[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Ṣaḍviṃśabrāhmaṇa](https://indike.org/pramana/in.veda.brahmana.sadvimsa) › [Shadvimshabrahmanabhashya (Sayana)](https://indike.org/pramana/in.veda.brahmana.sadvimsa!sayana) › 12 # Ṣaḍviṃśa Brāhmaṇa ("26th" book) 12 Ṣaḍviṃśabrāhmaṇabhāṣya (Sāyaṇa) 12 - **Language:** Sanskrit ### [12.1](https://indike.org/pramana/in.veda.brahmana.sadvimsa!sayana.12.1) pūrvavadvyākhyeyam | kathamityāśaṅkya, tatra prathamaṃ hotrādiviṣayopahavaprakāraṃ darśayati- ### [12.2](https://indike.org/pramana/in.veda.brahmana.sadvimsa!sayana.12.2) me mama vāgeva hotā | mantroccāraṇarūpāyā vācaḥ tatkāryatvāt | cakṣureva | adhvaryuḥ tatpūrvakatvāt sarvasya havistyāgakarmaṇaḥ | mana eva brahmā yathā prāṇānāṃ madhye mano'rdhabhāk tathā brahmā ṛtvijāmardhabhāk | tathā ca aitareyabrāhmaṇam-tasmād brahnārdhabhāgghavā eṣa itareṣām ṛtvijām (7. 34) iti | śrotraṃ me mama udgātā | gītipratītisāmyāt | anyat pūrvavadvyākhyeyam | atha sadasyādiviṣayamupahavaprakāraṃ darśayati- ### [12.3](https://indike.org/pramana/in.veda.brahmana.sadvimsa!sayana.12.3) antaścakṣuṣī cakṣuṣormadhye yo'yamākāśaḥ sa eva me sadasyaḥ | antaścakṣuṣī yā imāḥ paridṛśyamānā āpaḥ tā eva hotrāśaṃsinaḥ | mama aṅgānyeva camasādhvaryavaḥ upakārakatvasāmyāt | anyat pūrvavadvyākhyeyam | vāṅ me hotetyādayo'pi mantrāḥ yājamānāḥ | tathā cānukalpaḥ- vāṅ me hoteti mādhyaṃdinasya savanasya yājamānamiti | yathoktam upahvavaprakāraṃ darśayati- ### [12.4](https://indike.org/pramana/in.veda.brahmana.sadvimsa!sayana.12.4) tā etā vāgādirūpā devatā eva ṛtvijāmupahvavarūpābhirvāgbhiḥ upahvayante | tataḥ kiṃ kuryādityāha- ### [12.5](https://indike.org/pramana/in.veda.brahmana.sadvimsa!sayana.12.5) paścāt sa upahūto hotrādibhiranujñātaḥ sanneva bhakṣayati | yathoktamanujñānaṃ praśaṃsati- ### [12.6](https://indike.org/pramana/in.veda.brahmana.sadvimsa!sayana.12.6) yajamānaḥ apānākhyaprāṇarūpaḥ | anyat samānamiti | iti śrīsāyaṇācāryaviracite mādhavīye sāmavedārthaprakāśe ṣaḍviṃśabrāhmaṇabhāṣye dvitīyādhyāye ṣaṣṭhaḥ khaṇḍaḥ | atha tṛtīyasavanasaṃbandhinam upahavaṃ darśayati— ## Linked texts (1) - [Ṣaḍviṃśabrāhmaṇa](https://indike.org/pramana/in.veda.brahmana.sadvimsa.32.1-2.p1) — Sanskrit --- Source: [https://indike.org/pramana/in.veda.brahmana.sadvimsa!sayana.12](https://indike.org/pramana/in.veda.brahmana.sadvimsa!sayana.12) · Pramāṇa