Samavedabrahmananyashtau 102

Sāmavedabrāhmaṇānyaṣṭau 102

Language: Sanskrit

102.1

navamaḥ khaṇḍaḥ
'pavasva dakṣasādhana' iti gāyatrī bhavati sidhyai

102.2

'yat
pavasve'ti tadbṛhato rūpaṃ bārhataścetadahaḥ

102.3

'tavāham̐ somarāraṇa
sakhya indo dive dive purūṇi babhro nicaranti māmava
paridhīratitām̐ihī'ti

102.4

ati hyayañchakunā iva paptimetyati
hyapatat

102.5

punāno akramīdabhīti

102.6

gāyatryaḥ satyastriṣṭubho rūpeṇa tasmāttriṣṭubhāṃ loke
kriyante

102.7

gāyatraṃ bhavati yadeva gāyatrasya brāhmaṇam

102.8

caturṇidhanamātharvaṇaṃ bhavati catūrātrasya dhṛtyai

102.9

catuṣpadānuṣṭubhā'nuṣṭubhametadaharyaccaturtham

102.10

bheṣajaṃ vā'tharvaṇāni
bheṣajameva tatkaroti

102.11

nidhanakāmaṃ bhavati

102.12

ekaṃ vā
anyena niruktena nidhanena kāmaḥsanotyathaitannidhanakāmaḥsarveṣāṃ
kāmānāmavarudhyai

102.13

āṣṭādaṃṣṭraṃ bhavati

102.14

yadevāṣṭādaṃṣṭrasya brāhmaṇam

102.15

ābhīṣavaṃ bhavatyahno dhṛtyai

102.16

yadvā adhṛtamabhīśunā taddādhāra

102.17

anutunnaṃ gāyati tathā
hyetasyā'hno rūpam

102.18

caturṇidhanamāṅgirasaṃ bhavati catūrātrasya
dhṛtyai

102.19

svaḥpṛṣṭhaṃ tathā hyetasyā'hno rūpam

102.20

satrāsāhīyaṃ
bhavati

102.21

yadvā asurāṇāmasoḍhamāsīttadevāḥ satrāsāhīyenāsahanta
satrainānasakṣmahīti tatsatrāsāhīyasya satrāsāhīyatvam

102.22

satrā
bhrātṛvyaḥsahate satrā sāhīyena tuṣṭuvānaḥ

102.23

gāyatrīṣu stuvanti
pratiṣṭhāyai brahmavarccasāya yenaiva prāṇena prayanti tamabhyudyanti

102.24

vṛṣaṇvatyo gāyatrayo bhavanti tadu traiṣṭubhādrūpānnayanti stomaḥ