Pramāṇa · Search · About · API

Shadvamshabrahmana 1

Ṣaḍvaṃśabrāhmaṇa 1

Language
Sanskrit

1.2

tataḥ subrahmodakāmat

1.2-2

tataḥ anantaraṃ subrahma devebhyaḥ sakāśāt udakrāmat udagacchata

1.3

atha ha devā yajñena brahma paryagṛhṇata

1.4

agnirvai brahmāsāvādityaḥ subrahma

1.5

tadevā yajñasya saṃdhāvanvaicchan

1.6

eṣa vai yajñasya saṃdhiryatraiṣa utkaraḥ

1.6-2

17
eṣa vai ayameva yajñasya saṃdhiḥ saṃdhātā yatra yasmin deśe utkaraḥ
somamudvṛtya krīryante pāṃsavo'sminniti utkaraḥ | vederuttarataḥ pūrvo
bhāgaḥ

1.7

5 tasmādutkare tiṣṭhansubrahmaṇyaḥ subrahmaṇyāmāhvayati

1.8

subrahmaṇyo'm subrahmaṇyo'm subrahmaṇyo'm iti
striyamiva trirāha

1.9

15 triṣatyā hi devāḥ

1.10

indrāgaccheti

1.11

yadāhendrāgaccheetadvā asya pratyakṣaṃ nāma tenaivainaṃ tadāhvayati

1.12

hariva āgaccheti

1.13

pūrvapakṣāparapakṣau vā indrasya harī tābhyāṃ hīdaṃ sarvaṃ harati

1.14

medhātithermeṣeti

1.15

medhātithiṃ ha kāṇvyāyanaṃ meṣo bhūtvā jahāra

1.16

vṛṣaṇaśvasya mena iti

1.17

vṛṣaṇaśvasya ha menasya menakā nāma duhitāsa| tāṃ hendraścakame

1.18

gaurāvaskandidinti

1.19

gauramṛgo ha sma bhūtvāvaskandhāraṇyādrājānaṃ pibati

1.20

ahalyāyai jāreti

1.21

5
ahalyā ha maitreyyā jāra āsa

1.22

kauśika brāhmaṇeti

1.23

tad vyācaṣṭe—
kauśiko ha smainā brāhmaṇa upanyeti

1.24

bhāgāntaramupādatte—
gautamabruvāṇeti

1.25

devāsurā ha saṃyattā āsaṃstānantareṇa gautamaḥ śaśrāma | tamindra upetyovāceha no bhavāntspaśaścaratviti | nāhamutsaha iti | athāhaṃ bhavato rūpeṇa carāṇīti | sa yathā manyasa iti | sa yattat gautamo vā bruvāṇaścacāra gautamarūpeṇa vā tadetadāha gautameti

1.26

ityahe sutyāmāgaccha maghavanniti

1.27

tathārhato brūyādityahe vaḥ paktvārima tadāgacchatesyevamevaitadevebhyaḥ sutyāṃ prāha

1.28

devā brāhmaṇa iti

1.29

10 devā haiva devā atha haite manuṣyadevā ye brāhmaṇāḥ śuśruvāṃso'nūcānāste manuṣyadevāḥ

1.30

āhutaya eva [bhāgadheyaṃ] devānāṃ dakṣiṇā manuṣyadevānām | āhutibhirhi devān prīṇāti | dakṣiṇābhirmanuṣyadevān śuśruvuṣo'nūcānān brāhmaṇān prīṇāti

1.30-2

devānāṃ vasvādīnām āhutaya eva bhāgadheyam | manuṣyadevānāṃ
brāhmaṇānāṃ dakṣiṇā gavādirūpā bhāgadheyam | tasyaiva vivaraṇam--hi yasmāt
āhutibhiḥ devān prīṇāti prīṇayati yajamānaḥ | tathā manuṣyadevān
śuśruṣuḥ śrutavataḥ | śru śravaṇe ityasmāt kasuḥ | tadantasya dvitīyābahuvacane
vasoḥ saṃprasāraṇe kṛte rūpam | anūcānān sāṅgavedādhyāyino brāhmaṇān
dakṣiṇābhiḥ prīṇāti prīṇayati

Linked texts (2)