Samavedabrahmananyashtau 113
Sāmavedabrāhmaṇānyaṣṭau 113
- Language
- Sanskrit
113.1
saptama: khaṇḍa:
'jyotiryajñasya pavate madhupriyami'ti ṣaṣṭhasyāhaḥ
pratipadyavati
113.2
jyotirvai gāyatrī chandasāṃ jyotī revatī sāmnāṃ
jyotistrayastrim̐śaḥ stomānāṃ jyotireva tatsamyak sandadhātyapi ha
putrasya putro jyotiṣmān bhavati
113.3
'madhupriyami'ti paśavo vai
revatyo madhupriyaṃ tadeva tadabhivadati
113.4
'madintamo matsaraindriyorasa'
itīndriyaṃ vai vīryaṃ rasaḥ paśavastadeva tadabhivadati
113.5
'asṛkṣata
pravājina' ityanurūpo bhavati
113.6
sṛṣṭānīva hotarhīhāni
113.7
pūrvamuccaiva tadrūpamapareṇa rūpeṇānuvadati yatpūrvaṃrūpamapareṇa rūpeṇānuvadati tadanurūpasyānurūpatvamanurūpaenaṃ putro jāyate ya evaṃ veda
stotrīyānurūpau tṛcau bhavataḥ prāṇāpānānāmavarudhyai
113.8
daśācrcau
bhavato daśākṣarā virāḍ vairājamannamannādyasyāvarudhyai
113.9
uttaro
daśacrco bhavati sodarka indriyasya vīryasya rasasyānatikṣārāya
113.10
yatra vai devā indriyaṃ vīryam̐rasamapaśyam̐stadanunyatudan
113.11
ceturrṃco bhavati pratiṣṭhāyai
113.12
dhvasre vai puruṣantī tarantapurumīḍhābhyāṃ vaidadaśvibhyām̐sahasrāṇyadicchatāṃ tāvaikṣetāṃ kathaṃ
nāvidamāttamapratigṛhītam̐syāditi tau pratyaitāṃ dhvasrayoḥ puruṣantyorā
sahasrāṇi dagdhahe taratsamandī dhāvatīti tato vai tattayorāttamapratigṛhītamabhavat
113.13
āttamasyāpratigṛhītaṃ bhavati ya evaṃ veda
113.14
vinārāśam̐so bhavatyubhayasyānnādyasyāvarudhyai mānuṣasya ca daivasya
ca
113.15
tṛca uttamo bhavati yenaiva prāṇena prayanti
tamabhyudyanti
113.16
trayastrim̐śa eva stomo bhavati pratiṣṭhāyai
devatāsu vā eṣa pratiṣṭhitaḥ