Samavedabrahmananyashtau 133
Sāmavedabrāhmaṇānyaṣṭau 133
- Language
- Sanskrit
133.1
tṛtīyaḥ khaṇḍaḥ
'pavamānasya jighnato hareścandrā asṛkṣate'ti harivatyo gāyatryo
bhavanti cchandomānāmayātayāmatāyai
133.2
'pavamānasya jighnata' iti
vai bṛhato rūpam̐'hareścandrā asṛkṣate' ti jagatyā ubhayoḥ saha
rūpamupaiti sāmnaśca chandasaśca
133.3
'parīto ṣiñcatā suta'miti
parivatyo bhavantyanto vai navamamahastasyaitāḥ paryāptyai
133.4
'asāvi
somo aruṣo vṛṣā hari'riti jagatyaḥ satyastriṣṭubho rūpeṇa tasmātriṣṭubhāṃ loke kriyante
133.6
bharadvājasyādārasṛdbhavati
133.7
divodāsaṃ vai bharadvāja purohitaṃ nānā janāḥ paryāyatanta sa upāsīdadṛṣe gātuṃ me vindeti tasmā etena sāmnā gātumavindadgātuvid
etatsāmānenaṃ dārenāsṛnmeti tadadārasṛto'dārasṛtvaṃ vindate gātuṃ na
dāredhāvatyadārasṛtā tuṣṭuvānaḥ
133.8
surūpaṃ bhavati yadeva surūpasya
brāhmaṇam
133.9
hariśrīnidhanaṃ bhavati
133.10
paśavo vai hariśriyaḥ paśūnāmavarudhyai śriyaśca haraścopaiti tuṣṭuvānaḥ
133.11
saindhukṣitaṃ bhavati yadeva
saindhukṣitasya brāhmaṇam
133.12
gatanidhanaṃ bābhravaṃ bhavati gatyai
133.13
babhrurvā etena kaumbhyo'ñjasā svargaṃ lokamapaśyat svargasya
lokasyānukhyātyai svargāllokānna cyavate tuṣṭuvānaḥ
133.14
iḍānām̐sakṣāro bhavati
133.15
paśavo vā iḍā paśavaśchandomāḥ
paśuṣveva tatpaśūndadhāti
133.16
ṛṣabhaḥ pāvamāno bhavati
133.17
paśavo vai chandomāḥ paśuṣveva tanmithunamapyarjjati prajātyai na ha vā
anṛṣabhāḥ paśavaḥ prajāyante
133.18
pṛṣṭhaṃ bhavati
133.19
pṛṣṭhaṃ vā
etadghāṃ yannavamaṃ pṛṣṭha eva tatpṛṣṭhena stuvate pratiṣṭhāyai
133.20
kaulmalabarhiṣaṃ bhavati
133.21
kaulmalabarhirvā etena svargaṃ
lokamapaśyat prajāpatiṃ bhūmānamagacchat prajāyate bahurbhavati kaulmalabarhiṣeṇa tuṣṭuvānaḥ
133.22
arkapuṣpaṃ bhavati
133.23
annaṃ vai
devā arka iti vadanti rasamasya puṣpamiti sarasamevānnādyamavarunthe'rkapuṣpeṇa tuṣṭuvānaḥ
133.24
dairghaśravasaṃ bhavati
133.25
dīrghaśravā
vai rājanya ṛṣirjyogaparuddho'śanāyaṃścaran sa etadairghaśravasamapaśyattena
sarvābhyo digbhyo'nnādyamavārundha sarvābhyo digbhyo'nnādya mavarundhe
dairghaśravasena tuṣṭuvānaḥ
133.26
vaiyaśvaṃ bhavati yadeva vaiyaśvasya
brāhmaṇam
133.27
abhīśavaṃ yadābhīśavasyeti
133.28
devasthānaṃ
bhavati pratiṣṭhāyai saṃskṛti bhavati saṃskṛtyai
133.29
aharvā etadalvīyata tadevā devasthāne tiṣṭhantaḥ saṅkṛtinā samaskurvaṃstat
saṅkṛteḥ saṅkṛtitvaṃ devasthānena vai devāḥ svarge loke pratyatiṣṭhan
svarge loke pratitiṣṭhāmetyetat
133.30
varuṇāya devatā rājyāya
nātiṣṭhanta sa etadevasthānamapaśyattato vai tāstasmai rājyāyātiṣṭhanta
tiṣṭhante'smai samānāḥ śraiṣṭhyāya
133.31
kṣatrasyevāsya prakāśo bhavati pratitiṣṭhati ya evaṃ veda
133.32
bhargaeva bhargeṇa tuṣṭuvāno bhavati yaśo yaśasā
133.33
vāsiṣṭhaṃ
bhavati yadeva vāsiṣṭhasya brāhmaṇam
133.34
dīrghatamaso'rko bhavatyannaṃ
vā arko'nnādyasyāvarudhyai
133.35
sāmarājaṃ bhavati sāmrājyamādhipatyaṃ gacchati sāmarājñā tuṣṭuvānaḥ
133.36
tadu saṃvadityāhuḥ
saṃvatā vai devāḥ svargaṃ lokaṃ prāyannudgatodāyan
133.37
nidhanāntāḥ
pavamānā bhavantyahno dhṛtyai stomaḥ