[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Ṣaḍviṃśabrāhmaṇa](https://indike.org/pramana/in.veda.brahmana.sadvimsa) › [Shadvimshabrahmanabhashya (Sayana)](https://indike.org/pramana/in.veda.brahmana.sadvimsa!sayana) › 11 # Ṣaḍviṃśa Brāhmaṇa ("26th" book) 11 Ṣaḍviṃśabrāhmaṇabhāṣya (Sāyaṇa) 11 - **Language:** Sanskrit ### [11.1](https://indike.org/pramana/in.veda.brahmana.sadvimsa!sayana.11.1) sa yajamānaḥ camasaṃ bhakṣayituṃ prātaḥsavane savanamukhīyeṣu camaseṣu camasādhvaryubhirāhateṣūpahavamanujñānam iccheta icchet | kathamityāśaṅkaya tatra prathamaṃ hotṛviṣayopahavaprakāraṃ darśayati- ### [11.2](https://indike.org/pramana/in.veda.brahmana.sadvimsa!sayana.11.2) me mama agneireva devo hotā | tadātmako hotā | sa mām upahvayatām anujānātu iti upāṃśūccārya he hotaḥ māmupahvayasva anujānīhi iti mantrabhāgam uccaiḥ uccārayet | adhvaryuviṣayopahavaprakāraṃ darśayati- ### [11.3](https://indike.org/pramana/in.veda.brahmana.sadvimsa!sayana.11.3) me mama āditya eva devo'dhvaryuḥ | sa māmupahvayatāmityupāṃśūccārya adhvarya upa māhvayasveti mantrabhāgamuccairuccārayediti | brahmaviṣayaṃ tatprakāraṃ darśayati— ### [11.4](https://indike.org/pramana/in.veda.brahmana.sadvimsa!sayana.11.4) me mama candramā eva brahmā | śiṣṭaṃ pūrvavat | udgātṛviṣayaṃ tatprakāraṃ darśayati— ### [11.5](https://indike.org/pramana/in.veda.brahmana.sadvimsa!sayana.11.5) me parjanya evodgātā | śiṣṭaṃ pūrvavat | sadasyaviṣayaṃ taddarśayati— ### [11.6](https://indike.org/pramana/in.veda.brahmana.sadvimsa!sayana.11.6) ākāśa eva sadasyaḥ | śiṣṭaṃ spaṣṭam | hotrāśaṃsiviṣayamapi taddarśayati— ### [11.7](https://indike.org/pramana/in.veda.brahmana.sadvimsa!sayana.11.7) etadatirohitārtham | camasādhvaryuviṣayopahvaprakāraṃ darśayati— ### [11.8](https://indike.org/pramana/in.veda.brahmana.sadvimsa!sayana.11.8) raśmaya ādityakiraṇā eva camasādhvaryavaḥ | anyat spaṣṭam | yadyapi hotrāśaṃsināṃ camasādhvaryūṇāṃ ca camaso nāsti tathāpi tadanujñā labdhavyeti niyamārthaṃ tatprakāradarśanamiti | agnirmeṃ hotetyādayo ye mantrāste yājamānāḥ | tathā cānukalpe darśitam | prathamaḥ savanamukhīyo'gnirmeṃ hoteti yājamānamiti | yathoktaṃ hotrādyupahavaprakāraṃ praśaṃsati— ### [11.9](https://indike.org/pramana/in.veda.brahmana.sadvimsa!sayana.11.9) tā etā agnyādyā devatā eva ṛtvijāṃ saṃbandhinībhirupahavarūpābhirvāgbhiḥ upahvayante anujñāpyante | tataḥ kimityatrāha— ### [11.10](https://indike.org/pramana/in.veda.brahmana.sadvimsa!sayana.11.10) paścāt sa upahūtaḥ hotrādibhiranujñātaḥ san camasaṃ bhakṣayati | yathoktamanujñānaṃ praśaṃsati— ### [11.11](https://indike.org/pramana/in.veda.brahmana.sadvimsa!sayana.11.11) yajamānaḥ prāṇaḥ mukhyatvasāmyāt | atho api ca yatra etāsāmagnyādīnāṃ devatānāṃ lokaḥ tat tatra hotrādibhiḥ agnyādirūpaiḥ upahūto yajamāno anujñāto bhavatīti | atha mādhyaṃdinasavanasaṃbandhina upahavān darśayati- ## Linked texts (1) - [Ṣaḍviṃśabrāhmaṇa](https://indike.org/pramana/in.veda.brahmana.sadvimsa.31.1-2) — Sanskrit --- Source: [https://indike.org/pramana/in.veda.brahmana.sadvimsa!sayana.11](https://indike.org/pramana/in.veda.brahmana.sadvimsa!sayana.11) · Pramāṇa