Shadvamshabrahmana 8
Ṣaḍvaṃśabrāhmaṇa 8
- Language
- Sanskrit
8.1
dvitīyaḥ khaṇḍaḥ
tā vā etā devalokāya yujyante yatparācyaḥ
8.2
pratīcyo manuṣyalokāya
8.3
eṣa vāva jāta eṣo'valuptajarāyureṣa ārtvijīno yasya dhuro gīyante yaścaivaṃ vidvān dhuro gāyati | jātamevainamannādyāya parivṛṇakti | ubhāvannamatta udgātā ca yajamānaśca
8.4
yā prathamā tāmannādyaṃ dhyāyan gāyet
8.5
retasa eva tatsiktāyānnādyaṃ pratidadhāti
8.6
na hiṃkuryāt
8.7
yaddhiṃkuryādrudreṇa hiṃkāreṇa retasiktaṃ vicchindayāt
8.8
retasyā chando yujyate | mano dhīyate
8.9
yā dvitīyā tāṃ gāyatrīmāgāṃ gāyaṃstasyā dve akṣare saśayanī vyatiṣajati | madhyamasya ca padasyottamamuttamasya ca
prathamam| vyatiṣaktau prāṇāpānau prajā dadhato gāyatrī chando
yujyate| prāṇāpānau dhīyete
8.10
yā tṛtīyā tāṃ triṣṭubhamāgāṃ gāyaṃstasyā dve
uttamārdhe'kṣare dyotayati| cakṣureva tadyunakti| tasmādirūpaṃ
cakṣuḥ kṛṣṇamanyacchukramanyat triṣṭup chando yujyate| cakṣuṣī
dhīyete
8.11
yā caturthī tāṃ jagatīmāgāṃ gāyaṃstasyāścatvāryuttamārdhe'kṣarāṇi dyotayati| śrotrameva tadyunakti
tasmāduktaṃ śrotram| śrotre dve pratiśravaṇe he| tasmādapi
parāṅ yan pratyaṅ śṛṇoti| jagatī chando yujyate| śrotre
dhīyete
8.12
yā pañcamī tāmanuṣṭubhamāgāṃ gāyaṃścaturdhā vyābṛjya gāyet | caturdhā vā idaṃ puruṣo vīryāya vikṛto jāyate | vīryāyaivaināṃ tadvyābṛjya gāyati | uccāvacāmiva gāyet | uccāvacaiva hi vāk | saṃkṣutyeva gāyet | saṃkṣutyeva hi vācaṃ puruṣo vadati | anuṣṭup chando yujyate | vāg dhīyate
8.13
yā ṣaṣṭhī tāṃ paṅktimāgāṃ gāyaṃstasyā dve dve akṣare
udāsaṃ gāyatyāṣaḍbhyo'kṣarebhyaḥ | ṣaḍṛtavaḥ ṛtuṣveva
pratitiṣṭhati | paṅktirucchando yujyate | samānodānau
dhīyete
8.14
saditi prathamāyā dhuro nidhanam | retaso hyadhi
sajāyate
8.15
samiti dvitīyāyāḥ | retaso hyadhi saṃbhavaḥ
8.16
svariti tṛtīyāyāḥ | pra svargaṃ lokaṃ jānāti
8.17
iḍeti caturthyaḥ| paśavo vā iḍā| paśuṣveva pratitiṣṭhati
8.18
vāgiti pañcamyāḥ| sarvā asmin puṇyā vāco vadanti
8.19
ya evaṃ veda
8.20
yā prathamā tāmāyacchanniva gāyet| āyata iva hyayamavāṅ prāṇaḥ
8.21
yā dvitīyā tāṃ ghoṣiṇīmiva gāyet| ghoṣīva hyayamapānaḥ
8.21-2
ghoṣiṇīṃ ghoṣavatīmiva gāyet| spaṣṭamanyat
8.22
yā tṛtīyā tāmudyacchanniva gāyet| udyata iva hyayaṃ prāṇaḥ
8.23
yā caturthī tāṃ nikīḍayanniva gāyet| nikīḍita iva hyayaṃ dhyānaḥ
8.10-2
yā pañcamī tāṃ niruktāmaniruktāmiva gāyet
8.24
nirukto'nirukta iva hyayaṃ samānaḥ
8.25
yā ṣaṣṭhī tāmudāsamiva gāyet| udasta iva hyayamudāno yacchṛṅgam
8.26
bahiṣpavamānottamāyāmṛci dharmāntaramāha—
rathantaravarṇāmuttamāṃ gāyet| iyaṃ vai rathantaramasyāmeva
pratitiṣṭhati
Linked texts (1)
- Ṣaḍviṃśabrāhmaṇa — Sanskrit