Samavedabrahmananyashtau 146
Sāmavedabrāhmaṇānyaṣṭau 146
- Language
- Sanskrit
146.1
'upa tvā jāmayo gira' ityupavatī pratipadyavati stomasya rūpam
146.2
'prāṇairvā eṣa vyṛdhyata ityāhuryaḥ sarvaṃ dadāti sarvān stomān sarvāṇi pṛṣṭhānyupaitīti yadvāyavyā bhavati prāṇānām̐-samṛddhyai
146.3
sarasvataśca sarasvatyāścottare bhavataḥ
146.4
mithunaṃ vā etadyat sarasvām̐śca sarasvatī ca mithunamevāsya yajñamukhe dadhāti prajananāya
146.5
sāvitrī caturthī bhavati
146.6
duṣkaraṃ vā eṣa karoti yaḥ sarvaṃ dadāti yat sāvitrī bhavati savitṛprasūtaṃ me karmmāsaditi savitṛprasūtamevāsya karma bhavati
146.7
brāhmaṇaspatyā pañcamī bhavati
146.8
brahma vai brahmaṇaspatirbrahmaivāsya yajñamukhe dadhāti
146.9
āgnipāvamāno ṣaṣṭhī bhavati
146.10
agnirevainaṃ niṣpatiḥ pavamānaḥ punāti pūtamevainaṃ yajñiyaṃ pṛṣṭhānyupanayati
146.11
'yanti vā ete patha' ityāhurye sambhāryāḥ kurvate
146.12
'pavamāna uttamastṛco bhavati tena patho nayanti
146.13
'sa tu vai pṛṣṭhaiḥ stuvīte'tyāhurya etāni bahiṣpavamāne yujyāditi
146.14
upavatī pratipadyavatyupa vai rathantaram̐ rathantamevāsmai tayā yunakti
146.15
sarasvatī dvitīyā bhavati svargo lokaḥ sarasvān svargo loko bṛhad bṛhadevāsmai tayā yunakti
146.16
sarasvatyāstṛtīyā bhavati vāgvai sarasvatī vāgvairūpaṃ vairūpamevāsmai tayā yunakti
146.17
sāvitrī caturthī bhavati prajāpatirvai savitā prajāpatirvairājaṃ vairājamevāsmai tayā yunakti
146.18
brāhmaṇaspatyā pañcamī bhavati brahma vai brahmaṇaspatirbrahma śakvaryaḥ śakvarīrevāsmai tayā yunakti
146.19
āgnipāvamānī ṣaṣṭhī bhavati gāyatrī vai revatī gāyatracchandā agnīrevatīrevāsmai tayā yunakti
146.20
na catvāri ṣaḍbhyo vibhavanti yadaniruktāni tena
vibhavanti
146.21
sarvāṇi svārāṇyājyāni tajjāmi nānādevatyaiḥ
stuvantyajāmitāyai
146.22
‘suṣamiddho na āvahe'tyāpriya ājyāni
bhavanti
146.23
prajāpatiḥ prajā asṛjata sa dugdhoriricāno'manyata
sa etānyāpriya ājyānyapaśyattairātmāna māprīṇāt dugdhaiva vā eṣa
riricāno yaḥ sarvaṃ dadāti yadāpriya ājyāni bhavantyātmānameva
tairāprīṇāti
146.24
etarhi tu vai pṛṣṭhāni yathāyatanaṃ kalpanta
ityāhuryadrathantaraṃ prathamaṃ bṛhaduttamaṃ madhyaitarāṇīti
146.25
‘jāmi
vā etadyajñe kriyata’ ityāhuryatsarvāṇi nidhanavanti saha kriyanta
iti yadantarā somā yantyantaroktyāni śasyante'ntarā vaṣaṭkurvanti
tenājāmi
146.26
vyatyāsamiḍāśca nidhanāni cāhustenājāmi
146.27
cyavante vā etaddevatyaḥ svādāyatanādityāhuryat
trayastriṃśāt stomādyantīti yadgāyatryo bhavanti tenāyatanānna cyavante
yā hi kā ca gāyatrī sā revatī
Linked texts (1)
- Pañcaviṃśabrāhmaṇa — Sanskrit