Ṣaḍviṃśa Brāhmaṇa ("26th" book) 9

Vedārthaprakāśa 9

Language: Sanskrit

9.1

purā devāścāsurāśca eṣu pṛthivyādiṣu lokeṣu viṣayeṣu aspardhanta | tatra te asurebhyaḥ spardhamānāḥ indrādayo devāḥ prajāpatimupādhāvan upāgaman |
tatataḥ kimityatrāha —

prajāpatiḥ tebhya etān vakṣyamāṇān dhuraḥ dhūrātmakān prāṇān prāyacchat | etadeva viśinaṣṭi— prathamaṃ manaḥ | atha anantaraṃ prāṇaṃ mukhyam | tataścakṣuratha śrotramatha vācamiti |
tato'pi kimityatrāha —

9.3

tebhyo manaādirūpebhyo dhūrbhyaḥ puruṣaṃ ca paśūṃśca niramimīta utpāditavān |
astvevam | kiṃ tata ityatrāha--

9.4

tena dhūrbhyo nirmitena puruṣeṇa devā asurān adhūrvan avadhiṣuḥ | yad yasmād adhūrvaṃstat tato dhurāṃ dhūstvam abhūt | ya evam uktarītyā dhurāṃ svarūpaṃ veda so'pi bhrātṛvyaṃ śatrurūpaṃ pāpmānaṃ dhūrvati hinastīti |
punarapi prakārāntareṇa dhuraḥ praśaṃsati--

9.5

yaḥ khalu dhurāṃ yathoktaṃ dhūstvaṃ veda sa bhrātṛvyād śatroḥ sakāśāt āhṛtayā dhurā dhurā anekadhanabhāraiḥ vasīyān atiśayena vasumān bhavati | kiṃ ca, etadvai etadeva dhurāṃ dhūstvaṃ yannānāsvarūpā nānāvīryā nānāchandasyāḥ gāyatryādibhedena, nānādevatyāḥ prājāpatyādidevatābhedena dhuraḥ samānaṃ hiṃkāram abhisaṃpadyanta iti | yat etadvai dhurāṃ dhūstvam iti uktasyaivānuvādaḥ | kiṃ ca, ya evaṃ veda so'pi dhurā dhurā bhrātṛvyād vasīyān bhavatīti |
dhūrṣu mahāvratadṛṣṭiphalaṃ darśayati--

9.6

yo vai ya evodgātā dhūrṣu yathoktāsu mahāvrataṃ veda mahāvratastotradṛṣṭiṃ kuryād asmin jñātāri sarvāḥ prajāḥ puṇyāḥ stutirūpā vāco vadanti | prathitakīrtirbhavedityarthaḥ |
tatraiva viśeṣamāha--

9.7

tatra gāyatrī śira iti, triṣṭubura iti, jagatī madhyamivi, anuṣṭup pādāvityevaṃ yo veda asmin puṇyā vāco vadantīti |
evaṃ viduṣo gāyatryādiṣu sapraśaṃsaṃ vrataṃ darśayati--

9.8

athaśabdo vākyālaṃkārārthaḥ | ya evaṃ yathoktaprakāreṇa dhuro vidvān jānan āsāṃ gāyatryādīnāṃ dhurāṃ vrataṃ tadviṣayaṃ niyamaṃ carati | yatra yatra gamiṣyato'sya pūrvedyuḥ purastādeva puṇyā kīrtirāgacchatīti |
kiṃ tadvratam ? tatrāha--

9.9

9.10

tat vrataṃ vidvāṃsaṃ saṃjānānamudgātāraṃ yadyevamāhuranye tvaṃ no'tyavādīstvamasmānatikramyāvādīriti | tatasteneṣāṃ vākyamanādṛtyam | tena viduṣāṃ tadanādaraṇīyam | etaduktaṃ bhavati-ativādyasītyukte'pi vratamahimnā tasyātivādanadoṣo nāstīti |
athājyastotreṣu dhuro vidhatte-

9.11

yasyaiva yajamānasya saṃbandhini yajñe dhuro vigītāḥ pṛthaggītāstasyaiva tatra dhuraḥ saṃgītāḥ saṃgatyāpi gātavyāḥ |
tadeva vivṛṇoti-

9.12

yasyaiva yajñe bahiṣpavamāne stotre sadaso bahirdeśe etāḥ saṃnihitapūrvavākye prakṛtā gāyatryādyāścatasro vigīya pṛthak sadityādinidhanairgītvā pakṣādājyeṣu stotreṣu antarā sadaso madhye saṃgāyanti | tā dhura ekenaiva
nidhanena prakṛtena samānaṃ gāyedityarthaḥ | tathā ca sati tasya yajñe dhuro vigītāśca bhavanti | saṃgītāśca bhavanti | vigānaṃ saṃgānaṃ cobhayamapi kṛtaṃ bhavati | ubhayamapyavaśyaṃ kartavyameva | dhurāṃ cakṣurādirūpatvena saṃstāvanāt cakṣurādīnāṃ ca bahirmukhe [na] pṛthak pṛthagavasthitānāmantarmukhenāsyāmekasyāṃ saṃgatya mūlato'vasthānāt |
ājyeṣu vikalpena saṃgānaṃ darśayituṃ prathamaṃ pakṣaṃ tāvadāha —

9.13

ya udgātā ekadhā yugapadeva yaśo yajamānam ṛcchet prāpnuyāt tathā yathādiṣṭaṃ yajamānasya kāmanāmatikramya prajāḥ putrapautrādikāḥ syuḥ bhaveyuriti kāmayeta iccheta tarhi hoturājya eva gāyet | tā dhuraḥ saṃgāyet | tena ekadhā yugapadeva yajamānaṃ yaśa ṛcchati prāpnoti | yathādiṣṭam eva prajā bhavanti |
dvitīyaṃ pakṣaṃ darśayati—

9.14

yo yajamānasya prajāḥ kalperan samarthāḥ prajā bhaveyuriti | kiṃ ca, yajamāno yathādiṣṭaṃ syāt saṃkalpasiddhiśca bhavediti yadi kāmayeta udgātā tarhi yathājyam ājyeṣu caturṣvapi krameṇa tattatprathamāsu catasro dhuraḥ sakṛt— sakṛd gāyet | tena asya yajamānasya prajāḥ kalpante | yajamāno yathādiṣṭaṃ ca bhavati |

9.15

yaścaivodgātā evamuktaprakāreṇa dhuro veda saḥ anapajayyaṃ kenāpi jetumaśakyaṃ lokamātmane yajamānāya ca svārthaṃ yajamānārthaṃ ca jayati | kiṃ ca, mṛtyum atikramya ātmānaṃ yajamānaṃ ca param utkṛṣṭaṃ svargaṃ harati nayatīti |
athottaratra hotrādīnāmagnyādirūpeṇa vyavahāraḥ kriyate| tadupayogitvena prakīrṇakān kāṃścid dharmānāha -

Linked texts (1)

Ṣaḍviṃśabrāhmaṇa — Sanskrit