Samavedabrahmananyashtau 13

Sāmavedabrāhmaṇānyaṣṭau 13

Language: Sanskrit

13.1

caturthaḥ khaṇḍaḥ
pañcabhyo hiṅkaroti sa tisṛbhissa ekayā sa ekayā, pañcabhyo
hiṅkaroti sa ekayā sa tisṛbhissa ekayā, pañcabhyo hiṅkaroti sa
ekayā sa ekayā sa tisṛbhiḥ, pañcapañcinī pañcapañcadaśasya
viṣṭutiḥ

13.2

pāṅktaḥ puruṣaḥ pāṅktāḥ paśavastayā puruṣañca
paśūṃścāpnoti vajro vai pañcadaśo yatpañcapañca vyūhati vajrameva tadvyūhati
śāntyā eṣā vai pratiṣṭhitā pañcadaśasya viṣṭutiḥ pratitiṣṭhati ya
etayā stute

13.1-2

pañcamaḥ khaṇḍaḥ
pañcabhyo hiṅkaroti sa tisṛbhissa ekayā sa ekayā, tisṛbhyo
hiṅkaroti sa parācībhissaptabhyo hiṅkaroti sa ekayā sa tisṛbhiḥ
sa tisṛbhiḥ

13.2-2

trīn stomān prati vihitā brahmavarccasakāmaḥ
stuvīta

13.3

pañcabhiḥ pañcadaśaṃ tisṛbhistrivṛtaṃ saptabhiḥ
saptadaśam

13.4

vīryyaṃ vai stomā vīryyameva tadekadhā samūhate
brahmavarcasasyāvarudhyai tejasvī brahmavarcasī bhavati ya e etayā
stute

13.1-3

ṣaṣṭhaḥ khaṇḍaḥ
tisṛbhyo hiṅkaroti saparācībhiḥ, pañcabhyo hiṅkaroti sa ekayā
sa tisṛbhissa ekayā, saptabhyo hiṅkaroti sa tisṛbhissa ekayā sa
tisṛbhirudyatī pañcadaśasya viṣṭutiḥ

13.2-3

etayā vai devāḥ svargaṃ
lokamāyan svargakāmaḥ stuvīta svargasya lokasya samaṣṭyai
svargāllokānna cyavate tuṣṭuvānaḥ

13.3-2

abhikrāmantī viṣṭutirabhikrāntyā evābhikrāntena hi yajñasyardhnoti tasmādetayā stotavyamṛdhyā
eva

13.1-4

saptamaḥ khaṇḍaḥ
pañcabhyo hiṅkaroti sa tisṛbhiḥ sa ekayā sa ekayā, pañcabhyo
hiṅkaroti sa ekayā tisṛbhiḥ sa ekayā, saptabhyo hiṅkaroti sa
ekayā sa tisṛbhiḥ sa tisṛbhirdaśasaptā saptadaśasya viṣṭutiḥ