Samavedabrahmananyashtau 103
Sāmavedabrāhmaṇānyaṣṭau 103
- Language
- Sanskrit
103.1
'pibā somamindra mandatu tvā yaṃ te suṣāva haryaśvādiḥ
soturbāhubhyāṃḥsuyato nārve'tyāyatamiva vai caturthamahastasyaiva
yatyai
103.2
'viśvāḥ pṛtanā abhibhūtaraṃ nara' ityatijagatīvarṣīyaśchanda
ākramate'napabhraṃśāya
103.3
apabhraṃśa iva vā eṣa
yajjāyasaśchandasaḥ kanīyaśchanda upaiti yadeṣā caturthe'hanyatijagatī
kriyate'napabhraṃśāya
103.4
yo rājā carṣaṇīnāmiti
103.5
rājye hotarhi vāco'gacchan rājyamevaitayā yajamānaṃ
gamayanti
103.6
chandobhirvai devā ādityaḥsvargaṃ lokamaharan sa
nā''dhniyata taṃ vairājasya nidhanenādḥham̐stasmāt parāṅ cārvāṅ
cādityastapati parāṅcārvāṅcekāraḥ
103.7
prastāvaṃ prastutya
viṣṭambhānviṣṭambhnoti mukhataeva tadannādyaṃ dhatte mukham̐hi sāmnaḥ
prastāvaḥ
103.8
daśakṛtvo viṣṭabhnoti daśākṣarā virāḍ
vairājamannamannādyasyāvarudhyai
103.9
trim̐śatkṛtvo viṣṭabhnoti
bhūyaso'nnādyasyāvarudhyai
103.10
vairājam̐sāma bhavati virāṭṣu stuvanti
vairājā viṣṭambhāḥ samīcīrvirājo dadhātyannādyāya
103.11
anutunnaṃ
gāyati reto dheyāyā'nutunnāddhi reto dhīyate
103.12
dakṣiṇa
ūrāvudvāturagginaṃ manthanti dakṣiṇato hi retaḥ sicyate
103.13
upākṛte'hiṅkṛte manthanti jātamabhihiṅkaroti
103.14
tasmājjātaṃ
putraṃ paśavo'bhi hiṅkurvanti
103.15
tasmai jātāyāmīmām̐santa
gārhapatye praharāmā 3 āgnīdhrā 3 āhavanīyā 3 iti
103.16
āhavanīye praharantye tadāyatano vai yajamāno yadāhavanīyaḥ svameva
tadāyatanajyotiṣmatkaroti
103.17
jyotiṣmān brahmavarcasī bhavati
ya evaṃ veda
103.18
abhi juhoti śāntyai ājyenābhijuhoti
tejo vā ājyaṃ teja eva tadātmandhatte
103.19
'preddho agne
dīdiha puro na' iti virājā'bhijuhotyannaṃ virāḍannādyasyāvarudhyai
103.20
traiśokaṃ brahrasāma bhavati
103.21
atijagatīṣu
stuvantyahna utkrāntyā udvā etenāhvā krāmanti
103.22
diveti
nidhanamupayanti pāpmano'pahatyā apāpamānam̐hate traiśokena
tuṣṭuvāna:
103.23
bharadvājasya pṛśnyacchāvākasāma bhavati
103.24
'annaṃ vai devāḥ pṛśnī'ti vadantyannādyasyāvarudhyai
103.25
iḍābhiraiḍaṃ
tathā hotasyā'hno rūpam̐stomaḥ