Samavedabrahmananyashtau 149
Sāmavedabrāhmaṇānyaṣṭau 149
- Language
- Sanskrit
149.1
aṣṭamaḥ khaṇḍaḥ
athaiṣa jyotiḥ
149.2
parāṅvai trirātro'rvāṅagniṣṭomo yastrirātre
vibhraśśate na tasmin punarastyatha yo'gniṣṭome prāyaścittimattadapi
hyetenaikaviṃśati dakṣiṇena punaryajeta yasmin hyeva yajñakratau vibhraṃśate saiva tasya prāyaścittiḥ
149.3
upasadi sahasraṃ prātaranuvākamanvāha tadasau lokaḥ sahasraṃ dakṣiṇāstadantarikṣam̐sahasrametānyakṣarāṇi
tadayaṃ loka eṣu lokeṣu pratitiṣṭhati ya evaṃ veda
149.4
'ṛkthā vā anyat sahasra' mityāhurakṣaresthā anyaditi yat trirātre dīyate tadṛkthā atha yadagniṣṭome tadakṣaresthā
149.5
yat sahasrākṣarāsu brahmasāma bhavati sahasrasyaiva sā pratiṣṭutiḥ
149.6
'yāvadvai sahasraṃ gāva uttarādharā' ityāhustāvadasmāt lokāt svargo loka iti tasmādāhuḥ sahasrayājī vā imān lokān prāpnoti
149.7
'paśubhirvā eṣa vyṛdhyata' ityāhuryaḥ sadyaḥ sahasraṃ dadātīti paṅktiṣu brahmasāma bhavati pāṅkto yajñaḥ pāṅktāḥ paśavo yajñaeva paśuṣu pratitiṣṭhati
149.8
trivṛtaḥstomaḥsampadyate virājaṃ chandaḥ
149.9
prāṇo vai trivṛdannaṃ virāṇnavaiva prāṇa ṛte'nnātpārayati nānnamṛte prāṇātprāṇeṣu caivānnādye ca pratitiṣṭhati
Linked texts (2)
- Mādhyandina — Sanskrit
- Pañcaviṃśabrāhmaṇa — Sanskrit