Shadvamshabrahmana 20
Ṣaḍvaṃśabrāhmaṇa 20
- Language
- Sanskrit
20.1
yasya niḥśvasitaṃ vedā yo vedebhyo'khilaṃ jagat
nirmame tamahaṃ vande vidyātīrthamaheśvaram
20.1-2
svarāntaḥ prathamatrirātro gāyatrī
20.2
prāyaśo gāyatratvāt prāṇaḥsavanasya tadubhayaṃ praśaṃsati—
prāṇo vai gāyatrī | prajāpatiḥ svaraḥ | prajāpatimevāpnoti
20.3
dvitīyatrirātradharmamāha—
nidhanānto dvitīyastriṣṭup
20.4
tadubhayaṃ praśaṃsati—
vīryaṃ vai triṣṭup | traiṣṭubhaḥ puruṣaḥ [nidhanam]
puruṣamevāpnoti
20.5
iḍāntastṛtīyo jagatī
20.6
paśavo vā iḍā| paśavo jagatī| jāgatāḥ paśavaḥ| paśūnevāpnoti
20.7
prasṛtacchandāḥ prathamatrirātraḥ| tena so'yātayāmā
20.8
athottarasya cchandāṃsi vyūhanti| triṣṭubhaḥ pratipado bhavanti| triṣṭubhāṃ loke jagatyo jagatīnāṃ gāyatrastena so'yātayāmā
20.9
athottamasya cchandāṃsi vyevohanti | jagatyaḥ
pratipado bhavanti | jagatīnāṃ loke triṣṭubhaḥ | triṣṭubhāṃ
gāyatryaḥ | teno eva so'yātayāmā
20.10
api vā etā anyonyasyai lokamabhyadhyāyan
kāmamevainā gamayati | āpnoti taṃ kāmaṃ yasmai kāmāyaiṣa
āhriyate
20.11
tasmādyujau na sadgṛhatastasmādvipariṇītau vahīyāṃsau
bhavatastasmādubhayatodantaḥ syadante
20.12
tṛce vā anya ṛṣayo virājamapaśyan | vasiṣṭhaśca
caturuce
20.13
na tena sa caturṛcaḥ | yattṛce'nyat sāma bhavati
ekarce'nyadyadāva | catasṛṣvekaṃ sāma sa eva caturṛcaḥ
20.14
sāma bhūyāṃsaṃ poṣaṃ puṣyati | tamanu poṣaṃ poṣuko bhavati
20.15
etaddha smāha muñjaḥ sāmaśravasaḥ etaṃ ha vai vayaṃ sāmnaḥ
poṣaṃ trijeti tasmādyamapratigṛhṇanto na sahasrapoṣāccyavāmahā iti
20.16
5 tadu ha smāha vāsiṣṭhaścaikitāneyaḥ | sāma ha vai nūnaṃ
bhūyāṃsaṃ poṣaṃ puṣyati | tamanupoṣaṃ poṣuko bhavati
vidhavāyā iva tve(ivetye ?) vaitajjanma yadasāmnī caturthī | evaṃ ha
vā ete viduriti | tasmādeteṣāṃ yuvānaḥ śrotriyāḥ purāyuṣaḥ
pramāyukā bhavanti | yuvatayo jāyā vidhavā bhavanti iti
10 yattṛce'nyatsāma bhavatyekarce'nyaddvāva catasṛṣvekaṃ sāma sa
eva caturcaśca iti
20.17
paśuratiricyate sa aindrāgnam ālabhyaḥ
20.18
indrāgnī vai devānāmojiṣṭhau tā u ayātayāmānau
tāveva tadyunakti svargasya lokasya samaṣṭayai
20.19
sauryaṃ brahmavarcasakāma ālabheta
20.20
etasyāṃ vā ekādaśinyāmādityāḥ sūryamajanayan
sa tejo brahmavarcasamavarundhate | ojasvī brahmavarcasī
bhavati | ya evaṃ veda
20.21
atho khalvāhurāgneya evālambhya iti | agnirvai sarvā
devatāstena na devatānāṃ kāṃcanāntareti
Linked texts (1)
- Ṣaḍviṃśabrāhmaṇa — Sanskrit