Samavedabrahmananyashtau 151
Sāmavedabrāhmaṇānyaṣṭau 151
- Language
- Sanskrit
151.1
daśama: khaṇḍa:
athaiṣa viśvajyotirukthyaḥ
151.2
paśavo vā ukthāni paśavo viśvajyotirviśva eva jyotau paśuṣu pratitiṣṭhati
151.3
aharbhirvai trirātra imān lokānāpnoti savanaireṣa uttarāmuttaraṃ trirātrasyāharvarṣīya
uttaramuttarametasya savanaṃ varṣīyastena trirātramāpnotyuttara uttara eṣāṃ
lokānāṃ jyāyām̐stenemān lokānāpnoti
151.4
asthūrirvā eṣa
santato yajño dvau dvau hi stomau savanaṃ vahataḥ
151.5
trivṛtpañcadaśau
prātaḥsavanam̐saptadaśapañcavim̐śau mādhyandinam̐savanaṃ caturvim̐śaikavim̐śau
tṛtīyasavanam
151.6
yadvai yukte santata ādhīyate vahati tadyathā
yukte santata ādadhyādevametasmin sahasramādhīyate
151.7
ubhe
bṛhadrathaṃntare bhavataḥ
151.8
iyaṃ vai rathantaraṃ dyaurbṛhadevāsmāāllokādvāyatyevāmuṣmādubhayoranayorlokayoḥ pratitiṣṭhati
151.9
anuṣṭubhyātharvaṇaṃ bhavati
151.10
bheṣajaṃ vai devānāmatharvaṇo bheṣajyāyaivāriṣṭayai
151.11
udvam̐śīyamukthānāmantato bhavati sarveṣāṃ vā
etat pṛṣṭhānām̐rūpam̐sarveṣveva rūpeṣu pratitiṣṭhati
151.12
uktho
bhavati paśavo vā ukthāni paśavaḥ sahasraṃ paśuṣveva tatpaśūndadhāti
Linked texts (1)
- Pañcaviṃśabrāhmaṇa — Sanskrit