Ṣaḍviṃśa Brāhmaṇa ("26th" book) 7.25

Ṣaḍviṃśabrāhmaṇabhāṣya (Sāyaṇa) 7.25

Language: Sanskrit

7.25

tāmṛcamaṃśabhedena niruktāmaniruktāṃ ca gāyet | ayamarthaḥ | asya catvāro gītikhaṇḍāḥ | tān krameṇa niruktamaniruktamityevaṃ vyatyāsaṃ gāyediti | tathā ca drāhmāyaṇaḥ—tasyāḥ dvitīyaṃ pādaṃ nirbrūyāt | tṛtīye cākṣare pañcamaṣaṣṭhe (lā. śrau. sū. 7. 13. 3.) iti | asyārthaḥ--asyāḥ dvitīyaṃ pādaṃ niruktaṃ gāyet | tṛtīye pāde prathamaṃ caturakṣaramaniruktaṃ punaḥ pañcamaṣaṣṭhe nirukte gāyet | hiṃkārādūrdhvaṃ punarapyaniruktamityevaṃ vyatyāsaṃ gāyediti |
tatpraśaṃsati—

Previous: 7.24
Next: 7.26
Up: 7

Linked texts (1)

Ṣaḍviṃśabrāhmaṇa — Sanskrit