Pramāṇa · Search · About · API

Shadvamshabrahmana 32

Ṣaḍvaṃśabrāhmaṇa 32

Language
Sanskrit

32.1

devāśca vā asurāścaiṣu lokeṣvaspardhanta | te devāḥ
5 prajāpatimupādhāvan | tebhya etāṃ daivīṃ śāntiṃ
prāyacchat

32.2

te tataḥ śāntīkā asurānabhyajayaṃstato devā
abhavan | parāsurā bhavatyātmanā parāsya bhrātṛvyo bhavati
ya evaṃ veda

32.2-2

tato devāḥ śatrukṛtopadravarahitā abhavan | asurāstu parābhūtā āsan
kiṃ ca, ya evamuktaprakāreṇa veda tasyāsya bhrātṛvyaḥ śatruḥ ātmanā svenaiva parāmavati

32.3

atha pūrvāhṇa eva prātarāhutiṃ hutvā darbhāñchamīṃ 5
vīraṇān dadhi sarpiḥ sarṣapān phalavatīmapāmārgaṃ śirīṣamityetānyāharedāhārayedvā snātaḥ prayataḥ śuciḥ śucivāsāḥ sthaṇḍilamupalipya prokṣya lakṣaṇamullikhyādbhirabhyukṣyāgnimupasamādhāya nityatantreṇaudanakṛsarayavāgūraktapāyasa- 10
dadhikṣīraghṛtapāyasaghṛtamiti ghṛtottarāḥ pṛthak caravaḥ sarve
sarveṣāṃ vā pāyasaḥ

32.1-2

tṛtīyaḥ khaṇḍaḥ
sa prācīṃ diśamanvāvartate

32.2-3

atha yadāsya maṇimaṇikakumbharathālīdaraṇamāyāso rājakulavivādo vā yānacchatraśayyāsanāśvasathadhvajapatākāgṛhaikadeśaprabhañjaneṣu gajavājimukhyā vāpramīyāḥ pramīyanta ityevamādīni tānyetāni sarvāṇīndradevatyānyadbhutāni prāyaścittāni bhavanti

32.3-2

indrāyendro marutvate (sā. 472) iti sthālīpākaṃ hutvā pañcabhirājyāhutibhirabhijuhoti | indrāya svāhā, śacīpataye svāhā, vajrapāṇaye svāhā, īśvarāya svāhā, sarvapāpaśamanāya svāhā iti vyāhatibhirhutvātha sāma gāyeta

32.1-3

sa dakṣiṇāṃ diśamanvāvartate

32.2-4

atha yadāsya prajāyāṃ paśuṣu śarīre vāriṣṭhāni
prādurbhavanti | vyādhayo vā anekavidhā atisvapnamasvapnamatibhojanamabhojanamālasyaṃ vraṇamajīrṇanidrā[jāgarā]ṇītyevamā- 10
dīni | tānyetāni sarvāṇi yamadevatyānyadbhutāni
prāyaścittāni bhavanti

32.3-3

nāke suparṇam (sā. 320) iti sthālīpākaṃ hutvā pañcabhirājyāhutibhirabhijuhoti | yamāya svāhā, pretādhipataye svāhā, daṇḍapāṇaye svāhā, īśvarāya svāhā, sarvapāpaśamanāya svāhā, iti vyāhṛtibhirhutvātha sāma gāyet

32.1-4

sa pratīcīṃ diśamanvāvartate

32.2-5

atha yadāsya kṣetragṛhasaṃstheṣu dhānyeṣvītayaḥ prādurbhavanti | ītayo vānekavidhāḥ— ākhu-pataṅga-pipīlikā-madhuvaka-bhaumaka-śuka-śarabhaka-saukṣmaka ityevamādīni | tānyetāni sarvāṇi varuṇadevatyānyadbhutāni prāyaścittāni bhavanti

32.2-6

kṣudrajantavaḥ| śukāḥ kīrāḥ| śaramakāḥ prasiddhāḥ| saukṣmakāḥ sūkṣmasaṃbandhijantavaḥ| ityevamādīni ativṛṣṭayādīni| tānyetāni sarvāṇyadbhutāni varuṇadevatyāni prāyaścittāni prāyaścittanimittāni bhavanti

32.3-4

ghṛtavatī (sā. 378) iti sthālīpakaṃ hutvā pañcabhirājyāhutibhirabhijuhoti varuṇāya svāhā, apāṃ pataye svāhā, pāśapāṇaye svāhā, īśvarāya svāhā, sarvapāpaśamanāya svāhā iti vyāhṛtibhirhutvātha sāma gāyet

32.1-5

ghṛtavatī bhuvanānāmabhiśriyorvī pṛthvī madhudughe supeśasā
dyāvāpṛthivī varuṇasya dharmaṇā viṣkabhite ajare bhūriretasā
ṣaṣṭhaḥ khaṇḍaḥ
sa udīcīṃ diśamanvāvartate

32.2-7

atha yadāsya kanakarajatavaravastravajravaiḍūryamuktāmaṇiviyogo bhavati | ārambhā vā vipadyante | athavā anyāni 10
krūrāṇi mitrāṇi vā virajyante | ariṣṭāni vā vayāṃsi
gṛhamadhyāsante | vālmīkabhaumāni vā jāyante | chatrākaṃ
vopajāyate | madhūni vā nilīyante | ityevamādīni
tānyetāni sarvāṇi vaiśravaṇadevatyānyadbhutāni prāyaścittāni
bhavanti

32.15

atha punarasya puruṣasya yadā kanakādibhyo viyogo bhavati

Linked texts (3)