nedyajamānaṃ pravṛṇajānītyathaitaṃ nigadamanvāha tasyoktaṃ brāhmaṇamatha somaṃ pitṛmantaṃ pitṛnvā somavataḥ pitṝnbarhiṣadaḥ pitṝnagniṣvāttānityāvāhayati devā vā ete pitarastasmādenānāvāhayatyatha yadagniṃ kavyavāhanamāvāhayatyetatsviṣṭakṛto vai pitarastasmādenamāvāhayati na haike svaṃ mahimānamāvāhayanti yajamānasyaiṣa mahimeti vadanta āvāhayediti tveva sthitamagnerhyaivaiṣa mahimā ### [5.7](https://indike.org/pramana/in.veda.brahmana.rgvedabrahmana.5.7) atha yatprayājānuyājebhyo barhiṣmantā utsṛjati prajā vai barhirnetprajāṃ pravṛṇajānīti te vai ṣaḍ bhavanti ṣaḍvā ṛtava ṛtavaḥ pitaraḥ pitṝneva tatprīṇātyatha yajjīvanavantāvājyabhāgau yajati yajamānameva tajjīvayatyatha yattisrastisra ekaikasya haviṣo bhavanti trīṇi vai havīṃṣi bhavanti teṣāṃ samavadyati tasmāttisrastisra ekaikasya haviṣo bhavantyatho devakarmaṇaivaitatpitṛkarma vyāvartayatyatho parāmuṃ vai parāvataṃ pitaro gatā āhūyatyevainānpratha Flat dvitīyāyāgamayati praiva tṛtīyayā yacchatyatha yadagniṃ kavyavāhanamantato yajayatyetatsviṣṭakṛto vai pitarastasmādenamantato yajayatya yadiḍāmupahvayāvaghrāya na prāśnanti paśavo vā iḍā nedyajamānasya paśūnpravṛṇajāmetyatha yadadhvaryuḥ pitṛbhyo dadāti pitṝneva tatprīṇātyatha yatpavitravati mārjayante śāntirvai bheṣajamāpaḥ śāntirevaiṣā bheṣajamantato yajñe kriyate 'tha yadṛcaṃ japanti svastyayanameva tatkurvate 'tha yadaTrigger paretya gārhapatyāhavanīyā upatiṣṭhante prītaivai taddeveṣvantato 'rthaṃ vadante 'tho dakṣiṇasaṃstho vai pitṛyajñastamevaitadudaksaṃsthaṃ kurvantyatha yatprāñcamupaniṣkramyādityamupatiṣṭhante devaloko vā ādityaḥ pitṛlokaḥ pitaro devalokameva tatpitṛlokādabhyutkrāmantyatha yatsūktavāke yajamānasya nāma na gṛhṇāti nedyajamānaṃ pravṛṇajānītyatha yatpatnīsaṃyājairna caranti netpatnyaḥ¹ pravṛṇajāmetyatha yadudañcaḥ paretya tryambakaiścaranti rudrameva tatsyāṃ diśi prīṇantyatho dakṣiṇāsaṃstho vai pitṛyajñastamevaitadudaksaṃsthaṃ kurvantyatha yadantata iṣṭyeṣṭvā yajata etatsaṃsthā vai sākamedhāstasmādantata iṣṭyeṣṭvā yajate 'tha yatparastātpaurṇamāsena yajate tathā hāsya pūrvapakṣe sākamedhairiṣṭaṃ bhavati ### [5.8](https://indike.org/pramana/in.veda.brahmana.rgvedabrahmana.5.8) trayodaśaṃ vā etaṃ māsamāpnoti yacchunāsīryeṇa yajata etāvānvai saṃvatsaro yadeṣa trayodaśo māsastadatraiva sarvaḥ saṃvatsara āpto bhavatyatha yadagnirmathyate yadvaiśrvadevasya tantraṃ tattantraṃ yadyu na mathyate paurṇamāsameva tantraṃ bhavati pratiṣṭhā vai paurṇamāsaṃ pratiṣṭhityai evātha yadagnirmathyate tasyoktaṃ brāhmaṇamatha yatsaptadaśa sāmidhenyaḥ saddantāvājyabhāgau