Shadvamshabrahmana 4

Ṣaḍvaṃśabrāhmaṇa 4

Language: Sanskrit

4.1

adhvaryavityāhodgātā mā sma me'nivedya hotre prātaranuvākamupākaroriti

4.3

sa hūto vrajati sa pūrvayā dvārā havirdhāne prapadyate

4.4

sa dakṣiṇasya havirdhānasyottaraṃ cakramabhyapaśrayamāṇa
udṅṅāsīno viśvarūpā gāyati

4.5

kṣatraṃ vai stotraṃ viṭ śāstraṃ kṣatreṇaivāsmai viśamanu
vīryamanu vartmānaṃ karotyatho stutaśāstrayoreva samārambhāyāvyavasaṃtāya saṃtatyai

4.6

etaddha smāha glāvo maitreyaḥ prāhṇe vā adyāhaṃ
pāpavasīyasaṃ vyākariṣyāmīti sa ha sma sadasyevopavasathye'hanyudaṅṅāsīno viśvarūpā gāyati

tadupavādo'syādhvaryo kiṃ stutaṃ stotraṃ hotā prātaranu-vākenānvaśaṃsīditi sa brūyādakārṣamahaṃ tadyanmama karma hotāraṃ pṛcchateti| hotaḥ kiṃ stutaṃ stotraṃ prātaranuvākenānvaśaṃsīriti sa brūyādakārṣamahaṃ tadyanmama karma udgātāraṃ pṛcchateti| udgātaḥ kiṃ stutaṃ stotraṃ hotā prātaranuvākenānvaśaṃsīditi sa brūyādakārṣamahaṃ tadyanmama karmāgāsiṣaṃ yadveyamiti

4.8

taṃ ced brūyustamo vai tvamagāsīrna jyotiriti

4.9

sa brūyājjyotistena yena jyotiḥ jyotistena yenajyotistena yena gāyatrī jyotistena yena chando jyotistena
yena sāma jyotistena yena devatā jyotirevāhamagāsiṣaṃ
na tamo yuṣmām̐stu pāpmanā tamasā vidhyānītyāha
pāpmanaivaināṃstattamasā vidhyati

4.10

yuñje vācaṃ śatapadīm (sā. 1829) ityāha
vāgvāva śatapadyṛk śatapadī śatasanimeva tadātmānaṃ ca
yajamānaṃ ca karoti

4.11

10
gāye sahasravartanīti sāma vai sahasravartani sahasrasanimeva tadātmānaṃ ca yajamānaṃ ca karoti

4.12

17
gāyatraṃ traiṣṭubhaṃ jagaditi gāyatraṃ vai prātaḥsavanaṃ traiṣṭubhaṃ mādhyaṃdinaṃ savanaṃ jāgataṃ tṛtīyasavanaṃ savanānyeva tadyathāsthānaṃ yathārūpaṃ kalpayati

4.13

viśvā rūpāṇi saṃbhṛtā (sā. 1830ᵇ) iti viśvameva taddhittamātmane ca yajamānāya ca saṃbharati

4.13-2

vittam ātmane ca yajamānāya ca saṃbharati udgātā saṃpādayati

4.14

devā okāṃsi cakrire iti

4.15

oko hāsmin yajñaḥ kurute ya evaṃ veda

4.16

asitamṛgā ha sma vai purā kaśyapā udgāyantyatha ha
yuvānamanūcānaṃ kusurubindamauddālakiṃ brāhmaṇā udgīthāya
vavre | te hocuḥ pari vai no'yamārtvijyamādatte hantemamanuvyāharāmeti taṃ hānuvyāhariṣyanta upaniṣeduḥ | sa hovāca
brāhmaṇā namo vo astu prāche vā ahaṃ yajñaṃ samasthāpayaṃ
yathā tu vai grāmasya yātasya śīrṇaṃ vā bhagnaṃ vā anu
samāvahedevaṃ vā ahaṃ yajñasyāto'dhikariṣyārmīti | te ha
hiṃkṛtyocasthuḥ ka idamasmā avocaditi

4.16-2

audālakim uddālakasyāpatyaṃ kusurubindanāmānamṛṣiṃ brāhmaṇāḥ kecidudgīthāya udgīthabhaktigānāya vavre vavarire vṛtavantaḥ| tataḥ te brāhmaṇā ūcuḥ
parasparamevamavocan kila| ayaṃ kusurubindaḥ naḥ asmākam ārtvijyam
ṛtvikkarma paryāpta eva| hanteti praśne| imaṃ kusurubindam anuvyāharāmaḥ
yatkiṃcit pṛcchāma iti| te punaḥ anuvyāhariṣyantaḥ santaḥ
tamupaniṣeduḥ samīpaṃ prāptāḥ| sa punasteṣāmabhiprāyaṃ jñātvā evamuvāca—he
brāhmaṇāḥ! vaḥ yuṣmabhyaṃ namaḥ namaskāraḥ astu| prāhṇe vai prātareva ahaṃ yajñaṃ
samasthāpayaṃ parisamāpayāmi| yathā tu vai yathā tu khalu yātasya gatasya
grāmasya śīrṇaṃ kīṭānupahataṃ vāhanaṃ vā gṛhādikaṃ vā bhagnam anusamādadhet
(vahet?)| kaścit samarthaḥ samādadhīta evaṃ vai evameva ahaṃ yajñasya
atoḥ vaikalyaparihārāya| anena yajamānena adhikariṣyāmi niyukto'smīti
tenoktāste brāhmaṇāḥ asmai kusurubindāya idam asmanmanasi sthitam
abhiprāyajātaṃ kaḥ khalu atrocaditi bruvāṇāḥ hiṃkṛtya hiṃkāraṃ kṛtvā
uttasthuriti| itiśabdo vākyasamāptidyotanārthaḥ

Linked texts (1)

Ṣaḍviṃśabrāhmaṇa — Sanskrit