Pramāṇa · Search · About · API

Ṣaḍviṃśa Brāhmaṇa ("26th" book) 11

Ṣaḍviṃśabrāhmaṇabhāṣya (Sāyaṇa) 11

Language
Sanskrit

11.1

sa yajamānaḥ camasaṃ bhakṣayituṃ prātaḥsavane savanamukhīyeṣu camaseṣu camasādhvaryubhirāhateṣūpahavamanujñānam iccheta icchet |
kathamityāśaṅkaya tatra prathamaṃ hotṛviṣayopahavaprakāraṃ darśayati-

11.2

me mama agneireva devo hotā | tadātmako hotā | sa mām upahvayatām anujānātu iti upāṃśūccārya he hotaḥ māmupahvayasva anujānīhi iti mantrabhāgam uccaiḥ uccārayet |
adhvaryuviṣayopahavaprakāraṃ darśayati-

11.3

me mama āditya eva devo'dhvaryuḥ | sa māmupahvayatāmityupāṃśūccārya adhvarya upa māhvayasveti mantrabhāgamuccairuccārayediti |
brahmaviṣayaṃ tatprakāraṃ darśayati—

11.4

me mama candramā eva brahmā | śiṣṭaṃ pūrvavat |
udgātṛviṣayaṃ tatprakāraṃ darśayati—

11.5

me parjanya evodgātā | śiṣṭaṃ pūrvavat |
sadasyaviṣayaṃ taddarśayati—

11.6

ākāśa eva sadasyaḥ | śiṣṭaṃ spaṣṭam |
hotrāśaṃsiviṣayamapi taddarśayati—

11.7

etadatirohitārtham |
camasādhvaryuviṣayopahvaprakāraṃ darśayati—

11.8

raśmaya ādityakiraṇā eva camasādhvaryavaḥ | anyat spaṣṭam | yadyapi hotrāśaṃsināṃ camasādhvaryūṇāṃ ca camaso nāsti tathāpi tadanujñā labdhavyeti niyamārthaṃ
tatprakāradarśanamiti | agnirmeṃ hotetyādayo ye mantrāste yājamānāḥ | tathā cānukalpe darśitam | prathamaḥ savanamukhīyo'gnirmeṃ hoteti yājamānamiti |
yathoktaṃ hotrādyupahavaprakāraṃ praśaṃsati—

11.9

tā etā agnyādyā devatā eva ṛtvijāṃ saṃbandhinībhirupahavarūpābhirvāgbhiḥ upahvayante anujñāpyante |
tataḥ kimityatrāha—

11.10

paścāt sa upahūtaḥ hotrādibhiranujñātaḥ san camasaṃ bhakṣayati |
yathoktamanujñānaṃ praśaṃsati—

11.11

yajamānaḥ prāṇaḥ mukhyatvasāmyāt | atho api ca yatra etāsāmagnyādīnāṃ devatānāṃ lokaḥ tat tatra hotrādibhiḥ agnyādirūpaiḥ upahūto yajamāno anujñāto bhavatīti |
atha mādhyaṃdinasavanasaṃbandhina upahavān darśayati-

Linked texts (1)