Shadvamshabrahmana 16
Ṣaḍvaṃśabrāhmaṇa 16
- Language
- Sanskrit
16.1
na manuṣyalokam| atha yaṃ mānuṣā yājayanti manuṣyalokameva
sa tairavarundhe| na devalokam| atha yamubhaye yājayanti
devalokaṃ caiva sa tairavarundhe| manuṣyalokaṃ ca
16.2
sa etān daiva ṛtvijo vṛṇīta agnirme hotādityo
me'dhvaryuścandramā me brahmā parjanyo ma udgātākāśo me sadasya 17
āpo me hotrāśaṃsino raśmayo me camasādhvaryavaḥ
16.3
sa etān daivānṛtvijo vṛtvāthaitān mānuṣān vṛṇīta| ya enamabhirādhnuyuḥ
16.4
atha kṣatriyaṃ devayajanaṃ yācet
16.5
sa cettasmai dadyādevayajanavān bhūyā ityenaṃ brūyāt
16.6
na cettasmai dadyādyadahaṃ devayajanaṃ veda tasmiṃstvā vṛścānītyenaṃ brūyāt
16.6-2
asmai prārthayitre yajamānāya sa rājā devayajanaṃ yadi na dadyāt tarhi
yaddevayajanamahaṃ veda anyato jānāmi vindābhītyarthaḥ | labdhe tasmin deśe tvā
tvāṃ vṛścāni chindānītyenaṃ rājānaṃ brūyāt
16.7
agnirvāva taddevayajanaṃ bhūmirvāva taddevayajanamāpo vāva
taddevayajanaṃ śraddhā vāva taddevayajanam | eteṣu ha vā
enaṃ devayajaneṣvāvṛścatyatho hārtimevāpauruṣeyīṃ neti
16.8
atha tata etyartvijo devayajanaṃ yācet
16.9
agnirme hotā | sa me devayajanaṃ dadātu | hotardevayajanaṃ me dehītyuccaiḥ | ādityo me'dhvaryuḥ | sa me devayajanaṃ
dadātu | adhvaryo devayajanaṃ me dehotyuccaiḥ | candramā me
brahmā | sa me devayajanaṃ dadātu | brahman devayajanaṃ me dehītyuccaiḥ
parjanyo ma udgātā | sa me devayajanaṃ dadātu | udgātadevayajanaṃ me dehītyuccaiḥ | ākāśo me sadasyaḥ | sa me
devayajanaṃ dadātu | sadasya devayajanaṃ me dehītyuccaiḥ | āpo
me hotrāśaṃsinaḥ | te me devayajanaṃ dadatu | hotrāśaṃsino
5 devayajanaṃ me dattetyuccaiḥ | raśmayo me camasādhvaryavaḥ | te me
devayajanaṃ dadatu | camasādhvaryavo devayajanaṃ me dattetyuccaiḥ
16.10
tā vā etā devatā ṛtvijāmeda vāgbhirdevayajanaṃ
dadati | sa datte yajate
16.11
yadunnataṃ bhūmyā anūṣaraṃ yatra bahulā oṣadhayaścātatvālasāriṇyo yatrāpaḥ syustasya nu puraḥ
16.11-2
puraḥ purastādāpo na saṃcaranti taddevayajanaṃ kāryam
16.12
tasya na purastādevayajanamātramatiśiṣyādyāvāñchamyāprāsaḥ
16.13
aparapuruṣā hyasmācchreyāṃso bhavanti yasyaivamatirecayanti
16.14
kāmaṃ dakṣiṇata āgāmukā hainaṃ dakṣiṇā bhavanti
16.15
kāmaṃ paścādaparapuruṣā hāsmācchreyāṃso bhavanti
16.16
10 kāmamuttarata uttarā hainaṃ devayajyopanāmukā bhavati
uttarottaraṇī hāsya śrīrbhavati
16.17
15 yasya purāstāt trīṇi jyotīṃṣi dṛśyeran
agnirāpa ādityastadevayajanaṃ tattriśukriyam
16.18
purastāccitraṃ devayajanam
16.19
5
paścāccitraṃ śmaśānakaraṇam
16.20
prāgudakpravaṇaṃ devayajanam
16.21
15
paścādakṣiṇāpravaṇaṃ śmaśānakaraṇam
16.22
yathā vai dakṣiṇaḥ pāṇirevaṃ devayajanam
16.23
20
yathā savyastathā śmaśānakaraṇam
16.24
yathā śmaśānakaraṇaṃ tathābhicaraṇīyānāṃ devayajanam
16.25
apyu haika evamāhuryasminneva kasmiṃścid deśe
śraddadhāno yajata ṛdhnotyeveti
16.5-2
yāvān yajñe raso bhavati tenāta eva prācīnaṃ
pracaranti | athaitadyātayāmaṃ pariśiṣyate ṛjīṣantanvā[mā]ha
Linked texts (1)
- Ṣaḍviṃśabrāhmaṇa — Sanskrit