Pramāṇa · Search · About · API

Shadvamshabrahmana 6

Ṣaḍvaṃśabrāhmaṇa 6

Language
Sanskrit

6.1

ye virājamatiyajante virājameva ta īpsanto'muṣmin
loke śrāmyanti | atha ya enāmarvāgdabhnuvanti virājameva ta
īpsanto'muṣmin loke śrāmyanti | teṣāṃ tathā śrāmyatāṃ sukṛtaṃ 5
kṣīyate | na hi tadamuṣmin loke śaknuvanti yadasmāllokādkṛtvā prayanti

6.2

etaddha smāhodālaka āruṇiḥ kathaṃ te yajeran kathaṃ
vā yājayeyuryaiṃ yajñasya vyṛddhena na nandanti| nandanti
yatsamṛddheneti

6.3

ahaṃ vāva kāle yajeya | ahaṃ kāle yājayeyam | yo'haṃ
yajñasya vyṛddhena na nandāmi | nandāmi yatsamṛddheneti

6.4

api ha svādeva kāmādyajñasya vyṛrddhayati | bhūyasīrupāpsyāmi bhiṣakkṛtvā

6.5

etadgha sma vai tadvidvānāha— yāvaddhā ṛcā hotā
karoti hotṛṣveva tāvadyajñaḥ | yāvadyajuṣādhvaryuradhvaryuṣveva 15
tāvat | yāvatsāmnodgātodgātṛṣveva tāvad | brahmaṇyeva
tāvadyajño yatroparatāḥ

6.6

tasmāttasminnantardhau brahmā vācaṃyamo bubhūṣet

6.7

sa yadi pramatto vyāharedetā vā vyāhṛtīrmanasānudravet | bhūrbhuvaḥsvariti

6.8

vaiṣṇavīṃ varcam 'idaṃ viṣṇurvicakrame' (sā. 222)

6.9

rājño ha mitrasya markaṭo'śūnādāya vṛkṣamāpupluve

6.10

sa hāruṇirāhutimudyatyovāca punaḥ vainānivapsyasyato
vāva mṛto'vapatsyasa iti

6.11

sa hovāca kiṃ hoṣyasīti

6.12

prāyaścittamiti

6.13

kiṃ prāyaścittamiti

6.14

sarvaprāyaścittamiti

6.15

kiṃ sarvaprāyaścittamiti

6.16

mahāvyāhatīreva maghavanniti

6.17

sa hovācom āruṇe yadāhutimanūciṣe kathaṃ nu vidāṃcakartha markaṭo'śūnādatteti

6.18

sa hovāca yaccāvagataṃ yaccānavagataṃ sarvasyaiṣaiva prāyaścittiriti

6.19

tasmādetāmeva juhuyāt

6.19-2

yasmādevaṃ tasmāt etāṃ mahāvyāhṛtimeva sarvaprāyaścittārthaṃ
juhuyāt

6.20

api vājñātaṃ yadanājñātaṃ yajñasya kriyate mithyagne
kalpaya tvam | hi vettha yathāyathaṃ svāheti | api vā
prājāpatyāṃ prajāpate na tvadetānyanyo viśvā jātāni paritā
babhūva | yatkāmāste juhumastanno astu vayaṃ syāma patayo
rayīṇāṃ svāheti | tadvā ātmānaṃ ca yajamānaṃ ca svena
rasena samarddhayati

6.21

atha yadvai kiṃca yajñe mṛnmayaṃ bhidyeta tadabhimṛśet,
bhūmirbhūmimagānmātā mātaramapyagād | bhūyāma putraiḥ paśubhiryo'smān dveṣṭi sa bhidyatāmiti | tadvā ātmānaṃ ca yajamānaṃ
ca svena rasena samarddhayati

Linked texts (1)