Shadvamshabrahmana 2
Ṣaḍvaṃśabrāhmaṇa 2
- Language
- Sanskrit
2.1
dvitīyaḥ khaṇḍaḥ
atha yatra subrahmaṇyaḥ subrahmaṇyāmāhvayatyetasmin ha
5 kāle'surarakṣāṃsi devānāṃ yajñamajighāṃsan
2.2
te devā nihavamevā(0vām ?)kurvata brahmo'm subrahmo'm
13 iti
2.3
5 tānādityaḥ parjanyaḥ purobalāko bhūtvābhiprait| tān vṛṣṭyāśanyā vidyutāhan
2.4
14 tadāhuḥ strī subrahmaṇyā3pumā3nnapuṃsakā3miti
2.5
5 sarvameveti brūyāt
2.6
yatparjanyaḥ purobalāko bhūtvābhipraittena pumān
10 yad vṛṣṭyā yadaśanyā tena strī| yadvidyutā tena napuṃsakam
tasmāt sarvameveti brūyāt
2.7
tadāhurṛk brahmaṇyā3 yajū3ssāmā3 iti| sarvameveti
brūyāt| ṛca ivāsyā nāmadheyaṃ brahmaṇyeti| tasmādṛk
mantra eva khalvayaṃ nigadabhūto bhavati| tasmādyajuḥ
sāmakāriṇaḥ kurvanti yathānyaiḥ sāmabhiḥ| tasmāt sāma
tasmāt sarvameveti brūyāt
2.8
tadvā etatsubrahmaṇyāmāhūya yajamānaṃ vācayati
rakṣasāmapahatyai
2.9
sāsi subrahmaṇye tasyāste pṛthivī pāda ityāha
yānyeva pṛthivyāmasurarakṣāṃsi tānyeva tenāpahate | sāsi
subrahmaṇye tasyāste'ntarikṣaṃ pāda ityāha | yānyevāntarikṣe'surarakṣāṃsi tānyeva tenāpahate | sāsi subrahmaṇye tasyāste
dyauḥ pāda ityāha | yānyeva divyasurarakṣāṃsi tānyeva
tenāpahate | sāsi subrahmaṇye tasyāste diśaḥ pāda ityāha
yānyeva dikṣvasurarakṣāṃsi tānyeva tenāpahate | parorajāste
pañcamaḥ pāda ityāha | paraṃ rajaso vai brahmaṇaḥ sthānam | tadetadāha
sā na iṣamūrjaṃ dhukṣvetyāha | iṣamevāsmā ūrjaṃ dugdhe | vīryamannādyaṃ
dhehītyāha | vīryamevāsmā annādyaṃ dadhāti
2.10
brahmaśrīrvai nāmaitat sāma yatsubrahmaṇyā tasmāt prātaranuvāka upākṛte visaṃsthite ca yajñe subrahmaṇyaḥ subrahmaṇyāmāhvayati
2.11
eṣa vai brahma subrahma cāpnoti ya etadano yuktaṃ
subrahmaṇyāya dadāti
2.12
brahmaṇā caivāsya śriyā ca yajñaṃ samarddhayati ya evaṃ veda
2.13
atho khalvāhuryaccāvagataṃ yaccānavagataṃ sarvasyaiṣaiva prāyaścittiriti
tasmādevaṃvidaṃ subrahmaṇyaṃ kurvīta nānevaṃvidam
Linked texts (2)
- Ṣaḍviṃśabrāhmaṇa — Sanskrit
- Vaidikakośa (Haṃsarāja) — Haṃsarāja, Sanskrit