Shadvamshabrahmana 18
Ṣaḍvaṃśabrāhmaṇa 18
- Language
- Sanskrit
18.1
pañcamaḥ khaṇḍaḥ
athābhicaraṇīyayajñeṣu ekasyai hiṃkarotītyādyāḥ pañcānuvākāḥ trivṛdādīnāṃ
triṇavaparyantānāṃ viṣṭuticodanāḥ | tatra trivṛttomasyeṣusaṃjñike dve viṣṭutī sta
iti tadvidhāyakaṃ brāhmaṇamevamāmanāyate—
ekasyai hiṃkaroti sa prathamayā | tisṛbhyo hiṃkaroti sa madhyamayā | pañcabhyo hiṃkaroti sa uttamayā | ekasyai hiṃkaroti
sa prathamayā | tisṛbhyo hiṃkaroti sa parācībhiḥ | pañcabhyo
hiṃkaroti sa ekayā sa ekayā sa tisṛbhiḥ | iṣustrivṛto
viṣṭutiḥ
18.2
abhicarannastuvīta
18.3
anīkaṃ prathamā | iṣurdhanurjyā yattisraḥ saṃdadhāti, tryeva
pañcabhiḥ sṛjate
18.4
stṛṇute bhrātṛvyaṃ vasīyānātmanā bhavati ya etayā stute
18.1-2
ṣaṣṭhaḥ khaṇḍaḥ
tisṛbhyo hiṃkaroti | sa parācībhistisṛbhyo
hiṃkaroti | sa parācībhirnavabhyo hiṃkaroti | sa tisṛbhiḥ
sa tisṛbhiḥ sa tisṛbhiḥ
18.2-2
abhicarantastuvīta
18.3-2
vajro vai trivṛt | vajrastriṇavaḥ | yattrivattriṇavābhyāṃ
pañcadaśaṃ vidadhāti | vajrameva tatsamyak saṃdadhāti
18.4-2
5 evamiva vai vajraḥ sādhuḥ | yadāraṃbhaṇato'ṇīyān
praharaṇataḥ sthavīyān
18.5
tena pāpmānaṃ bhrātṛvyaṃ stṛṇute | vasīyānātmanā
bhavati ya etayā stute
Linked texts (2)
- Ṣaḍviṃśabrāhmaṇa — Sanskrit
- Vaidikakośa (Haṃsarāja) — Haṃsarāja, Sanskrit