virājau saṃyājye tasyoktaṃ brāhmaṇamatha yannava prayājā navānuyājā aṣṭau havīṃṣi sviṣṭakṛnnavamaṃ tannavacchidrāṃ virājamāpnoti samānāni tveva pañca saṃcarāṇi havīṃṣi bhavanti pauṣṇāntāni teṣāmuktaṃ brāhmaṇamatha yacchunāsīrau yajati śāntirvai bheṣajaṃ śunāsīrau śāntirevaiṣa bheṣajamantato yajñe kriyate 'tha yadvāyuṃ yajati prāṇo vai vāyuḥ prāṇameva tatprīṇātyatha yatsaurya ekakapālo 'sau vai sūryo yo 'sau tapratyetameva tatprīṇātyatha yacchvetā dakṣiṇetameva tatprīṇātyetasyaiva tadrūpaṃ kriyate ### [5.9](https://indike.org/pramana/in.veda.brahmana.rgvedabrahmana.5.9) atha yatprāyaśrittapratinidhīnkurvanti yadāhutīrjuhvati svastyayanameva tatkurvate yajñasyaiva śāntyai yajamānasya ca bhiṣajyāyai ### [5.10](https://indike.org/pramana/in.veda.brahmana.rgvedabrahmana.5.10) atha yatsvairagnibhiryajamānaṃ saṃsthāpayanti devaratho vā agnayo devaratha evainaṃ tatsaṃsthāpayanti sa etena devarathena svargaṃ lokameti sukṛtāṃ yatra lokaḥ sukṛtāṃ yatra lokaḥ ### [6.1](https://indike.org/pramana/in.veda.brahmana.rgvedabrahmana.6.1) iti pañcamo 'dhyāyaḥ samāptaḥ ^1prajāpatiḥ prajātikāmastapo 'tapyata tasmāttaptātpañcājāyantāgnarvāyurādityaśrcandramā uṣāḥ pañcamī tānabravīdyūyamapi tapyadhvamiti te 'dīkṣanta tāndīkṣitāṃstepānānuṣāḥ prājāpatyāpsarorūpaṃ kṛtvā purastātpratyudaittasyāmeṣāṃ manaḥ samapatatte reto 'siñcanta te prajāpatiṃ pitarametyābruvanneto vā asicāmahā idaṃ no māmuyā bhūditi sa prajāpatirhiraṇmayaṃ camasamakarodiṣumātramūrddhamevaṃ tiryañcaṃ tasminnetaḥ¹ samasiñcattata udatiṣṭhatsahasrākṣaḥ sahasrapātsahasreṇa pratihitābhiḥ ### [6.2](https://indike.org/pramana/in.veda.brahmana.rgvedabrahmana.6.2) sa prajāpatiṃ pitara mabhyāyacchattamabravītkathā mābhyāyacchasīti nāma me kurvityabravīnna vā idamavihitena nāmnānnamatsyāmīti sa vai tvamityabravīdbhava eveti yadbhava āpastena na ha vā enaṃ bhavo hinasti nāsya prajāṃ nāsya paśūnnāsya bruvāṇaṃ canāya ya enaṃ dveṣṭi sa eva pāpīyānbhavati na sa ya evaṃ veda tasya vratamārdrameva vāsaḥ paridadhīteti ### [6.3](https://indike.org/pramana/in.veda.brahmana.rgvedabrahmana.6.3) taṃ dvitīyamabhyāyacchattamabravītkathā mābhyāyacchasīti dvitīyaṃ me nāma kurvityabravīnna vā idamekena nāmnānnamatsyāmīti sa vai tvamityabravīccharva eveti yaccharvo 'gnistena na ha vā enaṃ śarvo hinasti nāsya prajāṃ nāsya paśūnnāsya bruvāṇaṃ canāya ya enaṃ dveṣṭi sa eva pāpīyānbhavati na sa ya evaṃ veda tasya vrataṃ sarvameva nāśnīyāditi ### [6.4](https://indike.org/pramana/in.veda.brahmana.rgvedabrahmana.6.4) taṃ tṛtīyamabhyāyacchattamabravītkathā mābhyāyacchasīti