Shadvamshabrahmana 11
Ṣaḍvaṃśabrāhmaṇa 11
- Language
- Sanskrit
11.1
pañcamaḥ khaṇḍaḥ
sa prātaḥsavane savanamukhīyeṣvāhūteṣūpahvamicchate
11.2
agnirme hotā sa mopahvayatāṃ hotarupa māhvayasvetyuccaiḥ
11.3
ādityo me'dhvaryuḥ sa mopahvayatāmadhvarya upa māhvayasvetyuccaiḥ
11.4
candramā me brahmā sa mopahvayatāṃ brahmannupa
māhvayasvetyuccaiḥ
11.5
parjanyo ma udgātā sa mopahvayatāmudgātarupa
māhvayasvetyuccaiḥ
11.6
ākāśo me sadasyaḥ sa mopahvayatāṃ sadasyopa
māhvayasvetyuccaiḥ
11.7
āpo me hotrāśaṃsinaste mopahvayantāṃ hotrāśaṃsina
upa māhvayadhvamityuccaiḥ
11.8
raśmayo me camasādhvaryavaste mopahvayantāṃ camasādhvaryava
upa māhvayadhvamityuccaiḥ
11.9
tā vā etā devatā ṛtvijāmeva vāgbhirupahvayante
11.10
sa upahūto bhakṣayati
11.11
prāṇo yajamāno'tho yatraitāsāṃ devatānāṃ lokastupahūto bhavati
Linked texts (1)
- Ṣaḍviṃśabrāhmaṇa — Sanskrit