Samavedabrahmananyashtau 135
Sāmavedabrāhmaṇānyaṣṭau 135
- Language
- Sanskrit
135.1
pañcamaḥ khaṇḍaḥ
'tvam̐somāsi dhārayu'riti gāyatro bhavatyahno dhṛtyai tvamiti
bṛhato rūpaṃ bārhatam̐hyetadahaḥ
135.2
'tvam̐hāṅga daivye'ti tvamiti
bṛhato rūpaṃ bārhatam̐hyetadahaḥ
135.3
'pavasva deva vītaya' iti bṛhato rūpaṃ bārhataśchandaḥ
135.4
'parityaścaryatścari'miti parivatyo bhavantyanto vai navamamahastasyaitāḥ
paryāptyai
135.5
'pavasva soma mehe dakṣāye' tyakṣarapaṅktiḥ stomānāṃ
prabhūtiratho etaddhacaivaitarhi cchando'yātayāma yadakṣarapaṅktistena chandomā
ayātayāmānaḥ kriyante brahmavādino vadanti yat ṣaḍahe stomāśchandām̐syāpyante kiṃ chandasaśchandomā ityetacchandaso yadetā akṣarapaṅktya iti brūyāt
135.6
'upoṣu jātamaptura'miti gāyatryaḥsatyojagatyo rūpeṇa tasmāt jagatīnāṃ loke kriyante
135.7
gāyatraṃ
bhavati yadeva gāyatrasya brāhmaṇam
135.8
āśvasūktaṃ bhavati
135.9
agniṃ vai pūrvairahabhirājuhotyathaitadādityadaivatyamahaḥ śukra āhuta
ityasau vā ādityaḥ śukrastamevaitenājuhoti
135.10
śāmmadaṃ
bhavati
135.11
śammadvā etenāṅgiraso'ṅgasā svargaṃ lokamapaśyat
svargasya lokasyānukhyātyai svargāllokānna cyavate tuṣṭuvānaḥ
135.12
dāvasunidhanaṃ bhavati
135.13
āśiṣamevāsmā etenāśāste sāma
hi satyāśīḥ
135.14
dāvasurvā etadāṅgirasaḥ paśukāmaḥ sāmāpaśyattena
sahasraṃ paśūnasṛjata yadetat sāma bhavati paśūnāṃ puṣṭyai
135.15
pratīcinedaṃ kāśītaṃ bhavati
135.16
parācībhirvā anyābhiriḍābhīreto dadhadetyathaitatpratīcīnedaṃ kāśītaṃ prajātyai tasmātparāñco garbhāḥ
sambhavanti pratyañcaḥ prajāyante tasmādu te'vācīna bilebhyo nāvapadyanta etena hyeva te dhūtāḥ
135.17
hāviṣkṛtaṃ bhavati pratiṣṭhāyai
kṛtānuvāda eṃva saḥ
135.18
sauparṇa bhavati yadeva sauparṇasya
brāhmaṇam
135.19
vaiśvamanasaṃ bhavati
135.20
viśvamanasaṃ vā ṛṣi
madhyāyamudvrajitaśrakṣo'gṛhṇāttamindro'cāyadṛṣiṃ vai rakṣo'grahīditi,
tamabhyavadadṛṣe kastvaiṣa iti, sthāṇuriti brūhīti rakṣo'bravīt sa
sthāṇurityabravīttasmai vā etena praharetyasmā iṣīkāṃ vajraṃ prayacchannabravīttenāsya sīmānamabhinat saiṣendreṇateṣīkā pāpmā vāva sa tamagṛhṇāttaṃ
vaiśvamanasenāpāhatāpapāpmānaśhate vaiśvamanasena tuṣṭuvānaḥ
135.21
gaurīvitaṃ bhavati yadeva gaurīvitasya brāhmaṇam
135.22
nihavo
bhavatyannādyasyā'varudhyai
135.23
hīti vā annaṃ pradīyata
ītyagnirannamatti
135.24
ṛṣayo vā indraṃ pratyakṣaṃ nāpaśyan sa
vasiṣṭho'kāmayata kathamindraṃ pratyakṣaṃ paśyeyamiti sa
etannihavamapaśyattato vai sa indraṃ pratyakṣamapaśyat, sa enamabravīd
brāhmaṇaṃ te vakṣyāmi yathā tvatpurohitā bharatāḥ prajaniṣyante'tha
mānyebha ṛṣibhyo mā pravoca iti tasmā etān stomabhāgānabravīttato
vai vasiṣṭhapurohitā bharatāḥ prājāyanta sendraṃ vā etatsāma yadetatsāma
bhavati sendratvāya
135.25
yadvāhiṣṭhīyaṃ bhavati
135.26
brahmayaśasaṃ
vā etāni sāmānyūcā śrotrīyāṇi brahmayaśrasī bhavati yadvāhiṣṭhīyena
tuṣṭuvānaḥ
135.27
āsitaṃ bhavati yadevāsitasya brāhmaṇam
135.28
sādhnaṃ bhavati siddhyai
135.29
ākūpāraṃ bhavati
135.30
akūpāro
vā etena kaśyapo jemānaṃ mahimānamagacchajjemānaṃ mahimānaṃ
gacchatyākūpāreṇa tuṣṭuvānaḥ
135.31
vidharmma bhavati dharmmasya
vidhṛtyai
135.32
brahmavādino vadanti yat ṣaḍahe stomāśchandām̐syāpyante kiṃ chandasaśchandomā iti puruṣacchandasa iti brūyāt
puruṣo vai pāṅktaḥ puruṣo dvipadācchandomānāmayātayāmatāyai
135.33
śyudhyaṃ bhavati
135.34
paśavo vai śyudhyaṃ paśūnāmvarudhyai
135.35
prajāpatiḥ paśūnasṛjata te'smāt sṛṣṭā apākrāmam̐stānetena sāmnā
śrūdhiyā ehiyetyanvahvayatta enamupāvartanta yadetat sāma bhavati paśūnāmupāvṛtyai
135.36
upainaṃ paśava āvarttante ya evaṃ veda
135.37
gāyatrīṣu stuvanti pratiṣṭhāyai brahmavarccasāya yenaiva prāṇena prayanti tamabhyudyantīḍāntāḥ pavamānā bhavanti paśavo vā iḍā paśavaśchandomāḥ paśuṣveva tatpaśūd-dhāti stomaḥ
Linked texts (1)
- Mādhyandina — Sanskrit