Shadvamshabrahmana 13
Ṣaḍvaṃśabrāhmaṇa 13
- Language
- Sanskrit
13.1
saptamaḥ khaṇḍaḥ
sa tṛtīyasavane savanamukhīyeṣvāhate'pahavamicchate
13.2
prāṇo me hotā sa mopahvayatāṃ hotarupa māhvasvetyuccaiḥ| apāno me'dhvaryuḥ sa mopahvayatām adhvarya upa
māhvayasvetyuccaiḥ| vyāno me brahyā sa mopahvayatāṃ brahmannupa
māhvayasvetyuccaiḥ| samāno ma udgātā sa mopahvayatām
udgātarupa māhvayasvetyuccaiḥ
13.3
yo'yamantaḥpuruṣa ākāśaḥ sa me sadasyaḥ sa
mopahvayatāṃ sadasyopa māhvayasvetyuccaiḥ| yā imā antaḥpuruṣa
āpaste me hotrāśaṃsinaste mopahvayantāṃ hotrāśaṃsina upa
māhvayadhvamityuccaiḥ| lomāni me camasādhvaryavaste mopahvayantāṃ
camasādhvaryava upa māhvayadhvamityuccaiḥ
13.4
tā vā etā devatā ṛtvijāmeva vāgbhirupahvayante
13.5
sa upahūto bhakṣayati
13.6
sa udāno yajamāno'tho yatraitāsāṃ devatānāṃ lokastadupahūto bhavati
13.7
sarveṣāṃ vai vaṣaṭkartā camasaṃ bhakṣayet
13.8
devānāṃ vā etadyajñasya mukhaṃ yadudgātṛcamasam
tasmādudgātṛcamasaṃ nānyo bhakṣayet
13.8-2
devānāmeva yajñasya etanmukhaṃ yadudgātṛcamasaṃ tatra sthitaṃ somātmakaṃ
haviḥ| yata evaṃ tasmādudgātṛcamasam anyo vaṣaṭkartā na bhakṣayeta
13.9
evaṃ viduṣo ha vai yajño na vyathate| evaṃ viduṣo ha vai
yajamānasya svargaṃ putryaṃ paśavyamiṣṭaṃ bhavati| evaṃ vidvān ha vai yajamāno dviṣantaṃ bhrātṛvyamabhibhavati| atha vā ato
yajñe hīnaṃ kuryāt
Linked texts (1)
- Ṣaḍviṃśabrāhmaṇa — Sanskrit