[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Ṣaḍviṃśabrāhmaṇa](https://indike.org/pramana/in.veda.brahmana.sadvimsa) › [Shadvimshabrahmanabhashya (Sayana)](https://indike.org/pramana/in.veda.brahmana.sadvimsa!sayana) › 31 # Ṣaḍviṃśa Brāhmaṇa ("26th" book) 31 Ṣaḍviṃśabrāhmaṇabhāṣya (Sāyaṇa) 31 - **Language:** Sanskrit ### [31.p1](https://indike.org/pramana/in.veda.brahmana.sadvimsa!sayana.31.p1) atha rudradevatyādbhutaviśeṣe homaviśeṣaṃ darśayituṃ pṛthivyā adhastāddiśo nirīkṣaṇapūrvakamāvartanaṃ darśayati— ### [31.1](https://indike.org/pramana/in.veda.brahmana.sadvimsa!sayana.31.1) sa vakṣyamāṇādbhutaviśeṣavānadhikārī pṛthivyā adhastāddiśamanvīkṣya manasā dhyātvāvartate | homārthaṃ pravartate | rudrasya sarvalokādhārakatvenādhobhūmyā diśo vakṣyamāṇānāmadbhutānāṃ ca raudratvāviśeṣāt || idānīṃ nimittaviśeṣān darśayati— ### [31.2](https://indike.org/pramana/in.veda.brahmana.sadvimsa!sayana.31.2) atha punarasya puruṣasya mānuṣaṃ manuṣyatvaṃ manuṣyarūpavatsaṃjanakatvam | gāvo manuṣyān prasūyanta iti yāvat | tathā mahiṣyajāśvoṣṭrāḥ prasūyante | hīnāṅgāni aṅgahīnāni \[atiriktāṅgāni\] adhikāṅgāni dviśīrṣavādīni ṣaḍaṅgulatvādīni janturūpāṇi svajātyananurūpādhikāṅgayuktāni vā jāyante | asaṃbhavāni śaśaviṣāṇaprāyāṇi saṃbhavanti jāyante | asūyāni kanyājaraṭhavandhyādīni asūyanti prasūyante prajāḥ | abalāni asamarthāni samarthībhavanti | idānīṃ tajjanyaduritāpūrvabarhaṇasādhanaṃ homaviśeṣaṃ setikartavyatākaṃ darśayati- ### [31.3](https://indike.org/pramana/in.veda.brahmana.sadvimsa!sayana.31.3) ā vo rājānamadhvarasya rudraṃ2 hotāraṃ2 satyayajaṃ2 rodasyoḥ | agniṃ purā tanayitnoracittāddhiraṇyarūpamavase kṛṇudhvam || (sā. 69) ityeṣā 10 ṛk | anyat pūrvavadvyākhyeyam | atha sūryadevatyādbhutaviśeṣe homaviśeṣaṃ darśayitumādau sarvadiṅnirīkṣaṇapūrvakamāvartanaṃ darśayati— ## Linked texts (1) - [Ṣaḍviṃśabrāhmaṇa](https://indike.org/pramana/in.veda.brahmana.sadvimsa.99.1) — Sanskrit --- Source: [https://indike.org/pramana/in.veda.brahmana.sadvimsa!sayana.31](https://indike.org/pramana/in.veda.brahmana.sadvimsa!sayana.31) · Pramāṇa