Samavedabrahmananyashtau 145
Sāmavedabrāhmaṇānyaṣṭau 145
- Language
- Sanskrit
145.1
prajāpatiḥ prajā asṛjata tā asmai śraiṣṭhyāya nātiṣṭhanta sa
āsāṃ diśāṃ prajānāñca rasaṃ prabṛhya srajaṃ kṛtvā pratyamuñcata tato'smai
prajāḥ śraiṣṭhyāyātiṣṭhanta
145.2
tiṣṭhante'smai samānāḥ śraiṣṭhyāya ya
evaṃ veda
145.3
so'kāmayatendro me prajāyāśśreṣṭhaḥ syāditi tāmasmai
srajaṃ pratyamuñcattato vā indrāya prajāḥ śraiṣṭhyāyātiṣṭhanta tacchilpaṃ
paśyantyo yatpitarṣyapaśyan
145.4
tasmādyaḥ putrāṇāṃ dāyaṃ
dhanatamamivopaiti taṃ manyante'yamevedaṃ bhaviṣyatīti
145.5
tato vā
idamindro viśvamajayadyadviśvamajayattasmādviśvajit
145.6
so'kāmayata
yanme'nabhijitaṃ tadabhijayeyamiti sa etamabhijitamapaśyattenānabhijitamabhyajayat
145.7
yadabhijiddevatyanabhijitasyābhijityai
145.8
tau
vā etāvindrastomau vīryavantau śilpaṃ vā etau nāmastomāvāstām
145.9
paśyate gṛhe śilpaṃ ya evaṃ veda
145.10
na vai yamau
nāma stomau sto yo yamābhyāṃ yajetaitābhyāṃ yajeta samṛddhyai
145.11
punarabhyāvarttaḥstomā bhavanti punarabhyāvarttaḥhyetābhyāmindro'jitamajayat
145.12
trīḥstrivṛdabhijitaḥ praṇayati trīn pañcadaśastrīn saptadaśastrīnekaviṃśāste dvādaśa sampadyante dvādaśamāsāḥ
saṃvatsaraḥ saṃvatsaraḥ prajāpatiḥ prajāpatimevāpnoti
145.13
caturastrivṛdviśvajitaḥ praṇayati caturaḥ pañcadaśaścaturaḥ saptadaśāste dvādaśa
sampadyante dvādaśamāsāḥ saṃvatsaraḥ saṃvatsaraḥ prajāpatiḥ prajāpatimevāpnoti