Samavedabrahmananyashtau 15
Sāmavedabrāhmaṇānyaṣṭau 15
- Language
- Sanskrit
15.1
ekādaśaḥ khaṇḍaḥ
pañcabhyo hiṅkaroti sa tisṛbhiḥ sa ekayā sa ekayā, tisṛbhyo
hiṅkaroti sa parācībhirnavabhyo hiṅkaroti sa tisṛbhiḥ sa tisṛbhiḥ
sa tisṛbhiḥ
15.2
caturastomān prativihitā brahmavarccasakāmaḥ
stuvīta pañcabhiḥ pañcadaśaṃ tisṛbhistrivṛtantravabhistriṇvaḥsvayaḥsaptadaśaḥ
sampanno vīryya vai stomāvīryameva tadekadhā samūhate brahmavarcasasyāvarudhyai tejasvī brahmavarccasī bhavati ya etayā stute
15.1-2
dvādaśaḥ khaṇḍaḥ
tisṛbhyo hiṅkaroti sa parācībhiḥ pañcabhyo hiṅkaroti sa ekayā
sa tisṛbhiḥ sa ekayā navabhyo hiṅkaroti sa tisṛbhissa tisṛbhassa
tisṛbhirudyatī saptadaśasya viṣṭutiḥ
15.2-2
etayā vai devāḥ svargaṃ
lokamāyaṃsvargakāmaḥ stuvīta svargasya lokasya samaṣṭyai
svargāllokānna cyavate tuṣṭuvāno'bhikrāmantī viṣṭutirabhikrāntyā
evābhikrāntena hi yajñasyardhvoti tasmādetayā stotavyamṛdhyā eva
15.1-3
trayodaśaḥ khaṇḍaḥ
saptabhyo hiṅkaroti sa tisṛbhissa tisṛbhissa ekayā pañcabhyo
hiṅkaroti sa ekayā tisṛbhissa ekayā pañcabhyo hiṅkaroti sa
ekayā sa ekayā sa tisṛbhirbhastrāvācīnavilā
15.2-3
yaṃ dviṣyāttasya
kuryādyathāvācīnavilayā bhastrayā pradhūnuyādevaṃ yajamānasya paśūn
pradhūnotyapakrāmantī viṣṭutistayā yajamānasya paśavo'pakrāmanti pāpīyān
bhavati ya etayā stute
15.1-4
caturdaśaḥ khaṇḍaḥ
saptabhyo hiṅkaroti sa tisṛbhissa tisṛbhissa ekayā saptabhyo
hiṅkaroti sa ekayā tisṛbhissa tisṛbhissaptabhyo hiṅkaroti sa
tisṛbhissa ekayā sa tisṛbhiḥ saptasaptinyekaviṃśasya
viṣṭutiḥ
15.2-4
sapta grāmyāḥ paśavastānetayā spṛṇoti sapta
śirasi prāṇāḥ prāṇā indriyāṇīndriyāṇyevaitayāpnoti
15.3
eṣā vai pratiṣṭhitaikaviṃśasya viṣṭutiḥ pratitiṣṭhati ya etayā
stute
15.1-5
pañcadaśaḥ khaṇḍaḥ
pañcabhyo hiṅkaroti sa tisṛbhiḥ sa ekayā sa ekayā saptabhyo
hiṅkaroti sa ekayā sa tisṛbhissa tisṛbhirnavabhyo hiṅkaroti sa
tisṛbhiḥ sa tisṛbhiḥ sa tisṛbhirudyatyekavim̐śasya viṣṭutiḥ
15.2-5
etayā vai devāḥ svargaṃ lokamāyan svargakāmaḥ stuvīta svargasya
lokasya samaṣṭyai svargāllokānna cyavate tuṣṭuvāno'bhikrāmantī
viṣṭutirabhikrāmantyā evābhikrāntena hi yajñasyardhnoti tasmādetayā
stotavyamṛddhyāeva
15.3-2
saiṣā trivṛtprāyaṇā trivṛdudayanā
yattrivṛdbahiṣpavamānaṃ bhavati navaitā ekavim̐śasyottamā bhavanti prāṇā
vai trivṛtprāṇāneva tadubhayato dadhāti tasmādayamarddhabhāgavākprāṇa uttareṣāṃ
prāṇānāṃ sarvvamāyuriti na purāyuṣaḥ pramīyate ya etayā stute
15.4
tāmetāṅkaradviṣa upāsate tasmātte sarvvamāyuryanti
15.1-6
ṣoḍaśaḥ khaṇḍaḥ
navabhyo hiṅkaroti sa tisṛbhiḥ sa tisṛbhiḥ sa tisṛbhiḥ,
pañcabhyo hiṅkaroti sa ekayā sa tisṛbhiḥ sa ekayā, saptabhyo
hiṅkaroti sa tisṛbhiḥ sa ekayā sa tisṛbhiḥ pratiṣṭutiḥ
15.2-6
navabhistrivṛtaṃ pratiṣṭhauti pañcabhiḥ pañcadaśaṃ saptabhiḥ saptadaśaṃ
svayamekavim̐śaḥ sampannaḥ
15.3-3
ya eva stomā yajñaṃ vahanti tānuttame
stotre santarpayati yathā'naḍuho vāśvānvāśvatarānvohuṣaḥ santarpayedevametaduttame stotre stomān santarpayati tṛpyati prajayā paśubhirya
etayā stute
15.4-2
etāmeva purodhākāmāya kuryyād brahma vai trivṛt
kṣatramekavim̐śo yattrivṛtaikavim̐śaṃ pratipadyate brahma tat kṣatrasya
purastānnidadhāti gacchati purodhānna purodhāyāścayate ya etayā
stute
15.5
tāmetāṃ prāvāhaṇya upāsate tasmātte purodhāyā na cyavante
Linked texts (1)
- Pañcaviṃśabrāhmaṇa — Sanskrit