tṛtīyaṃ me nāma kurvityabravīnna vā idaṃ dvābhyāṃ nāmabhyāmannamatsyāmīti sa vai tvamityabravītpaśupatireveti yatpaśupatirvāyustena na ha vā enaṃ paśupatirhinasti nāsya prajāṃ nāsya paśūnnāsya bruvāṇaṃ canāya ya enaṃ dveṣṭi sa eva pāpīyānbhavati na sa ya evaṃ veda tasya vrataṃ brāhmaṇameva na parivadediti ### [6.5](https://indike.org/pramana/in.veda.brahmana.rgvedabrahmana.6.5) taṃ caturthamabhyāyacchattamabravītkathā mābhyāyacchasīti caturthaṃ me nāma kurvityabravīnna vā idaṃ tribhirnāmabhirannamatsyāmīti sa vai tvamityabravīdugra eva deva iti yadugro deva oṣadhayo vanaspatayastena na ha vā enamugro devo hinasti nāsya prajāṃ nāsya paśūnnāsya bruvāṇaṃ canātha ya enaṃ dveṣṭi sa eva pāpīyānbhavati na sa ya evaṃ veda tasya vrataṃ striyā eva vivaraṃ nekṣeteti ### [6.6](https://indike.org/pramana/in.veda.brahmana.rgvedabrahmana.6.6) taṃ pañcamamabhyāyacchattamabravītkathā mābhyāyacchasīti pañcamaṃ me nāma kurvityabravīnna vā idaṃ caturbhirnāmabhirannamatsyāmīti sa vai tvamityabravīnmahāneva deva iti yanmahāndeva ādityastena na ha vā enaṃ mahāndevo hinasti nāsya prajāṃ nāsya paśūnnāsya bruvāṇaṃ canātha ya enaṃ dveṣṭi sa eva pāpīyānbhavati na sa ya evaṃ veda tasya vratamudyantamevainaṃ nekṣetāstaṃ yantaṃ ceti ### [6.7](https://indike.org/pramana/in.veda.brahmana.rgvedabrahmana.6.7) taṃ ṣaṣṭhamabhyāyacchattamabravītkathā mābhyāyacchasīti ṣaṣṭhaṃ me nāma kurvityabravīnna vā idaṃ pañcabhirnāmabhirannamatsyāmīti sa vai tvamityabravīdrudra eveti yadrudraścandramāstena na ha vā enaṃ rudro hinasti nāsya prajāṃ nāsya paśūnnāsya bruvāṇaṃ canātha ya enaṃ dveṣṭi sa eva pāpīyānbhavati na sa ya evaṃ veda tasya vrataṃ vimūrtameva nāśnīyānmajjānaṃ ceti ### [6.8](https://indike.org/pramana/in.veda.brahmana.rgvedabrahmana.6.8) taṃ saptamamabhyāyacchattamabravītkathā mābhyāyacchasīti saptamaṃ me nāma kurvityabravīnna vā idaṃ ṣaḍbhirnāmabhirannamatsyāmīti sa vai tvamityabravīdīśāna eveti yadīśāno 'nnaṃ tena na ha vā enamīśāno hinasti nāsya prajāṃ nāsya paśūnnāsya bruvāṇaṃ canātha ya enaṃ dveṣṭi sa eva pāpīyānbhavati na sa ya evaṃ veda tasya vratamannamevecchamānaṃ na pratyācakṣīteti ### [6.9](https://indike.org/pramana/in.veda.brahmana.rgvedabrahmana.6.9) tamaṣṭamamabhyāyacchattamabravītkathā mābhyāyacchasītyaṣṭamaṃ me nāma kurvityabravīnna vā idaṃ saptabhirnāmabhirannamatsyāmīti sa vai tvamityabravīdaśanireveti yadaśanirindrastena na ha vā enamaśanirhinasti nāsya prajāṃ nāsya paśūnnāsya bruvāṇaṃ canātha ya enaṃ dveṣṭi sa eva pāpīyānbhavati na sa ya evaṃ veda tasya vrataṃ satyameva vadeddhiraṇyaṃ ca bibhṛyāditi sa eṣo 'ṣṭanāmāṣṭadhāvihito mahāndeva ā ha vā asyāṣṭamātpuruṣātprajānnatti vasīyān¹ vasīyānhaivāsya prajāyāmājāyate ya evaṃ veda ### [6.10](https://indike.org/pramana/in.veda.brahmana.rgvedabrahmana.6.10) prajāpatistapo 'tapyata sa tapastaptvā prāṇādevemaṃ lokaṃ prāvṛhadapānādantarikṣalokaṃ vyānādamuṃ lokaṃ sa etāṃstrīm̐llokānabhyatapyata so 'gnimevāsmāllokādasṛjata vāyumantarikṣalokādādityaṃ divaḥ sa etāni trīṇi jyotīṃṣyabhyatapyata so 'gnerevarco 'sṛjata vāyoryajūṃṣyādityātsāmāni sa etāṃ trayīṃ vidyāmabhyatapyata sa yajñamatanuta sa ṛcaivāśaṃsadyajuṣā prācarat² sāmnodagāyadyaitasyā eva trayyai vidyāyai tejorasaṃ prāvṛhadeteṣāmeva vedānāṃ bhiṣajyāyai sa bhūrityṛcāṃ prāvṛhadbhava iti yajuṣāṃ svariti sāmnāṃ kena³ dakṣiṇato brahmāsītkasya⁴ dakṣiṇato varṣīyānudīcīnapravaṇo yajñaḥ saṃtasthe tasya ha vai dakṣiṇato varṣīyānudīcīna⁵pravaṇo yajñaḥ saṃtiṣṭhate yasyaivaṃ vidvānbrahmā bhavati ### [6.11](https://indike.org/pramana/in.veda.brahmana.rgvedabrahmana.6.11) tadāhuryadṛcā hotā hotā bhavati yajuṣādhvaryurādhvaryuḥ sāmnodgātodgātā kena brahmā brahmā bhavatīti yamevāmuṃ trayyai vidyāyai tejorasaṃ prāvṛhattena brahmā brahmā bhavati tadāhuḥ kiṃvidaṃ kiṃchandasaṃ brahmāṇaṃ vṛṇītetyadhvaryumityeke sa parikramāṇāṃ cennajño bhavatīti cchandogamityeke tathā hāsya tribhirvedairhaviryajñāḥ saṃskriyanta iti bahvṛcamiti tveva sthitametatparicaraṇāvitarau vedāvaca ca bhūyiṣṭhā hotrā āyattā bhavantītyṛgbhirgrahā gṛhyanta ṛkṣu sāmāni gīyante tasmādbahvṛca eva syāttadāhuḥ kiyadbrahmā yajñasya saṃskaroti kiyadanya ṛtvija ityardhamiti brūyāddve vai yajñasya vartanī vācānyā saṃskriyate manasānyā sā yā vācā saṃskriyate tāmanya ṛtvijaḥ saṃskurvantyatha yā manasā tāṃ brahmā tasmādyāvadṛcā yajuṣā sāmnā kuryustūṣṇīṃ tāvadbrahmāsītārdhaṃ hi tadyajñasya saṃskaroti ### [6.12](https://indike.org/pramana/in.veda.brahmana.rgvedabrahmana.6.12) atha yacainaṃ brūyurbrahmanpraṇeṣyāmo brahmanpracariṣyāmo ¹ brahmanprasthāsyāmo brahmanstoṣyāma ityo3mityetāvatā prasuyādetadva vā ekamakṣaraṃ trayīṃ vidyāṃ pratiprati tathā hāsya trayyā vidyayā prasūtaṃ bhavati brahmaṇi vai yajñaḥ pratiṣṭhito yadvai yajñasya skhalitaṃ volbaṇaṃ vā bhavati brahmaṇa eva tatprāṅsatsa trayyā vidyayā bhiṣajyatyatha yadyṛcyulbaṇaṃ syāccaturgṛhītamājyaṃ gṛhītvā gārhapatye prāyaścittāhutiṃ juhuyādbhūḥ svāheti tadṛcamṛci dadhātyṛcarci prāyaścittiṃ karotyatha yadi yajuṣyulbaṇaṃ syāccaturgṛhītamājyaṃ gṛhītvānvāhāryapacane prāyaścittāhutiṃ juhuyāddhaviryajña āgnīdhrīye saumye 'dhvare bhuvaḥ svāheti tadyajuryajuṣi dadhāti