Samavedabrahmananyashtau 124
Sāmavedabrāhmaṇānyaṣṭau 124
- Language
- Sanskrit
124.1
ṣaṣṭhaḥ khaṇḍaḥ
'ā te vatso mano yama'dityapacchidiva vā etadyajñakāṇḍaṃ
yadukthāni yadeti salomatvāyaiva
124.2
'tvaṃ na indrābhare'ti pūrṇāḥ
kakubhaḥ
124.3
apabhraṃśa iva vā eṣa yajjyāyasaḥ
stomātkanīyāṃsaḥstomamupayanti yadetāḥ pūrṇāḥ kakubho bhavantyanapabhraśśāya
124.4
'yadindra citra maṃ iha nāsti tvādātamadrivo
rādhastanno vidadvasa ubhayāhastyābhare'ti ़rāddhimevaitenāvarundhe
124.5
vātsaṃ bhavati
124.6
vatsaśca vai medhātithiśca kāṇvāvāstāṃ taṃ
vatsaṃ medhātithirākrośadabrāhmaṇo'si śūdrāputra iti so'bravīdtenāgniṃ vyayāva yataro nau brahmīyāniti vātsena vatso
vyainmaidhāṃtithena medhātithistasya na loma ca nauṣattadvāva sa tarhyākāmayata kāmasani sāma vātsaṃ kāmamevaitenāvarundhe
124.7
sauśravasaṃ
bhavati
124.8
upagurvī sauśravasaḥ kutsasyauravasya purohita āsīt
sa kutsaḥ paryaśapadya indraṃ yajātā iti sa indraḥ suśravasamupetyābravīdyajasva māśanāyāmi vā iti tamayajata sa indraḥ puroḍāśahastaḥ kutsamupetyābravīdayakṣata mā kva te pariśaptamabhūditi kastvā
yaṣṭeti suśravā iti sa kutsa aurava upāgāḥ sauśravasasyoddāyata
audumbaryā śiro'cchinatsa śuśravā indramabravītvattanādvai medamīdṛgupāgāditi tametena sāmnā samairayattadvāva sa tarhyakāmayata kāmasani
sāma sauśravasaṃ kāmamevaitenāvarundhe
124.9
vīrṅgaṃ bhavati
124.10
cyavano vai dādhīco'śvinoḥ priya āsītso'jīryyattametena
sāmnāpsu vyaiṅkṣyetāṃ taṃ punaryyuvānamakurutāṃ tadvāva tau tarhikāmayetāṃ
kāmasani sāma vīṅgaṃ kāmamevaitenāvarundhe
124.11
caturviṃśa eva
stomo bhavati tejase brahmavarcasāya