Samavedabrahmananyashtau 109

Sāmavedabrāhmaṇānyaṣṭau 109

Language: Sanskrit

109.1

tṛtīyaḥ khaṇḍaḥ
'arṣā soma dyumattama' iti viṣṇumatyo gāyatryo bhavanti

109.2

brahma vai gāyatrī yajño viṣṇurbrahmaṇyeva tadyajñaṃ pratiṣṭhāpayati

109.3

'soma uṣvāṇastotṛbhiri'ti simānāṃ rūpaḥsvenaivaitāstadrūpeṇa
samarddhayati

109.4

'yatsomacitramukthyāmi'ti gāyatryaḥ satyastriṣṭubho
rūpeṇa tasmāt triṣṭubhāṃ loke kriyante

109.5

gāyatraṃ bhavati yadeva
gāyatrasya brāhmaṇam

109.6

yaṇvaṃ bhavati paśavo vai yaṇvaṃ paśūnāmavarudhyai

109.10

etena vai
śakalaḥ pañcame'hani pratyatiṣṭhatpratitiṣṭhati śākalena
tuṣṭuvānaḥ

vṛśo vaijānastyaruṇasya
traidhātvasyaikṣvākasya purohita āsītsa aikṣvāko'dhāvayat
brāhmaṇakumāraḥsthena vyacchinatsa purohitamabravīttava mā purodhāyāmidamīdṛgupāgāditi tametena sāmnā samairayattadvāva sa tarhyakāmayata kāmasani
sāma vārśaṃ kāmamevaitenāvarundhe

109.13

adhyarddheḍaṃ tathā hṛtasyāhno
rūpam

109.14

mānavaṃ bhavati

109.15

etena vai manuḥ prajātiṃ
bhūmānamagacchatprajāyate bahurbhavati mānavena tuṣṭuvānaḥ

109.16

ānūpaṃ bhavati

109.17

etena vai vakracāśca ānūpaḥ paśūnāṃ
bhūmānamāśanuta paśūnāṃ bhūmānamaśanuta ānūpena tuṣṭuvānaḥ

109.18

vāmraṃ
bhavati

109.19

sāmārgheyeṇa praśastaṃ yaṃ vai gāṃ yamaśvaṃ yaṃ puruṣaṃ
praśaṃsanti

109.20

adhyardheṃḍaṃ tathā hotasyāho rūpaṃ

109.21

triṇidhanamāgneyaṃ bhavati pratiṣṭhāyai

109.22

agniḥ sṛṣṭo nodadīpyata
taṃ prajāpatiretena sāmnopādhamat sa udadīpyata dīptiśca vā etatsāma
brahmavarcasañca dīptiścaivaitena brahmavarcasaścāvarundhe

109.23

śaiśavaṃ
bhavati

109.24

śiśurvā āṅgiraso mantrakṛtāṃ mantrakṛdāsīt sa
pitṝn putrakā ityāmantrayata taṃ pitaro'bruvandharmaṃ karoṣi yo naḥ
pitṝn sataḥ putrakā ityāmantrayasa iti so'bravīdahaṃ vāva pitāsmi
yo mantrakṛdāsmīti taṃ deveṣvapṛcchanta te devā abruvanneṣa vāva pitā
yo mantrakṛditi tadvai sa udajayadujjayati śaiśavena tuṣṭuvānaḥ

109.25

gāyatrīṣu stuvanti pratiṣṭhāyai brahmavarcasāya yenaiva prāṇena prayanti
tamabhyudyanti

109.26

viṣṇumatyo gāyatryo bhavanti tadu
traiṣṭubhādrūpānnayanti stomaḥ