Samavedabrahmananyashtau 110
Sāmavedabrāhmaṇānyaṣṭau 110
- Language
- Sanskrit
110.1
caturthaḥ khaṇḍaḥ
indraḥ prajāpatimupādhāvadvatraḥ'hanānīti tasmā etacchandobhya indriyaṃ
vīryaṃ nirmāya prāyacchadetena śaknuhīti tacchakvarīṇāḥśakvarītvam̐sīmānamabhinattattisamāhvayamakarottanmahāhvā mahān doṣa āsīt
tanmahānāmyaḥ
110.2
diśaḥ pañcapadā dādhārartūn ṣaṭpadā chandām̐si
saptapadā puruṣaṃ dvipadā
110.3
dvyopaśāḥ saṃstutā bhavanti tasmād
dvyopaśāḥ paśavaḥ
110.4
iḍe abhito'thakāraṃ tasmācchande tīkṣṇīyasī
stūpāt
110.5
upakṣudrā gāyati tasmādupakṣudrāḥ paśavaḥ
110.6
asam̐śilaṣṭā gāyati tasmā dasam̐śilaṣṭāḥ paśavaḥ
110.7
nānārūpā gāyati tasmānnānārūpāḥ paśavaḥ
110.8
āpo vai kṣīrarasā
āsam̐ste devāḥ pāpavasīyasādavibhayuryadapa upanidhāya stuvate
pāpavasīyaso vidhūtyai
110.9
vidhūtiḥ pāpavasīyaso bhavati ya
evaṃ veda
110.10
gāyatramayanaṃ bhavati brahmavarcasakāmasya svarṇidhanaṃ
madhunā'muṣmim̐lloka upatiṣṭhate traiṣṭubhamayanaṃ bhavatyojaskāmasyāthakāraṇidhanamājyenāmuṣmim̐lloka upatiṣṭhate jāgatamayanaṃ bhavati
paśukāmasyeḍānidhanaṃ payasāmuṣmim̐lloka upatiṣṭhate
110.11
añjasā'ryo mālyaḥ śakvarīḥ prārautsīditi hovācālammaṃ
pārijātanam̐rajanaḥ kauṇeyo yadyetāḥ pratiṣṭhāpam̐śakṣyatītyetadvā
etāsāmañja etatpratiṣṭhitā ya ābhiḥ kṣipraṃ prastutya
kṣipramudgāyati
110.12
śakvarībhiḥ stutvā purīṣeṇa stuvate
110.13
paśavo vai śakvaryo goṣṭhaḥ purīṣaṃ goṣṭhameva tat paśubhyaḥ paryasyanti
tamevainān pravarttayantyavisram̐sāya
110.14
'indro madāya vāvṛdha'
ityavarddhanta hyetarhi
110.15
tāsu bārhadgiram
110.16
'svādoritthā viṣūvata' iti viṣuvān vai pañcamamahastāsu rāyovājīyam
110.17
indro yatīn sālāvṛkebhyaḥ prāyacchatteṣāṃ traya udaśiṣyanta
pṛthuraśmirbṛhadgirīrāyovājaste'bruvan ko na imān putrān
bhariṣyatītyahamitīndro'bravīttānadhinidhāya paricāryya caranvarddhayam̐stān
varddhayitvābravīt kumārakā varān vṛṇīdhvamita, kṣatraṃ mahamityabravīt
pṛthuraśmistasmā etena pārthuraśmena kṣatraṃ prāyacchat kṣatrakāma etena
stuvīta kṣatrasyaivāsya prakāśo bhavati, brahmavarcasaṃ mahamityabravīd
bṛhadgiristasmā etena bārhadgireṇa brahmavarcasaṃ prāyacchat brahmavarcasakāma
etena stuvīta brahmavarcasī bhavatī, paśūn mahamityabravīdrāyovāja
stasmā etena rāyovājīyena paśūn prāyacchat paśukāma etena stuvīta
paśumān bhavati
110.18
pārthuraśmarājanyāya brahmasāma kuryāt
bārhadgiraṃ brāhmaṇāya rāyovājīyaṃ vaiśyāya svenaivaināḥstadrūpeṇa samarddhayati
stomaḥ
Linked texts (1)
- Nidānasūtra (another edition) — Sanskrit