yajuṣā yajuṣi prāyaścittiṃ karotyatha yadi sāmanyulbaṇaṃ syāccaturgṛhītamājyaṃ gṛhītvāhavanīye prāyaścittāhutiṃ juhuyātsvaḥ svāheti tatsāma sāmni dadhāti sāmnā sāmni prāyaścittiṃ karotyatha yadyavijñātamulbaṇaṃ syāccaturgṛhītamājyaṃ gṛhītvāhavanīya eva prāyaścittāhutiṃ juhuyādbhūbhurvaḥ svaḥ svāhetyeṣa ha vai yajñasya vṛddhaṃ samardhayati ya etābhirvyāhṛtibhiḥ prāyaścittiṃ karoti na ha vā upahṛto ² brūyānnāhametadvedetyetā vyāhṛtīrvidvā sarvaṃ ha vā u sa veda ya etā vyāhṛtīrveda tadyathā ha vai dāruṇa śleṣmasaṃśleṣaṇaṃ syātparicarmaṇyaṃ vaivamevaitā vyāhṛtayastrayyai vidyāyai saṃśleṣiṇyaḥ ### [6.13](https://indike.org/pramana/in.veda.brahmana.rgvedabrahmana.6.13) atha yadbrahmasadanāttṛṇaṃ nirasyati śodhayatyevainattadathopaviśatīdamahamarvāvasoḥ sadasi sīdāmītyarvāvasurha vai devānāṃ brahmā tamevaitatpūrvaṃ sādayatyariṣṭaṃ yajñaṃ tanutādi ³ tyathopaviśya japati bṛhaspatirbrahmeti bṛhaspatirha vai devānāṃ brahmā tasminnevaitadanujñāmicchate praṇītāsu praṇīyamānāsu vācaṃ yacchatyā haviṣkṛta udvādanādetadvai yajñasya dvāraṃ tadetadaśūnyaṃ karotīṣṭe ca sviṣṭakṛtyanuyājānāṃ prasavādetadva vai yajñasya dvitīyaṃ dvāraṃ tadevaitadaśūnyaṃ karotyatha yatra ha taddevā yajñamatanvata tatsavitre prāśitraṃ parijahustasya pāṇī pracaccheda tasmai hiraṇmayau pratidadhusta¹smāddhiraṇyapāṇiriti stutastadbhagāya parijahustasyākṣiṇī nirjaghāna tasmādāhurandho bhaga iti tatpūṣṇe parijahustasya dantānparovāpa tasmādāhuradantakaḥ pūṣā karambhabhāga iti te devā ūcuḥ ### [6.14](https://indike.org/pramana/in.veda.brahmana.rgvedabrahmana.6.14) indro vai devānāmojiṣṭho baliṣṭhastasmā enatpariharateti tattasmai parijahustatsa brahmaṇā śamayāṃ cakāra tasmādāhendro brahmeti tatpratīkṣate mitrasya tvā cakṣuṣā pratīkṣa iti mitrasyaivaitaccakṣuṣā śamayatyathainatpratigṛhṇāti devasya tvā savituḥ prasave 'śvinorbāhubhyāṃ pūṣṇo hastābhyāṃ pratigṛhṇāmītyetābhirevainattaddevatābhiḥ śamayati tadgṛhya tṛṇāni prāgdaṇḍaṃ sthaṇḍile nidadhāti pṛthivyāstvā nābhau sādayāmyadityā upastha iti pṛthivī vā annānāṃ śamayitrī śamayatyevainattattata ādāya prāśnātyagneṣṭvāskhena prāśnāmītyagnirvā annānāṃ śamayitā śamayatyevainattadathāpo 'nvācāmati śāntirasīti śāntirvai bheṣajamāpaḥ śāntirevaiṣā bheṣajamantato yajñe kriyate 'tha prāṇātsammṛśati tadyadevātra prāṇānāṃ krūrīkṛtaṃ yadviliṣṭaṃ tadevaitadāpyāyayati tanniṣañcatīndrasya tvā jaṭhare sādayāmīti nābhimantato 'bhimṛśatīndro hyevainattacchamayāṃ cakārātha yatsāvitreṇa japena prasauti savitā vai pra savitā karmaṇa eva prasavāya ### [6.15](https://indike.org/pramana/in.veda.brahmana.rgvedabrahmana.6.15) prajāpatirha