Shadvamshabrahmana 27
Ṣaḍvaṃśabrāhmaṇa 27
- Language
- Sanskrit
27.1
vedārthasya prakāśena tamo hārdaṃ nivārayan
pumarthāṃścaturo deyādvidyātīrthamaheśvaraḥ
prajāpatistapo'tapyata | tasya ha vai tapyamānasya
manaḥ prājāyata devān sṛjeyamiti | ta ime devā asṛjyanta
divā devānasṛjata | naktamasurān | yadivā devānasṛjata
taddevānāṃ devatvam | yadasūryaṃ tadasurāṇāmasuratvam | yat
pītatvaṃ tatpitṝṇāṃ pitṛtvam
27.2
5 devā vai svargakāmāstapo'tapyanta | teṣāṃ tapyamānānāṃ raso'jāyata | pṛthivyantarikṣaṃ dyauriti | te'bhyatapan | teṣāṃ tapyamānānāṃ raso'jāyata | ṛgvedaḥ pṛthivyā yajurvedo'ntarikṣāt sāmavedo'muṣmāt | te'bhyatapan | teṣāṃ tapyamānānāṃ raso'jāyata | ṛgvedādgārhapatyo yajurvedādakṣiṇāgniḥ
10 sāmavedādāhavanīyaḥ | te'bhyatapan | teṣāṃ tapyamānānāṃ puruṣo'jāyata | sahasraśīrṣaḥ sahasrākṣaḥ sahasrapāt
27.3
te devāḥ prajāpatimupādhāvan vedaśarīrairvā idamamṛtaśarīraṃ na ha vā idaṃ mṛtyoḥ samāpsyata iti te'bruvan ko
nāmāsī(se ?)ti
27.4
sa hovāca yajño nāmeti
27.5
15 teṣāṃ prajāpatiḥ sadyoyajñasaṃsthāmupaiti| sadyo ha vā
16 eṣa yajñaḥ saṃsthāmupaiti
27.6
yadgārhapatyaṃ prāduṣkaroti sā dīkṣaṇīyā | yaddakṣiṇāgniṃ cāhavanīyaṃ ca sā prāyaṇīyā | yatsamidho'bhyādadhāti tā upasadaḥ
27.7
atha yasyājyamutpūtaṃ skandati | sā vai skannā nāma āhutiḥ | tato vai yajamānaḥ pramāyurbhavati | varo deyaḥ | saiva tasya prāyaścittiḥ
27.7-2
saṃskṛtam ājyaṃ skandati pātrāt sā vai saiva skannā nāma skannarūpā
āhutirbhavatīti | tato vai skannāhutyā yajamānaḥ pramāyurbhavati maraṇaśīlo
dakṣiṇā tasya ājyaskandasya prāyaścittiḥ
tyāhurbrahmavādinaḥ
27.8
atha yasyājyamanutpūtaṃ skandatyasau vā askannā
nāma āhutiḥ | tato vai yajamānasya cittaṃ pramāyurbhavati
citraṃ deyaṃ saiva tasya prāyaścittiḥ
27.9
yadgārhapatye juhoti tatprātaḥsavanam | yadakṣiṇāgnau
juhoti tanmādhyaṃdinaṃ savanam | yadāhavanīye juhoti
tattṛtīyasavanam
27.9-2
gārhapatye agnau juhotīti yattadeva prātaḥsavanam | prāthamyasāmyāt
evamanyadapi
27.10
yanmārjayate so'syāvabhṛthaḥ
27.11
yadannā dadāti tena udayanīyasyodavasānīyasya
samāptyai
27.12
atha yasyāgnirmathyamāno na jāyetānyamāhṛtyāsminnavakāśe juhuyāt brāhmaṇasya vā haste'jasya vā karṇe
kuśastambe vāpsu vā juhuyāt
27.13
anyaiḥ śatahutān homānekaḥ śiṣyahuto varama
śiṣyaiḥ śatahutān homānekaḥ putrahuto varama
putraiḥ śatahutān homāneko hyātmahuto varama
27.14
5
svayaṃ hotā svayaṃ dohī svayamevopatiṣṭhetāgnihotram
27.15
10
homyaśeṣaṃ dakṣiṇā
27.16
15
athoktamagnihotraṃ praśaṃsati—
sarvairhaiṃ vā etasya yajñakratubhiriṣṭaṃ bhavati | ya evaṃ
vidvānagnihotraṃ juhoti
Linked texts (1)
- Ṣaḍviṃśabrāhmaṇa — Sanskrit