Samavedabrahmananyashtau 138
Sāmavedabrāhmaṇānyaṣṭau 138
- Language
- Sanskrit
138.1
aṣṭamaḥ khaṇḍaḥ
'suṣamiddho na āvahe' tyāpriya ājyāni bhavanti
138.2
prajāpatiḥ prajā asṛjata saduggho riricāno'manyata sa
etānyāpriyaājyānyapaśyattairātmānamāprīṇāt dugdhaiva vā eṣa riricāno
yo daśabhiraharbhistuṣṭuvāno yadetānyāpriya ājyāni bhavantyātmānamevaitairāprīṇāti
138.3
'yadya sūra udita' iti sūravanmaitrāvaruṇamanto vai sūro'nta etaddaśamamahnāmanta eva tadantena stuvate pratiṣṭhāyā
'utvā mandantu somā' ityudvadaindramutthānasya rūpam
138.4
'indrāgnī
āgataṃ sutami'ti yenaiva rūpeṇa prayanti tadabhyudyantī stomaḥ
138.1-2
navamaḥ khaṇḍaḥ
'uccā te jāta mandhasa' ityudvatyo gāyatryo bhavantyutthānasya
rūpam
138.2-2
'punānaḥ somadhāraye'ti panthānameva tat
paryyavayanti
138.3-2
'ā jāgṛvirvipra ṝtaṃ matīnā'miti yadāpte
pravatīḥ kuryyuratipadyeranyadāvatyo bhavantyanatipādāya
138.4-2
gāyatraṃ
bhavati yadeva gāyatrasya brāhmaṇam
138.5
āmahīyavaṃ bhavati
klṛptiścānnādyaśca klṛptiścaivaitenānnādyaścābhyuttiṣṭhanti
138.6
ājigaṃ bhavatyājijityāyai
138.7
ājirvā eṣa pratato yat
dvādaśāhastasyaitadujjityai
138.8
ābhīkaṃ bhavatyabhikrāntyai
138.9
aṅgirasastapastepānāḥ śucamaśocam̐sta etatsāmāpaśyam̐stānabhīke'bhyavarṣatena śucamaśamayanta yadabhīke'bhyavarṣattasmādābhīkaṃ
yāmeva pūrvairaharbhiḥ śucam̐śocanti tāmetenātra śamayitvottiṣṭhanti
138.10
utsedho bhavati
138.11
utsedhena vai devāḥ paśūnudaśedhanniṣedhena paryyagṛhaṇan
138.12
antarotsedhaniṣedhau
yajñāyajñīyam
138.13
paśavo'nnādyaṃ yajñāyajñīyaṃ paśūneva tadannādyamutsedhaniṣedhābhyāṃ parigṛhṇāti
138.14
mādhyandine vai pavamāne devā
yajñāyajñīyena. yajñaṃ saṃsthāpya svargaṃ lokamāroham̐stadya evaṃ veda
mādhyandina evaitatpavamāne yajñāyajñīyena yajñam̐saṃsthāpya svargaṃ
lokamārohati
138.15
atho parokṣamanuṣṭubhaṃ sampadyate'hareṣā vai
pratyakṣamanuṣṭup yadyajñāyajñīyaṃ tadyatṛtīyasavane kuryyuḥ pratyakṣamanuṣṭubhamṛccheyustasmānmadhyandine kurvanti tena parokṣamanuṣṭubhamupayanti
138.16
gaurīvitaṃ bhavati
138.17
etadvai yajñasya śvastanaṃ yadgaurīvitametadāyatano
yajamāno yanmadhyandino yadgaurīvitaṃ madhyandine bhavati śvastanameva
tadyajamāna ātmanvate stomaḥ