yajñaṃ sasṛje so 'gnyādheyenaiva reto 'sṛjata devānmanuṣyānasurānityagnihotreṇa darśapūrṇamāsābhyāmindramasṛjata tebhya etadannapānaṃ sasṛja etānddhaviryajñāṃtsaumyamadhvaramityatho yaṃ yaṃ kāmamaicchaṃstaṃ tametairayanairāpurannādyamāyayaṇena tadāhuḥ kasmādathanānīti gamanānyeva bhavanti kāmasya kāmasya svargasya ca lokasya cāturmāsyairāpnuvantsvargām̐llokāntsarvānkāmāntsarvā ṛṣṭīḥ sarvamamṛtatvaṃ sa eṣa prajāpatireva saṃvatsaraścaturviṃśo yaccāturmāsyāni tasya mukhamiva vaiśvadevaṃ darśapūrṇamāsau parvāṇyahorātrāṇyasthimajjāni bāhū varuṇapraghāsāḥ prāṇo 'pāno vyāna ityetāstisra iṣṭaya ātmā mahāhaviryā imā antardevatāstadanyā iṣṭayo pratiṣṭhā śunāsīrīyaṃ sa eṣa prajāpatireva saṃvatsaraścaturviṃśo yaccāturmāsyāni sarvaṃ vai prajāpatiḥ sarvaṃ cāturmāsyāni tatsarveṇa sarvamāpnoti ya evaṃ veda ya evaṃ veda ### [7.1](https://indike.org/pramana/in.veda.brahmana.rgvedabrahmana.7.1) iti ṣaṣṭho 'dhyāyaḥ samāptaḥ vāgdīkṣā vācā hi dīkṣate prāṇo dīkṣito vācā vai dīkṣayā devāḥ prāṇena dīkṣitena sarvānkāmānubhayataḥ parigṛhyātmannadadhata tatho evaitadyajamāno vācaiva dīkṣayā prāṇena dīkṣitena sarvānkāmānubhayataḥ parigṛhyātmandhatta āgnāvaiṣṇavamekādaśakapālaṃ puroḍāśaṃ nirvapatyagnirvai devānāmavarārthyo viṣṇuḥ parārdhyastadyaccaiva devānāṃmavarārdhyo yacca parārdhyastābhyāmevaitatsarvā devatāḥ parigṛhya salokatāmāpnoti tasmātkāmaṃ pūrvī dīkṣitvo saṃsanuyātpūrvasya hyasya devatāḥ parigṛhītā bhavantyaśarīrābhiḥ prāṇadīkṣābhirdīkṣate prāṇā vai prayājā apānā anuyājāstadyatprayājānuyājaiścaranti tatprāṇāpānā dīkṣante yaddhaviṣā taccharīraṃ so 'yaṃ śarīreṇaiva dīkṣamāṇeṇa sarvānkāmānāpnoti prāṇāpānairdīkṣamāṇaiḥ sarvāsāṃ devatānāṃ salokatāṃ sāyujyam ### [7.2](https://indike.org/pramana/in.veda.brahmana.rgvedabrahmana.7.2) pañcadaśa sāmidhenīranvāha vajro vai sāmidhenyaḥ pañcadaśo vai vajro vārtraghnāvājyabhāgau bhavato vajro vārtraghnāvājyabhāgau triṣṭubhau haviṣo yājyānuvākye vajrastriṣṭubetaina vai devāstriḥ samṛddhena vajreṇaibhyo lokebhyo 'surānanudanta tatho evaitadyajamāna etenaiva triḥsabhṛddhena vajreṇaibhyo lokebhyo dviṣato bhrātṛvyānudate vajro vārtraghnāvājyabhāgau tā uktāvathāto haviṣo yājyānuvākye upa¹ vāṃ jihvā ghṛtamācaraṣyadi²tyāvatī tatpuronuvākyārūpaṃ prati vāṃ jihvā ghṛtamuccaraṣyadityṛddhatī tadyājyārūpaṃ triṣṭubhau saṃyājye balaṃ vai vīryaṃ triṣṭubbalameva tadvīryaṃ yajamāne dadhātyāgura udṛcamitīḍāyāṃ sūktavāke cāha yadā vā āgnāvaiṣṇavaḥ puroḍāśo nirūpyate 'thaiva dīkṣita iti ha smāha tasmādāgura udṛcamityeva brūyādathaiva