Ṣaḍviṃśa Brāhmaṇa ("26th" book) 22

Vedārthaprakāśa 22

Language: Sanskrit

22.1

atha anantaram eṣaḥ vakṣyamāṇo vajro vajrasādṛśyāt vajrākhyo yāgaḥ | ucyata iti śeṣaḥ | etena vajreṇābhicaran bhrātṛvyaṃ jighāṃsuryajeta | vajrasaṃghātātmakatvāt ayaṃ yajño vajraḥ | saṃghātināṃ stotrīyāṇāṃ vajrātmakatvāt | tena vajreṇaiva vajram evāsmai bhrātṛvyāya praharati | stṛtyai tasya hiṃsārtham |
ke punaḥ samudāyino vajrāḥ ? yatsamudāyo vajra ityāśaṅkya tadvivakṣurāha—

22.2

asya sarvāṇyavayavarūpāṇi stotrāṇi pañcadaśāni | tena sarvo'pyavayavī pañcadaśo bhavatīti |
kiṃ tataḥ ? ityata āha—

22.3

pañcadaśo vajra eva | aindratvasāmyāt | atastadavayavātmakāni stotrāṇyapi vajrarūpāṇi | tena taṃ prasiddhaṃ vajraṃ hiṃsāsādhanam eva asmai bhrātṛvyāya praharati stṛtyai |
tatra dharmaviśeṣaṃ darśayati—

22.4

ukthamarhatītyukathyaḥ | ukthārhaḥ ukthavān bhavatītyarthaḥ | kiṃ ca ṣoḍaśimān bhavatīti |
tadubhayaṃ stauti—

22.5

ukthāni paśavo vai paśava eva | tatsādhanatvāt | ṣoḍaśī vajraḥ ṣoḍaśisāmanyamanuṣṭupsu kurvantīti vacanāt | ṣoḍaśina ānuṣṭubhatve vāgvā anuṣṭub vāgvai vajra iti praśaṃsanāt ṣoḍaśino vajratvam | tena vajreṇaiva vajramevāsmai bhrātṛvyāya praharati | stṛtyai bhrātṛvyapaśūnām | ukthānāṃ paśurūpatvena stuterarthavatvāyelyavagantavyam |
tatra ṣoḍaśisāmnaḥ śakvarīṣu gānaṃ darśayati—

22.6

tasya vajrākhyasya mahānāmnyaḥ, vidā maghavan (sā. 641) ityādyāḥ (ā. gā. pariśiṣṭa 1—3.) śakaryaḥ ṣoḍaśisāma bhavantīti | tāsu ṣoḍaśisāma kuryādityarthaḥ |
tadetat praśaṃsati—

22.7

22.8

pūrveṇa anantaroktena saṃdaṃśena itarat samānam | saṃdaṃśe ye viśeṣadharmā vihitāste'tra kāryā ityarthaḥ | atra kalpaḥ--pavasvendo vṛṣā sutaḥ (sā. 479) apaghnan pavate mṛdhaḥ (sā. 510) iti purastāt paryāyasya tṛce uddharati | satrāsāhīyaṃ purojitī vo andhasaḥ (sā. 545) iti nānadamekasyāṃ tasyāmevāndhīgavaṃ śyāvāśvamekasyāṃ sāmaikasyāṃ trayāṇāṃ yad dvitīyaṃ pramaṃhiṣṭhīyamaupagavam ūrśīyaṃ mahānāmnyaḥ ṣoḍaśisāma | samānamitaṟ | pūrvai sarvaḥ pañcadaśaḥ | kḷpto jyotiṣṭomaḥ śāntyarthaḥ śāntyarthaḥ (ma.sū. 5. 9) iti | kḷpto jyotiṣṭomaḥ śāntyarthaḥ ityasyāyamarthaḥ--sarveṣvabhicārayajñeṣu samāpteṣu abhicārayajñakṛtadoṣaśāntyarthaṃ prakṛtibhūto jyotiṣṭomaḥ kārya ityarthaḥ |
iti śrīsāyaṇācāryaviracite mādhavīye sāmavedārthaprakāśe ṣaḍviṃśabrāhmaṇabhāṣye caturthādhyāye pañcamaḥ khaṇḍaḥ |
atha pañcaviṃśabrāhmaṇoktābhyāṃ trayodaśāhābhyāṃ vilakṣaṇaṃ trayodaśāhaṃ vaiśvadevākhyaṃ satraṃ nirūpyate | tatrāhaḥklṛptiṃ darśayati—

Linked texts (1)

Ṣaḍviṃśabrāhmaṇa — Sanskrit