Pramāṇa · Search · About · API

Shadvamshabrahmana 14

Ṣaḍvaṃśabrāhmaṇa 14

Language
Sanskrit

14.1

yaddhotā jahāti vāggha tadyajamānaṃ jahāti | sa yattatkaroti svāṃ vācaṃ yajamāne dadhāti | sa viṣvaṅ vācāmurṣmilloke saṃbhavati

14.2

yaddhvaryurjahāti cakṣurha tadyajamānaṃ jahāti | sa yattat karoti svaṃ cakṣuryajamāne dadhāti | sa viṣvaḍ cakṣuṣāmurṣmilloke saṃbhavati

14.3

yad brahmā jahāti mano ha tadyajamānaṃ jahāti| sa yattat karoti svaṃ mano yajamāne dadhāti| sa viṣvaṅ manasāmuṣmim̐lloke saṃbhavati

14.4

yadudgātā jahāti śrotraṃ ha tadyajamānaṃ jahāti| sa yattat karoti svaṃ śrotraṃ yajamāne dadhāti| sa viṣvaṅ śrotreṇāmuṣmim̐lloke saṃbhavati

14.5

yatsadasyo jahāti ātmā ha tadyajamānaṃ jahāti
sa yattat karoti svātmānaṃ yajamāne dadhāti | sa
viṣvaḍṅgātmanāmurdhvimaloke saṃbhavati

14.6

yaddhotrāśaṃsino jahatyaṅgāni ha tadyajamānaṃ jahati
te yattat kurvanti svānyaṅgāni yajamāne dadhati | te
viṣvaṅṅgo'ṅgairamurdhvimaloke saṃbhavanti

14.7

yaccamasādhvaryavo jahati lomāni ha tadyajamānaṃ
jahati | te yattat kurvanti svāni lomāni yajamāne
dadhati | te viṣvaṅgo lomabhiramurdhvimalloke saṃbhavanti

14.7-2

yadi camasādhvaryavaḥ svīyaṃ karma ajñānāt tyajanti lomānyeva yajamānaṃ tyajanti | lomāni me camasādhvaryavaḥ (ṣa. brā. 3. 7. 3) ityuktatvāt | samānamanyat

14.8

tasmādevaṃvidvijñe hīnaṃ na kuryāt

14.9

atha vā ata ṛtvijāmeva vijñānam

14.10

paśavo hādhvaryumanu kīrtirhotāraṃ yogakṣemo brahmāṇamātmā ca prajā codgātāram

Linked texts (1)