Shadvamshabrahmana 7

Ṣaḍvaṃśabrāhmaṇa 7

Language: Sanskrit

7.1

saptamaḥ khaṇḍaḥ
ghnantīva vā etatsomaṃ rājānaṃ preva mīyate
yadenamabhiṣuṇvanti tasyaitāmanustaraṇīṃ kurvanti yatsaumyaṃ
carum | tasmāt puruṣāya puruṣāyānustaraṇī kriyate

7.3

yo'lamannādyāya sannathānaṃ nādyādakṣiṇārdhaṃ sadaso
gatvaitaṃ saumyātiśeṣaṃ prāśnīyāt | janaṃ vā etasmādannādyaṃ
krāmati | yo'lamannādyāya sannathānaṃ nāsti jano'smātpitaro
janyenaivānnenānnamatti | annādo bhavati

7.1-2

prajāpatirakāmayata bahuḥ syāṃ prajāyeyeti | sa etāṃ
retasyāmṛcaṃ sāmnā pracchannāmagāyat | yadṛcamasānnīmagāsyadasthyamāṃsamajaniṣyata | yatsāmānṛcaṃ māṃsamanasthikamajaniṣyata ṛcaṃ sāmnā pracchannāṃ gāyati | tasmāt puruṣaḥ pracchanno
māṃsena tvacā lomnā jāyate

7.2-2

retasyāyāṃ trirudgṛhṇāti

7.3-2

tatpraśaṃsati—
traya ime lokā eṣāṃ lokānāmavaruddhyai tribhyaśca retaḥ sicyate

7.4

na hiṃkuryāt

7.5

vajro vai hiṃkāro balamiva reto yaddhiṃkuryāddhuṅkeṇa hiṃkāreṇa retaḥ siktaṃ vicchindyāt

7.6

niyamāntaramāha—
retasyā [gāyatrī] chandasā| prājāpatyā devatayā
sarvametayā dhyāyan gāyet| sarvaṃ hīdaṃ retaḥ

7.7

dvitīyāṃ gāyati

7.8

tasyā dve akṣare saśayanī vyatiṣajati| madhyamasya
ca pādasthottamamuttamasya ca prathamam

7.9

vyatiṣaktau prāṇāpānau prajā dadhataḥ

7.10

gāyatrī chandasāmeyī devatayā| pṛthivīmetayā dhyāyan
gāyet

7.11

tṛtīyāṃ gāyati

7.12

tāṃ balavadivoraseva gāyati

7.13

tasyā dve uttamārdhe'kṣare dyotayati

7.13-2

brāhmaṇaṃ bhavati ye ūrdhvaṃ hiṃkārāt nirbryāditi gautamaḥ ṣāghā iti dhānaṃjayyaḥ (21.3.21.23; lā 7.12.69) iti | śaṃ rājan (sā. 6539) ityarthe hiṃkārādūrdhvaṃ yadakṣaradvayaṃ tanniruktaṃ geyamiti gautamasya matam | hiṃkārāt pūrvaṃ ṣāghā ityakṣaradvayaṃ niruktaṃ geyamiti dhānaṃjayyamatamiti