Samavedabrahmananyashtau 12
Sāmavedabrāhmaṇānyaṣṭau 12
- Language
- Sanskrit
12.1
dvitīya: khaṇḍaḥ
tisṛbhyo hiṅkaroti saparācībhistisṛbhyo hiṅkaroti saparācībhistisṛbhyo hiṅkaroti saparācībhiḥ parivarttinī triviṣṭutiḥ
12.2
praparīvarttamāpnoti ya etayā stute santatā viṣṭutiḥ prāṇo'pāno
vyānasta ṝca stān hiṅkareṇa santanoti sarvamāyureti na purāyuṣaḥ
pramīyate ya etayā stute varṣukaḥ parjnyo bhavatīme hi
lokāstūcastān hiṅkareṇa sandadhāti
12.3
ślakṣṇeva tu vā īśvarā
paśūnnirmṛjaḥ saiṣā ca parācota śreyān bhavatyuta yāddheva tāddhnetu
pāpīyān
12.4
tāmetāmbhāllavaya upāsate tasmātte pratigṛhṇantaḥ
parīvarttānna cyavante
12.1-2
tṛtīyaḥ khaṇḍaḥ
tisṛbhyo hiṅkaroti saparācībhistisṛbhyo hiṅkaroti yāmadhyamā
sā prathamā yottamā sā madhyamā yā prathamā sottamā tisṛbhyo
hiṅkaroti yottamā sā prathamā yā prathamā sā madhyamā· yā madhyamā
sottamā kulāyinī trivṛto viṣṭutiḥ
12.2-2
prajākāmo vā paśukāmo
vā stuvīta prajā vai kulāyampaśavaḥ kulāyaṅkulāyameva bhavati
12.3-2
etāmevānujāvarāya kuryādetāsāmevāgraṃ pariyatīnāṃ prajānāmagramparyeti
12.4-2
etāmeva bahubhyo yajamānebhyaḥ kuryāt yatsarvā
agriyā bhavanti sarvā madhye sarvā uttamāḥ sarvānevainān samāvadrājaḥ
karoti nānyonyamapaghnate sarve samāvadindriyā bhavanti
12.5
varṣukaḥ
parjanyo bhavatīme hi lokāstūcastān hiṅkāreṇa vyatiṣajati
12.6
pāpavasīyasantu bhavati
12.7
adharottaramapāvagato rudhyate'vagacchatyaparuddhaḥ pāpīyān śreyām̐samabhyārohati jaṃnatā janatāmabhyetyanyonyasya prajā ādadate na yathā kṣetraṃ kalpante
Linked texts (1)
- Pañcaviṃśabrāhmaṇa — Sanskrit