Samavedabrahmananyashtau 142
Sāmavedabrāhmaṇānyaṣṭau 142
- Language
- Sanskrit
142.1
ṣoḍaśo'dhyāyaḥ
prathamaḥ khaṇḍaḥ
prajāpatirvā idameka āsītrāharāsītra trirāsītso'smintrandhe
tamasi prāsarpatsa aicchatsa etamabhyapadyata tato vai tasmai vyauchadvyuṣṭirvā eṣa āhyate yadvai tajjyotirabhavattata jyotiṣo
jyotiṣṭvam
142.2
eṣa vāva prathamo yajñānāṃ ya etenāniṣṭvāthānyena
yajate karttapatyameva tajjīyate vā pravāmīyate
142.3
yathā vā
idamagnerjjātādagnayo vihayanta evametasmādadhyanye yajñāvihyante
142.4
yo hi trivṛdanyaṃ yajñakratumāpadyate sataṃ dīpayati yaḥ pañcadaśaḥ sa taṃ
yaḥ saptadaśaḥ sa taṃ ya ekaviṃśaḥ sa tam
142.5
etattadyadāhureko yajña ityetaddhi sarve jyotiṣṭomā bhavanti
142.6
asthūrirvā
eṣa santato yajño dvau dvau hi stomau savanaṃ vahatastrivṛtpañcadaśau
prātaḥsavanaṃ pañcadaśasaptadaśau mādhyandinaḥsavanaḥsaptadaśaikaviṃśau
tṛtīyasavanam
142.7
yā mitadakṣiṇaiva syādeṣa eva kāryya iyaṃ vai
jyotiriyamamitasya yantrikaiṣā vā etaṃ yantumarhati
142.8
tasya
navatiśataḥstotrīyāstāsāṃ yā aśītiśataṃ tāḥ ṣaṭtriṃśinyo
virājaḥ ṣaḍṛtava ṛtuṣveva virājā pratitiṣṭhati
142.9
atha yā
daśaiṣā vā ātmanyā virāḍetasyāṃ vā idaṃ puruṣaḥ pratiṣṭhitaḥ
142.10
gauścāśvaścāśvataraśca gardabhaścājāścāvayaśca vrīhayaścayavāśca tilāśca
māṣāścaitasyāmeva virāji pratitiṣṭhati
142.11
tasya dvādaśaṃśataṃ
dakṣiṇāḥ
142.12
vīrahā vā eṣa devānāṃ yaḥ somamabhiṣuṇoti yāḥ
śataṃ vairaṃ taddevānavadayate'tha yā daśadaśaprāṇāṃstābhispṛṇoti
yaikādaśyātmānaṃ tayā yā dvādaśī saiva dakṣiṇā
142.13
śleṣma vā etadyajñasya yaddakṣiṇā na vā aśleṣmā ratho vahatyatha
yathāśleṣmavatā yaṃ kāmaṃ kāmayate tamabhyaśnuta evametena dakṣiṇāvatā
yaṃ kāmaṃ kāmayate tamabhyaśnute
142.14
śubho vā etā yajñasya
yaddakṣiṇā yaddakṣiṇāvatā yajate śubhamevāsmindadhāti
Linked texts (2)
- Adhyāyas 1–7 (input A. Pohlus) — Sanskrit
- Maitrāyaṇīsaṃhitā (ed. Śrīpāda Dāmodara Sātavalekara) — Sanskrit