dīkṣitasya na sūktavāke yajamānasya nāma gṛhṇāti devagarbho vā eṣa yaddīkṣito na vā ajātasya garbhasya nāma kurvanti tasmādasya nāma na gṛhṇāti ### [7.3](https://indike.org/pramana/in.veda.brahmana.rgvedabrahmana.7.3) na vede patnīṃ vācayati nainaṃ stṛṇātyasaṃsthita iva vā atra yajño yatsaumyo 'dhvaro netpurā kālātsaumyamadhvaraṃ saṃsthāpayānīti tadāhuḥ kasmāddīkṣitasyānye nāma na gṛhṇantītyagniṃ vā ātmānaṃ dīkṣamāṇo 'bhidīkṣate tadyadasyānye nāma na gṛhṇanti nedagnimāsīdāmeti yadu so 'nyasya nāma na gṛhṇāti nedenamabhibhūtaḥ pradahānīti yameva dviṣyāttasya dīkṣitaḥ sannāma grasetaiva tadvainamabhibhūtaḥ pradahatyatha yamicchedvicakṣaṇavatyā vācā tasya nāma gṛhṇīyātso tatra prāyaścittiścakṣurve vicakṣaṇaṃ cakṣuṣā hi vipaśyatyeṣā ha kheva vyāhṛtirdīkṣitavādaḥ satyameva sa yaḥ satyaṃ vadati sa dīkṣita iti ha smāha tadāhuḥ kasmāddīkṣitasyānnaṃ nāśnantīti havireṣa bhavati yaddīkṣate tadyathā haviṣo 'navattasyāśnīyādevaṃ tatkāmaṃ prasute 'śnīyāttadyathā haviṣo 'yātayāmasyāśnīyādevamu tattadāhuḥ kasmāddīkṣito 'gnihotraṃ na juhotītyasurā vā ātmannajuhavurudvāte 'nagnau te parābhavannagnau juhvato 'tha devā imameva prāṇamagnimantarādadhata tadyatsāyaṃprātarvrataṃ pradīyate 'gnihotraṃ haivāsyaitasminprāṇe 'gnau saṃtatamavyavacchinnaṃ hutaṃ bhavatyeṣāmihotrasya saṃtatirdīkṣāsu propasatsu caranti kā mīmāṃsā sutyāyām ### [7.4](https://indike.org/pramana/in.veda.brahmana.rgvedabrahmana.7.4) athātaḥ kaiśitī dīkṣā keśī ha dārbhyo dīkṣito nipasāda taṃ ha hiraṇmayaḥ śakuna āpatyovācādīkṣito vā asi dīkṣāmahaṃ veda tāṃ te bravāṇi sakṛdayaje tasya cayādvibhemi sakṛdiṣṭasyāho tvamakṣitiṃ vettha tāṃ tvaṃ mahyamiti sa ha tathetyuvāca¹ tau ha saṃprocāte sa ha sa āsolo vā vārṣṇivṛddha iṭanvā kāvyaḥ śikhaṇḍī vā yājñaseno yo vā sa āsa sa sa āsa sa hovāca śarīrāṇi vā etayedhyā dīkṣante yā vā imāḥ puruṣe devatā yasyaitā dīkṣante sa dīkṣita iti ha smāha sa yatrādhvaryuraudgrahaṇāni juhoti tadupa yajamānaḥ pañcāhutīrjuhuyānmano me manasā dīkṣatāṃ svāheti prathamāṃ vāṅme vācā dīkṣatāṃ svāheti dvitīyāṃ prāṇo me prāṇena dīkṣatāṃ svāheti tṛtīyāṃ madhye prāṇamāha madhye hyayaṃ prāṇaścakṣurme cakṣuṣā dīkṣatāṃ svāheti caturthīṃ śrotraṃ me śrotreṇa dīkṣatāṃ svāheti pañcamīṃ tadu ha smāha kauṣītakirna hotavyā atiriktā āhutayaḥ syuryaḍbhūyerannadhvaryumeva juhvatamanvārabhya pratīkairanumantrayeta mano me manasā dīkṣatāmiti prathamāṃ vāṅme vācā dīkṣatāmiti dvitīyāṃ prāṇo me prāṇena dīkṣatāmiti tṛtīyāṃ madhye prāṇamāha madhye hyayaṃ prāṇaścakṣurme cakṣuṣā dīkṣatāmiti caturthīṃ śrotraṃ me śrotreṇa dīkṣatāmiti pañcamīṃ dīkṣayatyu haivautā yāḥ puruṣe devatā no atiriktā āhutayo hūyanta ityatha khalu śraddhaiva sakṛdiṣṭasyākṣitiḥ sa yaḥ śraddadhāno yajate tasyeṣṭaṃ na kṣīyata āpo 'kṣitiryā imā eṣu lokeṣu yāścemā adhyātmaṃ sa² yo mayyakṣitiriti vidvāṃnyajate tasyeṣṭaṃ na kṣīyata etāmu haiva tatkeśī dārbhyo hiraṇmayāya śakunāya sakṛdiṣṭasyākṣitiṃ provācāparāhne dīkṣate 'parāhne ha vā eṣa sarvāṇi bhūtāni saṃpṛṅkte 'pi ha vā enaṃ raśanā¹ atiyanti tasmāllohitāyannivāstametyetamevātmānaṃ dīkṣamāṇo 'bhidīkṣate ya eṣa tapati tasmādaparāhṇe dīkṣate sarveṣāmeva kāmānāmāptyai ### [7.5](https://indike.org/pramana/in.veda.brahmana.rgvedabrahmana.7.5) prāyaṇīyena vai devāḥ prāṇamāpnuvannudayanīyenodānaṃ tatho evaitadyajamānaḥ prāyaṇīyenaiva prāṇamāpnotyudayanīyenodānaṃ tau vā etau prāṇodānāviva yatprāyaṇīyodayanīye tasmādya eva prāyaṇīyasyartvijasta udayanīyasya syuḥ samānau hīmau prāṇodānau ### [7.6](https://indike.org/pramana/in.veda.brahmana.rgvedabrahmana.7.6) prāyaṇīyena ha vai devāḥ svargaṃ lokamabhiprayāya diśo na prajajñustānagniruvāca mahyamekāmājyāhutiṃ juhutāhamekāṃ diśaṃ prajñāsyāmīti tasmā ajuhavuḥ sa prācīṃ diśaṃ prājānāttasmātprāñcamagniṃ praṇayanti prāgyajñastāyate prāñca u evāsminnāsīnā juhvatyeṣā hi tasya dikprajñātāthābravītsomo mahyamekāmājyāhutiṃ juhutāhamekāṃ diśaṃ prajñāsyāmīti tasmā ajuhavuḥ sa dakṣiṇāṃ diśaṃ prājānāttasmātsomaṃ krītaṃ dakṣiṇā parivahanti dakṣiṇā tiṣṭhannabhiṣuṇoti dakṣiṇā tiṣṭhanparidadhāti dakṣiṇo evainamāsīnā 'abhiṣuṇvantyeṣā hi tasya dikprajñātāthābravītsavitā mahyamekāmājyāhutiṃ juhutāhamekāṃ diśaṃ prajñāsyāmīti tasmā ajuhavuḥ sa pratīcīṃ diśaṃ prājānāttadasau vai savitā yo 'sau tapati tasmādenaṃ pratyañcamevāharaharyantaṃ paśyanti na prāñcameṣā hi tasya dikprajñātāthābravītpathyā svastirmahyamekāmājyāhutiṃ juhutāhamekāṃ diśaṃ prajñāsyāmīti tasyā ajuhavuḥ sodīcīṃ diśaṃ prājānādvāgvai pathyā svastistasmādudīcyāṃ diśi prajñātatarā vāgudyata udañca u eva yanti vācaṃ śikṣituṃ yo vā tata āgacchati tasya vā śuśrūṣanta iti ha smāhaiṣā hi vāco dikprajñātāthābravīdaditirmahyamekāmannasyāhutiṃ juhutāhamekāṃ diśaṃ prajñāsyāmīti tasyā ajuhavuḥ sordhvāṃ diśaṃ prājānādiyaṃ vā aditiratasmādasyāmūrdhvā oṣadhaya ūrdhvā vanaspataya ūrdhvā manuṣyā uttiṣṭhantyūrdhvo 'gnirdīpyate yadasyāṃ kiṃcordhvameva tadāyattameṣā hi tasyai dikprajñātā _First 68 of 312 passages. [Read on](https://indike.org/pramana/in.veda.brahmana.rgvedabrahmana)_ --- Source: [https://indike.org/pramana/in.veda.brahmana.rgvedabrahmana](https://indike.org/pramana/in.veda.brahmana.rgvedabrahmana) · Pramāṇa