Shadvamshabrahmana 9

Ṣaḍvaṃśabrāhmaṇa 9

Language: Sanskrit

9.1

devāśca vā asurāścaiṣu lokeṣvaspardhanta | te devāḥ
prajāpatimupādhāvan

9.2

tebhya etān dhuraḥ prāṇān prāyacchat | manaḥ
prathamamatha prāṇamatha cakṣuratha śrotramatha vācam

9.3

10
tābhyaḥ pañcabhyo dhūrbhyaḥ puruṣaṃ ca paśūṃśca
niramimīta

9.4

15
tena puruṣeṇāsurānadhūrvan | yadadhūrvaṃstaddhurāṃ dhūstvam
dhūrvati pāppānaṃ bhrātṛvyaṃ ya evaṃ veda

yo vai dhurāṃ dhūstvaṃ veda dhurā dhurā bhrātṛvyādvasīyān
bhavati | etadvai dhurāṃ dhūstvaṃ yannānāvīryā nānā10 chandasyā nānādevatyāḥ samānaṃ hiṃkāramabhisaṃpadyante | etadvai
dhurāṃ dhūstvam | dhurā dhurā bhrātṛvyādvasīyān bhavati | ya evaṃ
veda

9.6

20 yo vai dhūrṣu mahāvrataṃ veda sarvā asmin puṇyā
vāco vadanti

9.6-2

yo vai ya evodgātā dhūrṣu yathoktāsu mahāvrataṃ veda mahāvratastotradṛṣṭiṃ
kuryāt asmin jñātari sarvāḥ prajāḥ puṇyāḥ stutirūpā vāco vadanti
prathitakīrtirbhavedityarthaḥ

9.7

śiro gāyatryurastriṣṭup madhyaṃ jagatī pādāvanuṣṭup
sarvā asmin puṇyā vāco vadanti ya evaṃ veda

9.8

yo vā evaṃ dhuro vidvānathāsāṃ vrataṃ caratyāgamiṣyato'sya pūrvedyuḥ puṇyā kīrtirāgacchati

9.9

surabhireva gandho gāyatryā vratam | darśanīyaṃ triṣṭubhaḥ
śravaṇīyaṃ jagatyāḥ | yadeva vācā puṇyaṃ vadati tadanuṣṭubhaḥ | tadu sarvāsāṃ vratam

9.10

tadu vidvāṃsamāhuriti no'tvādīriti tadanāhatyam

9.11

yasya vai dhuro vigītāstasya saṃgītāḥ

9.12

yasya vā etā bahiṣpavamāne vigīyāntarājyeṣu
saṃgāyanti tasya vai dhuro vigītāstasya saṃgītāḥ

9.13

yaḥ kāmayetaikadhā yajamānaṃ yaśa ṛcchedyathādiṣṭaṃ prajāḥ syuriti hoturājye gāyet| ekadhā yajamānaṃ yaśa ṛcchati yathādiṣṭaṃ prajā bhavanti

9.14

yaḥ kāmayeta kalperan prajā yathādiṣṭaṃ yajamānaḥ syāditi yathājyaṃ gāyet| kalpante prajā yathādiṣṭaṃ yajamāno bhavati

9.14-2

yo yajamānasya prajāḥ kalperan samarthāḥ prajā bhaveyuriti | kiṃ ca,
yajamāno yathādiṣṭaṃ syāt saṃkalpasiddhiśca bhavediti yadi kāmayeta udgātā
tarhi yathājyam ājyeṣu caturṣvapi krameṇa tatprathamāsu catasṛṣu dhuraḥ sakṛt—
sakṛd gāyet | tena asya yajamānasya prajāḥ kalpante | yajamāno yathādiṣṭaṃ
ca bhavati

9.15

tadvidāṃsaṃ praśaṃsati—
yo vā evaṃ dhuro vedānapajayyamātmane ca yajamānāya
ca lokaṃ jayatyati yajamānamātmānaṃ mṛtyuṃ paraṃ svargaṃ lokaṃ
harati

Linked texts (1)

Ṣaḍviṃśabrāhmaṇa — Sanskrit