Pramāṇa · Search · About · API

Shadvamshabrahmana 31

Ṣaḍvaṃśabrāhmaṇa 31

Language
Sanskrit

31.2

10
svāhā vai kutaḥ saṃbhūtā? kasya duhitā? kena prakṛtā?
svāhā vai satyasaṃbhūtā | brahmaṇo duhitā
brahmaprakṛtā | lātavyasagotrā | trīṇyakṣarāṇi | ekaṃ padam
pṛthivīmantarikṣeṇa viparyeti | tasyā agnirdaivatam | brāhmaṇo rūpam | yatkāmāste juhumastanno astu | vayaṃ syāma patayo rayīṇām | svāheti

31.2-2

vaṣaṭkārabhūtā satī prayujyate | saiva svadhābhūtā pitṛyajñeṣu prayujyate
ityāśrayanirūpaṇam | śakaṭīmukhīṃ pṛthivīm adhiṣṭhāya antarikṣeṇa
[antarikṣa] mārgeṇa viparyeti | svāhā sarvaṃ svargādiphalaṃ prāmotīti[arthaḥ] | tasyāḥ
svāhāyāḥ agnirdaivataṃ agnireva devatā | rūpaṃ brāhmaṇaḥ | tatprādhānyāt | he
prajāpate ! tvatto'nyaḥ kaścit sarvāṇi bhuvanāni paribhavituṃ na śaknoti | ataste
tubhyaṃ vayaṃ yatkāmā yatphalaṃ vāmayamānāḥ juhuma tat phalaṃ no'smākam
astu | kiṃ ca | vayaṃ rayīṇāṃ dhanānāṃ patayaḥ syāma bhavema | svāhetyenena
svāhāyāḥ prajāpatiparigraho darśitaḥ

31.3

yathoktarūpāṃ svāhāṃ praśaṃsati—
tasyānu tṛptiṃ tṛpyati prajayā paśubhirannādyena tejasā
brahmavarcaseneti

31.1

vedārthasya prakāśena tamo hārdaṃ nivārayan
pumarthāṃścaturo deyādvidyātīrthamaheśvaraḥ
yasya niḥśvasitaṃ vedā yo vedebhyo'khilaṃ jagat
nirmame tamahaṃ vande vidyātīrthamaheśvaram
athāto'dbhutānāṃ karmaṇāṃ śāntiṃ vyākhyāsyāmaḥ

31.2-3

pālāśānāṃ samidhāmaṣṭasahasraṃ juhuyāt

31.3-2

15
aindra-yāmya-vāruṇa-dhānada-āgneya-vāyavya-saumya-vaiṣṇavyetyaṣṭau

31.4

indrāyendo marutvate (sā. 462), nāke
suparṇamupa yatpatantam (sā. 320), ghṛtavatī bhuvanānām
(sā. 378), abhi tyaṃ devaṃ savitāramoṇyoḥ (sā. 464),
agniṃ dūtaṃ vṛṇīmahe (sā. 3), vāta ā vātu bheṣajam
(sā. 184), somaṃ rājānaṃ varuṇam (sā. 91) idaṃ
viṣṇurvicakrame (sā. 222) iti

31.5

etāni sāmaprabhṛtyaṣṭaśataṃ japitvā svasti vācayitvā
svasti haiṣāṃ bhavati

31.6

svastidā viśaspatiḥ (ṛ. ve. 10.152.2)
svastyayanaṃ tārkṣyamariṣṭanemiṃ (ṛ. ve. khi. 2.4.1) tyamaṣū 5
vājinaṃ devajūtam (ṛ. ve 10.178.1) āyurviśvāyuḥ
(ṛ. ve. 10.17.4) śataṃ jīva śarado vardhamāna (ṛ. ve.
10.161.4) iti

31.7

etaiḥ saṃbhārāṇāmupasthāpanaṃ kṛtvā svasti vācayitvā
svasti hāsya bhavati | svasti hāsya bhavati

Linked texts (4)