Ṣaḍviṃśa Brāhmaṇa ("26th" book) 12
Ṣaḍviṃśabrāhmaṇabhāṣya (Sāyaṇa) 12
- Language
- Sanskrit
12.1
pūrvavadvyākhyeyam |
kathamityāśaṅkya, tatra prathamaṃ hotrādiviṣayopahavaprakāraṃ darśayati-
12.2
me mama vāgeva hotā | mantroccāraṇarūpāyā vācaḥ tatkāryatvāt | cakṣureva | adhvaryuḥ tatpūrvakatvāt sarvasya havistyāgakarmaṇaḥ | mana eva brahmā yathā prāṇānāṃ madhye mano'rdhabhāk tathā brahmā ṛtvijāmardhabhāk | tathā ca aitareyabrāhmaṇam-tasmād brahnārdhabhāgghavā eṣa itareṣām ṛtvijām (7. 34) iti | śrotraṃ me mama udgātā | gītipratītisāmyāt | anyat pūrvavadvyākhyeyam |
atha sadasyādiviṣayamupahavaprakāraṃ darśayati-
12.3
antaścakṣuṣī cakṣuṣormadhye yo'yamākāśaḥ sa eva me sadasyaḥ | antaścakṣuṣī yā imāḥ paridṛśyamānā āpaḥ tā eva hotrāśaṃsinaḥ | mama aṅgānyeva camasādhvaryavaḥ upakārakatvasāmyāt | anyat pūrvavadvyākhyeyam | vāṅ me hotetyādayo'pi mantrāḥ yājamānāḥ | tathā cānukalpaḥ- vāṅ me hoteti mādhyaṃdinasya savanasya yājamānamiti |
yathoktam upahvavaprakāraṃ darśayati-
12.4
tā etā vāgādirūpā devatā eva ṛtvijāmupahvavarūpābhirvāgbhiḥ upahvayante |
tataḥ kiṃ kuryādityāha-
12.5
paścāt sa upahūto hotrādibhiranujñātaḥ sanneva bhakṣayati |
yathoktamanujñānaṃ praśaṃsati-
12.6
yajamānaḥ apānākhyaprāṇarūpaḥ | anyat samānamiti |
iti śrīsāyaṇācāryaviracite mādhavīye sāmavedārthaprakāśe ṣaḍviṃśabrāhmaṇabhāṣye dvitīyādhyāye ṣaṣṭhaḥ khaṇḍaḥ |
atha tṛtīyasavanasaṃbandhinam upahavaṃ darśayati—
Linked texts (1)
- Ṣaḍviṃśabrāhmaṇa — Sanskrit